QOʻLLASH BOʻYICHA YOʻRIQNOMA
GЕMSITABIN MЕDAK Гемцитабин медак
GEMCITABINE MEDAC
Preparatning savdo nomi: Gemsitabin medak
Taʼsir etuvchi modda (XPN): gemsitabin (gemcitabine)
Dori shakli: infuziya uchun eritma tayyorlash uchun liofilizat
Tarkibi:
Preparat saqlovchi 1 flakon quyidagilarni saqlaydi:
Faol modda:
Gemsitabin gidroxloridi 227,7 mg 1138,5 mg 1707,8 mg
(gemsitabinga mos keladi) 200 mg 1000 mg 1500 mg
Yordamchi moddalar:
Mannitol 200 mg 1000 mg 1500 mg
Natriy atsetati trigidrati 20,73 mg 103,5 mg 155,5 mg
Natriy gidroksidi q.s. (rN ni 2,7-3,3 gacha yetkazish uchun)
Xlorid kislotasi q.s. (rN ni 2,7-3,3 gacha yetkazish uchun)
Taʼrifi: oq yoki deyarli oq rangli liofilizatsiya qilingan massa yoki kukun.
Farmakoterapevtik guruhi: oʻsmalarga qarshi vosita, antimetabolit.
ATX kodi: L01BC05.
Farmakologik xususiyatlari
Farmakodinamikasi
Oʻsmalarga qarshi vosita, pirimidin guruhiga mansub antimetabolit, DNK sintezini susaytiradi. Xujayralarga S va G1/S fazalarida taʼsir qilib, siklospetsifiklik namoyon qiladi. Nukleozidkinazalar taʼsiri ostida faol difosfat va trifosfat nukleozidlargacha xujayralarda metabolizmga uchraydi. Difosfat nukleozidlar ribonukleotidreduktazaning (DNK sintezi uchun zarur dezoksinukleozidtrifosfatlarni hosil boʻlishini katalizatsiya qiluvchi yagona ferment) taʼsirini ingibitsiya qiladi. Trifosfat nukleozidlar DNK zanjiriga (kamroq darajada RNK ga) kirib olish xususiyatiga ega, bu DNKni keyingi sintezini toʻxtashiga va xujayrani programmalashtirilgan nobud boʻlishi (apoptoz) ga olib keladi.
Gemsitabin shuningdek hatto sitotoksik konsentratsiyalarga nisbatan pastroq konsentratsiyalarda ham kuchli radiosensibilizatsiya qiluvchi vosita hisoblanadi.
Farmakokinetikasi
Gemsitabinning plazmadagi maksimal konsentratsiyasiga (3,2 mkg/ml dan 45,5 mkg/ml gacha) infuziya yakunlangandan 5 minutdan keyin erishiladi. Dozalarni bir marta va koʻp marta yuborish bilan oʻtkazilgan tadqiqotlarning farmakokinetik tahlili taqsimlanish hajmi jinsga sezilarli darajada bogʻliqligini koʻrsatdi. Gemsitabinni plazmadagi oqsillar bilan bogʻlanishi ahamiyatsiz darajada.
Gemsitabin organizmda sitidindezaminazalar taʼsiri ostida jigarda, buyrakda, qon va boshqa toʻqimalarda tez metabolizmga uchraydi, buning natijasida gemsitabin mono-, di- va trifosfatlari (dFdCMP, dFdCDP i dFdCTP) hosil boʻladi, ulardan dFdCDP va dFdCTP faol hisoblanadi.
Gemsitabin organizmdan asosan faol boʻlmagan metaboliti 2′-dezoksi-2′,2′-diftoruridin koʻrinishida siydik bilan chiqariladi. Vena ichiga yuborilgan dozaning 10% dan kamrogʻi siydikda oʻzgarmagan gemsitabin koʻrinishida aniqlanadi. Soatiga 30 l/m2 dan 90 l/m2 gacha oʻzgarib turuvchi tizimli klirensi patsiyentning yoshi va jinsiga bogʻliq; erkaklarga nisbatan ayollarda chiqarilish tezligi taxminan 25% ga past; erkaklarda ham, ayollarda ham chiqarilish tezligi yosh oʻtgan sari sekinlashadi.
Yarim chiqarilish davri 42 minutdan 94 minutgacha oʻzgarib turadi. Tavsiya etilgan dozalash tartibiga rioya qilinganda gemsitabinni toʻliq chiqarilishi infuziya boshidan 5-11 soat davomida amalga oshadi. Gemsitabin xaftada bir marta yuborilganda organizmda toʻplanmaydi.
Gemsitabin va paklitaksel bilan majmuaviy davolash
Gemsitabin va paklitaksel birga yuborilganida preparatlarning farmakokinetikasi oʻzgarmaydi.
Gemsitabin va karboplatin bilan majmuaviy davolash
Gemsitabin va karboplatin birga yuborilganida gemsitabinning farmakokinetikasi oʻzgarmaydi.
Buyrak faoliyatini buzilishi
Yengil yoki oʻrtacha darajadagi buyrak yetishmovchiligi (kreatinin klirensi minutiga
30-80 ml) gemsitabinning farmakokinetikasiga sezilarli taʼsir koʻrsatmaydi.
Qoʻllanilishi
- Sisplatin bilan majmuada birinchi qator davolash sifatida, shuningdek 2 ga teng funksional statusga ega keksa patsiyentlarda monoterapiya sifatida mahalliy tarqalgan yoki metastatik mayda xujayrali boʻlmagan oʻpka raki.
- Antratsiklinlarni qoʻllash mumkin boʻlmagan holatlarda ularni qoʻshish bilan neoadʼyuvant va/yoki adʼyuvant davolash oʻtkazilgandan keyin paklitaksel bilan majmuaviy davolash tarkibida rezeksiya qilib boʻlmaydigan, mahalliy qaytalanuvchi yoki metastatik sut bezi raki.
- Mahalliy tarqalgan yoki metastatik urogenital rak (qovuq, buyrak jomi, siydik chiqarish kanali, uretra raki).
- Platina saqlovchi preparatlar asosida birinchi qator davolash oʻtkazilgandan keyin kasallikni avj olishi kuzatilgan patsiyentlarda monoterapiya sifatida yoki karboplatin bilan majmuada mahalliy tarqalgan yoki metastatik tuxumdonlarning epitelial raki.
- Meʼda osti bezining mahalliy tarqalgan yoki metastatik raki.
- Bachadon boʻynining mahalliy tarqalgan yoki metastatik rakida qoʻllanadi.
Qoʻllash usuli va dozalari
Gemsitabin 30 minut davomida vena ichiga tomchilab yuboriladi.
Oʻpkaning mayda xujayrali boʻlmagan raki
Monoterapiya: preparatning tavsiya etilgan dozasi – har 28 kunlik siklning 1, 8 va 15-chi kuni 1000 mg/m2.
Sisplatin bilan majmuaviy davolash: preparatning tavsiya etilgan dozasi – har 21 kunlik siklning 1-chi va 8-chi kuni 1250 mg/m2 yoki har 28 kunlik siklning 1-chi, 8-chi va 15-chi kuni 1000 mg/m2. Sisplatin gemsitabin infuziyasidan keyin suvli yuklama fonida siklning 1-chi kuni 70-100 mg/m2 dozada yuboriladi.
Karboplatin bilan majmuaviy davolash: preparatning tavsiya etilgan dozasi – har 21 kunlik siklning 1-chi va 8-chi kuni 1000 mg/m2 yoki 1200 mg/m2. Karboplatin gemsitabin infuziyasidan keyin siklning 1-chi kuni AUC (“konsentratsiya-vaqt” egri chizigʻi ostidagi maydon) 5,0 mg/ml*minut dozada yuboriladi.
Sut bezi raki
Majmuaviy davolash: antratsiklinlarni oʻz ichiga oluvchi neoadʼyuvant davolagandan keyin kasallik avj olganda 1-chi qator davolash sifatida; preparatning tavsiya etilgan dozasi – har 21 kunlik siklning 1-chi kuni gemsitabinni yuborishdan oldin taxminan 3 soat davomida tomchilab yuboriladigan 175 mg/m2 dozadagi paklitaksel bilan birga 1-chi va 8-chi kuni 1250 mg/m2.
Urogenital rak
Monoterapiya: preparatning tavsiya etilgan dozasi – har 28 kunlik siklning 1, 8 va 15-chi kuni 1250 mg/m2.
Majmuaviy davolash: preparatning tavsiya etilgan dozasi – har 28 kunlik siklning 1-chi yoki 2-chi kuni gemsitabinni infuziyasidan keyin darhol yuboriladigan 70 mg/m2 dozadagi sisplatin bilan birga 1-chi, 8-chi va 15-chi kuni 1000 mg/m2.
Tuxumdonlarning epitelial raki
Monoterapiya: preparatning tavsiya etilgan dozasi – har 28 kunlik siklning 1-chi, 8-chi va 15-chi kuni 800-1250 mg/m2.
Majmuaviy davolash: preparatning tavsiya etilgan dozasi – har 21 kunlik siklning 1-chi kuni gemsitabinni infuziyasidan keyin darhol yuboriladigan AUC 4,0 mg/ml*minut dozadagi karboplatin bilan birga 1-chi va 8-chi kuni 1000 mg/m2.
Meʼda osti bezi raki
Monoterapiya: preparatning tavsiya etilgan dozasi – 7 hafta davomida haftada 1 marta 1000 mg/m2, keyinchalik bir hafta tanaffus bilan.
Bachadon boʻyni raki (mahalliy tarqalgan yoki metastatik)
Majmuaviy davolash: mahalliy tarqalgan (neoadʼyuvant) va metastatik rakda gemsitabin har 28-kunlik siklning 1-chi va 8-chi kuni 1250 mg/m2 dozada yuboriladi. Sisplatin gipergidratatsiya fonida gemsitabin yuborilgandan keyin siklning 1-chi kuni 70 mg/m2 dozada yuboriladi.
Gematologik toksiklik koʻrinishlari tufayli preparatning dozasiga tuzatish kiritish
Davolash siklining boshida
Koʻrsatmalardan qatʼiy ravishda preparatni har bir yuborishdan oldin trombotsitlar va granulotsitlar sonini baholash kerak.
Davolashni boshlash uchun shart boʻlib neytrofillarning mutloq soni kamida 1500/mkl va trombotsitlarning soni kamida 100000/mkl hisoblanadi.
Davolash siklini oʻtkazish vaqtida gematologik toksiklik rivojlangan hollarda gemsitabinning dozasi kamaytirilishi yoki quyidagi tavsiyalarga muvofiq uni yuborish kechiktirilishi mumkin:
| Qovuq raki, oʻpkaning mayda xujayrali boʻlmagan raki va meʼda osti bezi rakini davolaganda monoterapiya sifatida yoki sisplatin bilan majmuada qoʻllanilayotgan gemsitabinning dozasini modifikatsiya qilish | ||
| Neytrofillarning mutloq soni (1 mkl da) | Trombotsitlar soni(1 mkl da) | % standart dozadan |
| >1000 va | >100000 | 100 |
| 500-1000 yoki | 50000-100000 | 75 |
| <500 yoki | <50000 | Yuborishni kechiktirish* |
* neytrofillar soni 500/mkl gacha va trombotsitlar soni 50000/mkl gacha oshganda gemsibatinni sikl doirasida yuborishni davom ettirish mumkin.
| Sut bezi rakini davolaganda paklitaksel bilan majmuada qoʻllanilayotgan gemsitabinning dozasini modifikatsiya qilish | ||
| Neytrofillarning mutloq soni (1 mkl da) | Trombotsitlar soni(1 mkl da) | % standart dozadan |
| ≥1200 va | >75000 | 100 |
| 1000 – <1200 yoki | 50000-75000 | 75 |
| 700 – <1000 va | ≥50000 | 50 |
| <700 yoki | <50000 | Yuborishni kechiktirish* |
* Sikl doirasida davolash takroran boshlanmaydi.
Gemsitabinni navbatdagi yuborish neytrofillarning soni kamida 1500/mkl va trombotsitlarning soni 100000/mkl gacha tiklangandan keyin navbatdagi siklning 1-chi kuni amalga oshadi.
| Tuxumdon rakini davolaganda karboplatin bilan majmuada qoʻllanilayotgan gemsitabinning dozasini modifikatsiya qilish | ||
| Neytrofillarning mutloq soni (1 mkl da) | Trombotsitlar soni(1 mkl da) | % standart dozadan |
| >1500 va | ≥100000 | 100 |
| 1000 – 1500 yoki | 75000 – 100000 | 50 |
| <1000 yoki | <75000 | Yuborishni bekor qilish* |
* Sikl doirasida davolash takroran boshlanmaydi.
Gemsitabinni navbatdagi yuborish neytrofillarning soni kamida 1500/mkl va trombotsitlarning soni 100000/mkl gacha erishilgandan keyin navbatdagi siklning 1-chi kuni amalga oshadi.
Agar avvalgi siklda quyidagilar kuzatilgan boʻlsa, gemsitabinning navbatdagi sikldagi dozasi barcha koʻrsatmalar yuzasidan 25% ga kamaytirilishi kerak:
- 5 kundan ortiq davom etayotgan neytrofillarning mutloq sonini <500/mkl pasayishi,
- 3 kundan ortiq davom etayotgan neytrofillarning mutloq sonini <100/mkl pasayishi,
- febril neytropeniya,
- trombotsitlar sonini <25000/mkl pasayishi,
- gematologik toksiklik tufayli sikl 1 haftadan koʻproqqa kechiktirilishi mumkin.
Gematologik boʻlmagan toksiklik koʻrinishlari tufayli preparatning dozasiga tuzatish kiritish
Gematologik boʻlmagan toksiklikni aniqlash uchun fizikal koʻrik va jigar va buyrak faoliyatini muntazam nazorat qilish kerak. Patsiyentga buyurilgan preparatning toksiklik koʻrinishlarining darajasiga qarab har bir navbatdagi siklda yoki boshlangan sikl davomida preparatning dozasi kamaytirilishi mumkin. Koʻngil aynishi/qusishdan tashqari gematologik toksiklikning ogʻir darajasida (3 yoki 4 darajasi) davolovchi shifokorning qaroriga muvofiq gemsitabin bilan davolashni toʻxtatish yoki dozasini kamaytirish kerak. Davolashni qayta boshlash xususidagi qarorni shifokor qabul qiladi.
Yuborish usuli
Gemsitabinni infuzion yuborish patsiyentlar tomonidan odatda yaxshi oʻzlashtiriladi va ambulator sharoitda oʻtkazilishi mumkin. Ekstravazatsiya holatlarida infuziya toʻxtatiladi va boshqa venaga preparatni yuborish qayta boshlanadi. Gemsitabin yuborilgandan keyin patsiyent bir qancha vaqt davomida kuzatilishi kerak.
Patsiyentlarning alohida guruhlari
Jigar va buyrak faoliyatini buzilishi boʻlgan patsiyentlar: jigar yetishmovchiligi yoki buyrak faoliyatini buzilishi boʻlgan bemorlarda gemsitabinni ehtiyotkorlik bilan qoʻllash kerak, chunki bu toifadagi patsiyentlarda preparatni qoʻllash boʻyicha yetarli maʼlumotlar yoʻq. Oʻrtacha ogʻirlik darajadagi buyrak yetishmovchiligi (kalavalar filtratsiyasi tezligi minutiga 30 ml dan 80 ml gacha) gemsitabinning farmakokinetikasiga sezilarli taʼsir koʻrsatmaydi.
Keksa (>65 yosh) patsiyentlar: gemsitabin 65 yoshdan oshgan patsiyentlar tomonidan yaxshi oʻzlashtiriladi. Ushbu populyatsiya uchun preparatning dozasini oʻzgartirish boʻyicha maxsus tavsiyalar yoʻq.
Bolalar (<18 yosh): ushbu populyatsiyada preparatning xavfsizligi va samaradorligi boʻyicha yetarli maʼlumotlar yoʻqligi tufayli, gemsitabinni 18 yoshgacha boʻlgan bolalarga buyurish tavsiya etilmaydi.
Infuziya uchun eritma tayyorlash boʻyicha tavsiyalar
Erituvchi sifatida faqat natriy xoridining 0,9% li konservantsiz eritmasi ishlatiladi.
Preparat eritmasini tayyorlash uchun flakonga inyeksiya uchun 0,9% li natriy xloridining kerakli miqdori (quyida jadvalda koʻrsatilgan miqdordan kam emas) sekin yuboriladi va ichidagisi toʻliq eriguncha ehtiyotkorlik bilan chayqatiladi.
| Flakondagi preparatning dozasi | Inyeksiya uchun 0,9% li natriy xloridining kerakli miqdori | Tayyorlangan eritmaning xajmi | Eritmadagi gemsitabinning konsentratsiyasi |
| 200 mg | 5 ml | 5,26 ml | 38 mg/ml |
| 1000 mg | 25 ml | 26,3 ml | 38 mg/ml |
| 1500 mg | 37,5 ml | 39,5 ml | 38 mg/ml |
Tayyorlangan eritma tiniq boʻlishi kerak.
Gemsitabinning tayyorlangan eritmasining maksimal konsentratsiyasi 38 mg/ml dan oshmasligi kerak, chunki yuqoriroq konsentratsiyalarda preparat toʻliq erimasligi mumkin.
Preparatning kerakli dozasini saqlovchi gemsitabinning tayyorlangan eritmasini yuborishdan oldin 30 minutlik vena ichiga infuziya uchun yetarli miqdordagi natriy xloridining 0,9% li eritmasida suyultiriladi.
Preparatni parenteral yuborishdan oldin unda erimagan zarrachalar yoʻqligiga va eritmani rangini oʻzgarmaganligiga ishonch hosil qilish kerak.
Preparatning tayyorlangan eritmasi faqat bir marta qoʻllash uchun moʻljallangan. Preparatning ishlatilmagan miqdori utilizatsiya qilinishi kerak.
Nojoʻya taʼsirlari
Ayrim holatlarga nisbatan koʻproq uchragan nojoʻya reaksiyalar quyidagi gradatsiyaga muvofiq sanab oʻtilgan: juda tez-tez (>10%); tez-tez (>1% dan <10% gacha); tez-tez emas (>0,1% dan <1% gacha); kam hollarda (>0,01% dan <0,1% gacha); juda kam hollarda (<0,01%).
Qon yaratish aʼzolari tomonidan: tez-tez – leykopeniya, neytropeniya, trombotsitopeniya, anemiya; tez-tez emas – febril neytropeniya; juda kam hollarda – trombotsitoz.
Ovqat hazm qilish tizimi tomonidan: juda tez-tez – koʻngil aynishi, qusish, “jigar” transaminazalari (aspartataminotransferaza, alaninaminotransferaza), ishqoriy fosfataza faolligini oshishi; tez-tez – anoreksiya, diareya, qabziyat, stomatit, bilirubin konsentratsiyasini oshishi; kam hollarda – gamma-glutamiltransferaza faolligini oshishi; mavjud boʻlgan maʼlumotlar asosida tez-tezligini baholab boʻlmaydi – ishemik kolit, jigarni toksik shikastlanishi, shu jumladan oʻlim bilan yakunlanuvchi jigar yetishmovchiligi.
Siydik chiqarish tizimi tomonidan: juda tez-tez – yengil darajadagi gematuriya va proteinuriya; mavjud boʻlgan maʼlumotlar asosida tez-tezligini baholab boʻlmaydi – oʻtkir buyrak yetishmovchiligi, gemolitiko-uremik sindromga oʻxshash klinik belgilar va simptomlar (gemoglobinni pasayishi, trombotsitopeniya, qon zardobida bilirubin, kreatinin, mochevina va/yoki laktatdegidrogenaza darajasini oshishi).
Teri va teri hosilalari tomonidan: juda tez-tez – qichishish bilan kechuvchi teri toshmasi, alopetsiya; tez-tez – teri qichishishi, koʻp terlash; kam hollarda – yara paydo boʻlishi, pufaklarni hosil boʻlishi; juda kam hollarda – yaqqol teri reaksiyalari, shu jumladan deskvamatsiya va bullyoz toshma; mavjud boʻlgan maʼlumotlar asosida tez-tezligini baholab boʻlmaydi – Layell sindromi, Stivens-Djonson sindromi.
Nafas tizimi tomonidan: juda tez-tez – hansirash; tez-tez – yoʻtal, rinit; tez-tez emas – bronxospazm, interstitsial pnevmoniya; tez-tezligini baholab boʻlmaydi – oʻpka shishi, oʻtkir respirator distress sindrom.
Yurak-qon tomir tizimi tomonidan: kam hollarda – arterial bosimni pasayishi, miokard infarkti, tez-tezligini baholab boʻlmaydi – aritmiya (asosan supraventrikulyar), yurak yetishmovchiligi, periferik vaskulit va gangrenaning klinik belgilari.
Nerv tizimi tomonidan: tez-tez – bosh ogʻrigʻi, yuqori uyquchanlik, uyqusizlik; tez-tezligini baholab boʻlmaydi – insult.
Boshqalar: juda tez-tez – lohaslik hissi, grippsimon sindrom, periferik shishlar; tez-tez – tana haroratini oshishi, qaltirash, asteniya, belda ogʻriq, mialgiya; kam hollarda – yuzni shishi, yuborish joyida reaksiya; juda kam hollarda – anafilaktik reaksiyalar.
Qoʻllash mumkin boʻlmagan holatlar
- Faol moddaga yoki yordamchi moddalardan birontasiga yuqori sezuvchanlik,
- homiladorlik va emizish davri,
- 18 yoshgacha boʻlgan bolalarda qoʻllash mumkin emas (samaradorligi va xavfsizligi boʻyicha yetarli maʼlumotlarni yoʻqligi).
Ehtiyotkorlik bilan: jigar va/yoki buyrak faoliyatini buzilishi, suyak koʻmigida qon yaratilishini susayishi (shu jumladan, yondosh nur bilan yoki ximioterapiya fonida), anamnezida yurak-qon tomir kasalliklari, jigarning metastatik shikastlanishi, gepatit, alkogolizm, bir vaqtda nur bilan davolaganda, virusli, zamburugʻli yoki bakterial oʻtkir infeksion kasalliklar (shu jumladan, suvchechak, oʻrab oluvchi temiratki) da ehtiyotkorlik bilan qoʻllanadi.
Dorilarning oʻzaro taʼsiri
Gemsitabinning oʻzaro taʼsiri boʻyicha maxsus tadqiqotlar oʻtkazilmagan.
Nur bilan davolash
Yondosh nur bilan davolash (gemsitabinni yuborish bilan bir vaqtda yoki davolashni boshlashdan oldin <7 kun interval bilan): ushbu holatda davolashning toksikligi koʻpgina omillarga, shu jumladan gemsitabinning dozasi va uni yuborish tez-tezligi, nurlantirish dozasi, nur bilan davolash usuli, nurlantirilayotgan toʻqimaning xarakteri va uning xajmiga bogʻliq. Gemsitabin radiosensibilizatsiya qiluvchi faollikka ega ekanligi namoyish etilgan. Koʻkrak qafasiga terapevtik nurlantirish bilan birga ketma-ket 6 xafta davomida 1000 mg/m2 dozada gemsitabin qabul qilgan oʻpkaning mayda xujayrali boʻlmagan raki boʻlgan patsiyentlar ishtirokidagi bir tadqiqotda shilliq qavatni ogʻir va hayot uchun potensial xavf soluvchi yalligʻlanishi, ayniqsa nurlantirilayotgan toʻqimaning katta xajmi (nurlantirilayotgan toʻqimaning medianasi 4795 sm3) asosan ezofagit va pnevmonit koʻrinishidagi ahamiyatli toksiklik aniqlangan. Keyingi tadqiqotlarda gemsitabinning pastroq dozalari va nur bilan davolash birga patsiyentlar tomonidan yaxshi oʻzlashtiriladi va oldindan aytib boʻladigan toksiklik profili bilan xarakterlanadi. Shunday qilib, II faza bir tadqiqotda oʻpkaning mayda xujayrali boʻlmagan raki boʻlgan patsiyentlar 60 Gr dozada nur bilan davolash gemsitabin (600 mg/m2 4 marta) va sisplatinni (80 mg/m2 2 marta) 6 xafta davomida birga yuborish bilan olib borilgan.
Ketma-ket davolash (>7 kun tanaffus): mavjud boʻlgan maʼlumotlar boʻyicha, nur bilan davoshdan kamida 7 kun oldin yoki uni yakunlagandan keyin 7 kundan keyinroq gemsitabinni yuborish nurlantirishdan keyin ximiopreparatni yuborish bilan bogʻliq terini shikastlashidan tashqari, toksiklikni oshishi bilan kechmagan.
Gemsitabin bilan davolash nur bilan davolashdan 7 kundan keyin yoki nur bilan bogʻliq barcha oʻtkir reaksiyalar bartaraf etilgandan keyin boshlanishi mumkin.
Gemsitabinni va nur bilan ham yondosh, ham ketma-ket yuborishda nurlantirilayotgan toʻqimaning nur bilan bogʻliq shikastlanishi (masalan, ezofagit, kolit va pnevmonit) kuzatilishi mumkin.
Immunodepressantlar (azatioprin, xlorambutsil, glyukokortikosteroidlar, siklofosfamid, siklosporin, merkaptopurin) infeksiyalar rivojlanishi xavfini oshiradi.
Oʻzaro taʼsirning boshqa turlari
Tirik virusli vaksinalar bilan bir vaqtda qoʻllanilganda vaksina virusining replikatsiya jarayonini jadallashishi, uning nojoʻya/noxush samaralarini kuchayishi va/yoki vaksinani yuborishga javoban bemor organizmida antitelalarni ishlab chiqarilishini kamayishi kuzatilishi mumkin. Shuning uchun tizimli, ehtimol oʻlimga olib keluvchi asoratlar tufayli, ayniqsa immun statusi pasaygan bemorlarda gemsitabin va bunday vaksinalarni yuborish orasidagi interval bemorning immun statusiga qarab kamida 3 oy va undan koʻproqni (12 oygacha) tashkil etishi kerak.
Nomutanosiblik
Gemsitabinning mutanosiblik boʻyicha tadqiqotlari oʻtkazilmagan.
Gemsitabinni boshqa dori preparatlari bilan aralashtirish mumkin emas.
Maxsus koʻrsatmalar
Gemsitabin bilan davolashni faqat oʻsmalarga qarshi ximioterapiya oʻtkazish tajribasiga ega shifokor kuzatuvi ostida olib borish mumkin.
Gemsitabinni har bir yuborishdan oldin qonda trombotsitlar, leykotsitlar va granulotsitlarning miqdorini nazorat qilish kerak. Preparat chaqirgan suyak koʻmigi faoliyatini susayishi belgilari kuzatilganda davolashni toʻxtatish yoki dozaga tuzatish kiritish kerak.
Odatda suyak koʻmigi faoliyatini susayishi qisqa muddatli xarakterga ega, dozani kamaytirishni talab etmaydi va davolashni toʻxtatish zaruratiga kam hollarda olib keladi.
Gemsitabin bilan davolash toʻxtatilgandan keyin periferik qon koʻrsatkichlari yomonlashishda davom etishi mumkin.
Gemsitabinni oʻsmalarga qarshi boshqa ximiopreparatlar bilan majmuada qoʻllanilganida suyak koʻmigi faoliyatini kumulyativ susayishi xavfini eʼtiborga olish kerak.
Bemorni tekshirish va buyrak va jigar faoliyatini baholashni muntazam olib borish kerak.
Jigar metastazlari, gepatitda va anamnezida alkogolizmga, shuningdek jigar sirrozida gemsitabinni yuborish jigar yetishmovchiligi rivojlanishi xavfini oshiradi.
Gemsitabin bilan davolash fonida nafas tizimi tomonidan noxush koʻrinishlar rivojlanishi belgilari paydo boʻlganida (masalan, oʻpka shishi, interstitsial pnevmonit yoki kattalarda distress-sindrom) davolashni toʻxtatish va tegishli davolash buyurilishi kerak.
Trombotsitopeniya, bilirubin, kreatinin, azot mochevinasining zardobdagi darajasini oshishi yoki laktatdegidrogenaza faolligini oshishi bilan kechuvchi gemoglobin darajasini tez pasayishi kabi mikroangiopatik gemolitik anemiyaning birinchi belgilari namoyon boʻlganida gemsitabinni bekor qilish kerak.
Infuziya davomiyligi va yuborishlar tez-tezligini oshirish toksiklikni oshishiga olib keladi.
Anamnezida nur bilan davolash oʻtkazilgan boʻlsa, teri reaksiyalari xavfi oshadi.
Toksiklik darajasiga qarab dozani har bir sikl davomida yoki yangi sikl boshida bosqichma-bosqich kamaytirish mumkin.
Gemsitabin bilan davolash vaqtida va davolash tugaganidan 6 oydan keyin kontratsepsiyaning ishonchli usullaridan foydalanish kerak. Ushbu preparatni qoʻllash bilan bogʻliq bepushtlik xavfi tufayli, gemsitabin qabul qilayotgan erkaklar davolashni boshlashdan oldin spermani konservatsiya qilish tavsiya etiladi.
Natriy miqdori nazorat qilinayotgan parhezga rioya qilayotgan patsiyentlarni davolaganda preparatda quyidagi miqdorda natriyni mavjudligini eʼtiborga olish kerak:
200 mg Gemsitabin medak flakoni 3,5 mg (<1 mmol) natriy saqlaydi;
1000 mg Gemsitabin medak flakoni 17,5 mg (<1 mmol) natriy saqlaydi;
1500 mg Gemsitabin medak flakoni 26,3 mg (<1 mmol) natriy saqlaydi.
Transport vositalarini boshqarish va mexanizmlar bilan ishlash qobiliyatiga taʼsiri
Gemsitabin bilan davolashni transport vositalarini boshqarish va mexanizmlar bilan ishlash qobiliyatiga taʼsiri haqidagi maʼlumotlar mavjud emas, lekin yuqori uyquchanlik kabi preparatning ayrim nojoʻya taʼsirlari shunday harakatlarni bajarishga taʼsir etishi mumkin. Gemsitabin bilan davolash davrida transport vositalarini boshqarganda va diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shugʻullanganda ehtiyotkorlikka rioya qilish kerak.
Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.
Dozani oshirib yuborilishi
Simptomlari: miyelodepressiya, paresteziya, yaqqol teri toshmasi.
Gemsitabinni har 2 haftada 5700 mg/m2 dozada 30 minut davomida tomchilab vena ichiga yuborilganda dozani oshirib yuborilishi kuzatilmagan.
Gemsitabin uchun antidot nomaʼlum.
Gemsitabinning dozasini oshirib yuborishga gumon boʻlganda sitopeniya darajasini nazorat qilish va zarurati boʻlganida simptomatik davolash oʻtkazish kerak.
Chiqarilish shakli
Infuziya uchun eritma tayyorlash uchun liofilizat
200 mg, 1000 mg yoki 1500 mg dan gemsitabin xlorbutil rezina tiqin bilan berkitilgan va polimer himoya qalpoqchasi bilan alyumin qalpoqcha bilan berkitilgan rangsiz shisha
(I tip Ye.F.) flakonda. Flakonga etiketka yopishtiriladi.
Bir flakon qoʻllash boʻyicha yoʻriqnomasi bilan karton qutida.
Saqlash sharoiti
Yorugʻlikdan himoyalangan joyda, 25°S dan yuqori boʻlmagan haroratda.
Yaroqlilik muddati
3 yil.
Dorixonalardan berish tartibi
Retsept boʻyicha.
Mavzuga aloqador
5 FTORURASIL EBEVE konsentrat 50mg/ml 500mg