QOʻLLASH BOʻYICHA YOʻRIQNOMA
EUFILLIN
Эуфиллин, Теофиллин, Аминофиллин
EUPHYLLINE
Preparatning savdo nomi: Eufillin
Taʼsir etuvchi modda (XPN): aminofillin (aminophylline)
Dori shakli: vena ichiga inyeksiya uchun eritma
Tarkibi:
1 ml preparat quyidagilarni saqlaydi:
faol modda: aminofillin – 24 mg;
yordamchi moddalar: etilendiamin, inyeksiya uchun suv.
Taʼrifi: tiniq, rangsiz suyuqlik.
Farmakoterapevtik guruhi: bronxolitik vosita.
ATX kodi: R03DA05
Farmakologik xususiyatlari
Farmakodinamikasi
Preparat bronx mushaklarini boʻshashtiradi, bronxospazmni bartaraf etadi. Oʻrtacha inotrop va diuretik taʼsir koʻrsatadi. Eufillin qon tomirlar qarshiligini kamaytiradi, qon tomirlar tonusini pasaytiradi, koronar tomirlarni kengaytiradi, oʻpka arteriyasi tizimida bosimni pasaytiradi, diafragmani qisqarishini yaxshilaydi, nafas markazini ragʻbatlantiradi, mikrotsirkulyatsiyani yaxshilaydi.
Farmakokinetikasi
Kattalarda 60% eufillin va yangi tugʻilgan chaqaloqlarda 36% eufillin plazma oqsillari bilan bogʻlanadi, qon va mushak toʻqimalarida taqsimlanadi, yoʻldosh va gematoensefalik toʻsiq orqali oʻtadi. Preparatning 90% jigarda metabolizmga uchraydi. Metabolitlari buyrak orqali chiqariladi, 7-13% preparat oʻzgarmagan koʻrinishda chiqariladi. Yarim chiqarilish davri 5-10 soatni tashkil qiladi.
Qoʻllanilishi
Bronxial astma va turli etiologiyali bronxospazm (asosan xurujlarni bartaraf etish uchun); kichik qon aylanishida gipertenziya, yurak astmasi, ayniqsa xurujlar bronxospazm va Cheyn-Stoks tipida nafas olishni buzilishlari bilan kechganida; serebral qon tomir xurujlari va bosh miyada qon aylanishini yaxshilash uchun; bosh miyada qon aylanishini surunkali buzilishlarida qoʻllanadi.
Qoʻllash usuli va dozalari
Vena ichiga inyeksiya yoʻli bilan yuboriladi. Sekin yuborilsin! Yuborish tezligi minutiga 2 ml ni tashkil qiladi. Kattalar uchun eng yuqori dozalari: bir martalik – 0,25 g (10 ml), sutkalik – 0,5 g (20 ml). Bolalar uchun eng yuqori dozalari: bir martalik – tana vazniga 2,5 mg/kg, sutkalik – tana vazniga 5 mg/kg ni tashkil qiladi.
Nojoʻya taʼsirlari
Meʼda-ichak yoʻllari tomonidan: jigʻildon qaynashi, meʼda va oʻn ikki barmoq ichak yara kasalligini zoʻrayishi.
Markaziy nerv tizimi tomonidan: bosh ogʻrigʻi, havotirlik, bosh aylanishi, uyqusizlik, tremor.
Yurak-qon tomir tizimi tomonidan: yurak ritmini buzilishi, stenokardiya xurujlari sonini oshishi, arterial bosimni hatto kollapsgacha pasayishi – vena ichiga tez yuborilganda.
Allergik reaksiyalar: teri toshmasi, teri qichishishi, isitmali reaksiyalar.
Qoʻllash mumkin boʻlmagan holatlar
Arterial bosimni pasayishi, paroksizmal taxikardiya, ekstrasistoliyalar, tutqanoq, miokard infarktida qoʻllash mumkin emas.
Dorilarning oʻzaro taʼsiri
Efedrin, beta-adrenostimulyatorlar, kofein va furosemid preparatning taʼsirini kuchaytiradi. Fenobarbital, fenitoin, rifampitsin, izoniazid, karbamazepin yoki sulfinpirazon bilan majmuada qoʻllanilganda eufillinning samaradorligini pasayishi kuzatiladi, bu preparatning qoʻllanilayotgan dozalarini oshirishni talab etishi mumkin. Preparat litiy karbonati va beta-adrenoblokatorlarning terapevtik samaralarini susaytiradi. Beta-adrenoblokatorlarni buyurish eufillinning bronxlarni kengaytiruvchi taʼsiriga toʻsqinlik qilish va bronxospazm chaqirishi mumkin. Eufillin siydik haydovchi vositalarning taʼsirini kuchaytirishi mumkin. Preparatni dekstroza eritmalari bilan qoʻllash mumkin emas, glyukoza, fruktoza va levuleza eritmalari bilan nomutanosib.
Nomutanosiblik
Maʼlumotlar yoʻq.
Maxsus koʻrsatmalar
Jigar va buyrak funksiyasini yaqqol buzilishlari, meʼda va oʻn ikki barmoq ichak yara kasalligi boʻlgan patsiyentlarda preparat ehtiyotkorlik bilan buyuriladi.
Homiladorlik va laktatsiya davri
Preparatni homiladorlik davrida qoʻllash zarurati boʻlganida ona uchun kutilayotgan foyda va homila uchun potensial xavfini solishtirish kerak. Preparatni laktatsiya davrida qoʻllash zarurati boʻlganida emizishni toʻxtatish kerak.
Avtotransportni haydash va mexanizmlarni boshqarish qobiliyatiga taʼsiri
Cheklovlar yoʻq.
Preparat bolalar ololmaydigan joyda saqlansin va yaroqlilik muddati oʻtgach ishlatilmasin.
Dozani oshirib yuborilishi
Doza oshirib yuborilganda yuz terisining giperemiyasi, uyqusizlik, harakat qoʻzgʻalishi, havotirlik, anoreksiya, diareya, koʻngil aynishi, qusish, epigastral sohada ogʻriq, meʼda-ichak yoʻllaridan qon ketishi, taxikardiya, yurak qorinchalari aritmiyalari, tremor, tarqalgan tirishishlar, giperventilyatsiya, arterial bosimni haddan tashqari pasayishi kuzatiladi. Dozani oshirib yuborilishini davolash klinik manzaraga bogʻliq, preparatni bekor qilish, uni organizmdan chiqarilishini ragʻbatlantirish va simptomatik vositalarni buyurishni oʻz ichiga oladi.
Chiqarilish shakli
5 ml yoki 10 ml dan ampulalarda. 10 ampuladan qoʻllash boʻyicha yoʻriqnomasi bilan oʻramda.
Saqlash sharoiti
Yorugʻlikdan himoyalangan joyda, +25°S dan yuqori boʻlmagan haroratda.
Yaroqlilik muddati
3 yil.
Dorixonalardan berish tartibi
Retsept boʻyicha
Mavzuga aloqador
Berotek N