QOʻLLASH BOʻYICHA YOʻRIQNOMA
KLЕKSAN®
KLEKSAN
Savdo nomi: Kleksan®
Xalqaro patentlanmagan nomi: enoksaparin natriy
Dori shakli: inyeksiya uchun eritma
Bir shprisning tarkibi:
2000 anti-Xa XB/0,2 ml (20 mg/0,2 ml ga toʻgʻri keladi).
| Faol modda:Enoksaparin natriy (Evp.F., firmaning MH) | 20 mg* |
| Erituvchi:Inyeksiya uchun suv (Evp.F.) | 0,2 ml gacha |
4000 anti-Xa XB/0,4 ml (40 mg/0,2 ml ga toʻgʻri keladi).
| Faol modda:Enoksaparin natriy (Evp.F., firmaning MH) | 40 mg* |
| Erituvchi:Inyeksiya uchun suv (Evp.F.) | 0,4 ml gacha |
6000 anti-Xa XB/0,6 ml (60 mg/0,6 ml ga toʻgʻri keladi).
| Faol modda:Enoksaparin natriy (Evp.F., firmaning MH) | 60 mg* |
| Erituvchi:Inyeksiya uchun suv (Evp.F.) | 0,6 ml gacha |
8000 anti-Xa XB/0,8 ml (80 mg/0,8 ml ga toʻgʻri keladi).
| Faol modda:Enoksaparin natriy (Evp.F., firmaning MH) | 80 mg* |
| Erituvchi:Inyeksiya uchun suv (Evp.F.) | 0,8 ml gacha |
10000 anti-Xa XB/1 ml (100 mg/1 ml ga toʻgʻri keladi).
| Faol modda:Enoksaparin natriy (Evp.F., firmaning MH) | 100 mg* |
| Erituvchi:Inyeksiya uchun suv (Evp.F.) | 1 ml gacha |
* – massa ishlatilayotgan enoksaparin natriyning miqdori asosida hisoblangan (nazariy faolligi 100 anti-Xa XB/ml).
Taʼrifi: tiniq, rangsizdan to och-sariq rangligacha boʻlgan eritma.
Farmakoterapevtik guruhi: bevosita taʼsirga ega antikoagulyant vosita.
ATX kodi – V01AV05
Farmakologik xususiyatlari
Farmakodinamikasi
Enoksaparin natriy – oʻrtacha molekulyar massasi taxminan 4,500 dalton boʻlgan quyimolekulyar geparin; 2000 daltondan kam – <20%; 2000 dan 8000 daltongacha – >68%, 8000 daltondan ortiq – <18%. Enoksaparin natriy choʻchqaning ingichka ichagining shilliq qavatidan ajratib olingan, geparinning benzil efirini gidrolizi yordamida olinadi. Uning strukturasi 2-O-sulfo-4-yenpirazinosuron kislotasining tiklanmaydigan fragmenti va 2-N,6-O-disulfo-D-glyukopiranozidning tiklanadigan fragmenti bilan ifodalanadi. Enoksaparinning strukturasi polisaxarid zanjirning tiklanayotgan fragmentida taxminan 20% (taxminan 15% dan 25% gacha) 1,6-angidro hosilasini saqlaydi. Tozalangan in vitro tizimida enoksaparin natriy anti-Xa faollikka (taxminan 100 XB/ml) va pastroq anti-IIa yoki antitrombin faollikka (taxminan 28 XB/ml) ega.
U profilaktik dozalarda ishlatilganida, u faollashgan qisman tromboplastin vaqtini (ACHTV) biroz oʻzgartiradi, trombotsitlar agregatsiyasiga va fibrinogenni trombotsitlarning retseptorlari bilan bogʻlanish darajasiga amalda taʼsir koʻrsatmaydi.
Plazmada anti-IIa faolligi, anti-Xa-faollikka nisbatan taxminan 10 marta past. Oʻrtacha maksimal anti-IIa faolligi teri ostiga yuborilganidan keyin taxminan 3-4 soat oʻtgach kuzatiladi va tana vazniga 1 kg/mg ni ikki marta yuborish va tana vazniga 1,5 mg/kg bir marta yuborish bilan takror yuborilganidan keyin muvofiq 0,13 XB/ml va 0,18 XB/ml ga yetadi.
Oʻrtacha maksimal anti-Xa faolligi preparat teri ostiga yuborilganidan keyin 3-5 soat oʻtgach kuzatiladi va 20, 40 mg ni va 1 mg/kg va 1,5 mg/kg ni teri ostiga yuborilganidan keyin muvofiq taxminan 0,2; 0,4; 1,0 va 1,3 anti-Xa XB,ml ni tashkil qiladi.
Farmakokinetikasi
Koʻrsatilgan dozalash tartiblarida enoksaparinning farmakokinetikasi toʻgʻri chiziqli xarakterga ega. Patsiyentlar guruhining ichida va oʻrtasida oʻzgaruvchanlik past. 40 mg enoksaparin natriy sutkada bir marta teri ostiga takror yuborilganidan keyin va enoksiparin natriy tana vazniga 1,5 mg/kg dozada sutkada bir marta teri ostiga yuborilganidan keyin, sogʻlom koʻngillilarda muvozanatli konsentratsiyaga 2 kunga kelib erishiladi, ayni vaqtda farmakokinetik egri chiziq ostidagi maydon, bir marta yuborilganidan keyingiga qaraganda oʻrtacha 15% ga yuqori boʻlgan. Enoksaparin natriy tana vazniga 1 mg/kg sutkalik dozada sutkada ikki marta teri ostiga takror yuborilganidan keyin muvozanatli konsentratsiyasiga 3-4 kundan keyin erishiladi, ayni vaqtda farmakokinetik egri chiziq ostidagi maydon, bir marta yuborilganidan keyingi koʻrsatkichga qaraganda oʻrtacha 65% ga yuqori va maksimal konsentratsiyalarining oʻrtacha qiymatlari muvofiq 1,2 XB/ml va 0,52 XB/ml ni tashkil qiladi.
Teri ostiga yuborilganida enoksaparin natriyning anti-Xa faolligiga asoslanib baholangan biokiraolishligi 100% ga yaqin.
Enoksaparin natriyning anti-Xa faolligini taqsimlanish hajmi taxminan 5 l ni tashkil qiladi va qon hajmiga yaqinlashadi.
Enoksaparin natriy past klirensli preparatdir. Tana vazniga 1,5 mg/kg dozada 6 soat davomida vena ichiga yuborilgandan keyin, anti-Xa ning plazmadagi klirensini oʻrtacha qiymati 0,74 l/soat ni tashkil qiladi.
Preparatni chiqarilishi 4 soatlik yarimchiqarilish davri (teri ostiga bir marta yuborilganidan keyin) va 7 soatlik (preparat koʻp marta yuborilganidan keyin) yarimchiqarilish davri bilan monofazali xarakterga ega.
Enoksaparin natriy juda past biologik faollikka ega boʻlgan quyimolekulyar moddalarning hosil boʻlishi bilan desulfatlanish va/yoki depolimerlanish yoʻli bilan asosan jigarda metabolizmga uchraydi. Preparatning faol fragmentlarini buyraklar orqali chiqarilishi yuborilgan dozaning taxminan 10% ni tashkil qiladi va faol va nofaol fragmentlarining umumiy ekskretsiyasi yuborilgan dozaning taxminan 40% ni tashkil qiladi.
Yosh oʻtgan sari buyraklar faoliyatini pasayishi natijasida keksa patsiyentlarda enoksaparin natriyni chiqarilishi kechikishi mumkin.
Buyraklar faoliyati pasaygan bemorlarda enoksaparin natriyning klirensini kamayishi aniqlangan. 40 mg enoksaparin natriy sutkada bir marta teri ostiga takror yuborilganidan keyin, buyraklar faoliyatini biroz (kreatinin klirensi 50-80 ml/min) va oʻrtacha buzilishi (kreatinin klirensi 30-50 ml/min) boʻlgan bemorlarda farmakokinetik egri chiziq ostidagi maydon bilan ifodalangan anti-Xa faolligini oshishi yuz beradi. Buyraklar faoliyatini ogʻir buzilishlari (kreatinin klirensi 30 ml/min dan kam) boʻlgan bemorlarda farmakokinetik egri chiziq ostidagi maydon muvozanat holatida, 40 mg preparat sutkada bir marta teri ostiga takror yuborilganida oʻrtacha 65% yuqori boʻlgan.
Tana vazni oshiqcha boʻlgan odamlarda preparat teri ostiga yuborilganida klirensi bir muncha kam. Agarda bemorning tana vaznini hisobga olib dozaga toʻgʻrilash kiritilsa, unda 40 mg enoksaparin natriy teri ostiga bir marta yuborilganidan keyin anti-Xa faollik, odatdagi oʻrtacha tana vazniga ega patsiyentlarga nisbatan tana vazni 45 kg dan kam boʻlgan ayollarda 50% ga yuqori va tana vazni 57 kg dan kam boʻlgan erkaklarda 27% ga yuqori boʻladi.
Qoʻllanilishi
- Jarrohlik aralashuvlarida, ayniqsa ortopedik va umumjarrohlik operatsiyalarida venoz trombozlar va emboliyalarni oldini olish.
- Oʻtkir terapevtik kasalliklar, shu jumladan oʻtkir yurak yetishmovchiligi va surunkali yurak yetishmovchiligining dekompensatsiyasi (NYHA boʻyicha III yoki IV sinf), oʻtkir nafas yetishmovchiligi oqibatida yotoq tartibidagi bemorlarda, shuningdek ogʻir oʻtkir infeksiyalarda va venoz tromb hosil boʻlish xavfi omillaridan biri bilan birga oʻtkir revmatik kasalliklarda venoz trombozlar va emboliyalarni oldini olish (“Maxsus koʻrsatmalar” ga qarang).
- Oʻpka arteriyasining tromboemboliyasi bilan yoki oʻpka arteriyasining tromboemboliyasisiz kechuvchi chuqur venalar trombozini davolash.
- Gemodializ vaqtida (odatda seansning davomiyligi koʻpi bilan 4 soat boʻlganida), ekstrakorporal qon aylanish tizimida tromb hosil boʻlishini oldini olish.
- Nostabil stenokardiya va Q tishisiz miokard infarktini atsetilsalitsil kislotasi bilan birga davolash.
- Medikamentoz davolash yoki keyinchalik teri orqali koronar aralashuvi oʻtkazilishi lozim boʻlgan patsiyentlarda ST segmentini koʻtarilishi bilan kechuvchi oʻtkir miokard infarktini davolash.
Qoʻllash mumkin boʻlmagan holatlar
- Enoksaparin natriy, geparin yoki uning hosilalariga, shu jumladan boshqa quyimolekulyar geparinlarga yuqori sezuvchanlik.
- Qon ketishining yuqori xavfi mavjud boʻlgan holatlar va kasalliklar: xavf soluvchi abort, bosh miya tomirlarining anevrizmasi yoki aortaning qavatlanuvchi anevrizmasi (jarrohlik aralashuvidan tashqari), gemorragik insult, nazorat qilinmaydigan qon ketishi, ogʻir enoksaparin yoki geparin induksiyalagan trombotsitopeniya.
- Kleksanni yurakning sunʼiy klapanlari boʻlgan homilador ayollarda qoʻllash tavsiya qilinmaydi.
- 18 yoshgacha boʻlganlar (samaradorligi va xavfsizligi aniqlanmagan).
Quyidagi holatlarda ehtiyotkorlik bilan ishlatish kerak:
- Gemostazni buzilishlari (shu jumladan, gemofiliya, trombotsitopeniya, gipokoagulyatsiya, Villebrand kasalligi va boshq.), ogʻir vaskulit;
- meʼda yoki 12-barmoq ichakning yara kasalligi yoki meʼda-ichak yoʻllarining boshqa eroziv-yarali shikastlanishlari;
- yaqinda oʻtkazilgan ishemik insult;
- nazorat qilib boʻlmaydigan ogʻir arterial gipertoniya;
- diabetik yoki gemorragik retinopatiya;
- ogʻir qandli diabet;
- yaqinda oʻtkazilgan yoki taxmin qilingan nevrologik yoki oftalmologik operatsiyalar;
- spinal yoki epidural anesteziyani oʻtkazish (gematomani rivojlanishini potensial xavfi), orqa miya punksiyasi (yaqinda oʻtkazilgan);
- yaqinda boʻlgan tugʻruqlar;
- bakterial endokardit (oʻtkir yoki nimoʻtkir);
- perikardit yoki perikardial suv yigʻilishi;
- buyrak va/yoki jigar yetishmovchiligi;
- bachadon ichki kontratsepsiyasi (BIK);
- ogʻir jarohat (ayniqsa markaziy nerv tizimining), katta yuzalardagi ochiq jarohatlar;
- gemostaz tizimiga taʼsir qiluvchi preparatlarni bir vaqtda qabul qilish.
Kompaniyada Kleksan preparatini quyidagi kasalliklar: faol tuberkulyoz, nur bilan davolashda (yaqinda oʻtkazilgan) klinik qoʻllanishi boʻyicha maʼlumotlar yoʻq.
Homiladorlik va laktatsiya davri
Homiladorlikning ikkinchi uch oyligi vaqtida enoksaparin natriyni odam yoʻldoshi orqali oʻtishi toʻgʻrisida maʼlumotlar yoʻq. Homiladorlikning birinchi va uchinchi uch oyliklari yuzasidan maʼlumotlar yoʻq. Shuning uchun Kleksanni homiladorlik vaqtida faqat, ona uchun potensial foyda homila uchun boʻlishi mumkin boʻlgan xavfdan ustun boʻlgan hollardan tashqari hollarda qoʻllash mumkin emas.
Onani Kleksan bilan davolash vaqtida emizishni toʻxtatish kerak.
Qoʻllash usuli va dozalari
Alohida hollardan tashqari (quyiga qarang: “ST segmentini koʻtarilishisiz miokard infarktini medikamentoz va teri orqali koronar aralashuv yordamida davolash” va “Gemodializni oʻtkazishda ekstrakorporal qon aylanish tizimida tromb hosil boʻlishini oldini olish”) hollarda enoksaparin natriy teri ostiga chuqur yuboriladi. Inyeksiyalarni bemor yotganida oʻtkazgan afzal. Oldindan 20 mg va 40 mg toʻldirilgan shprislar ishlatilganida, inyeksiyadan oldin preparatni yoʻqotilishidan saqlanish uchun, shprisdan havo pufakchalarini chiqarib tashlash kerak emas. Inyeksiyalarni qorin devorining chap yoki oʻng old lateral yoki orqa lateral sohalariga navbatma-navbat yuborish kerak.
Ignani katta va koʻrsatkich barmoq orasida yigʻilgan va inyeksiya tugagancha ushlab turiladigan teri burmasiga butun uzunligi boʻylab vertikal yuborish kerak.
Preparat yuborilganiden keyin inyeksiya joyini uqalash mumkin emas.
Oldindan toʻldirilgan bir martalik shpriq qoʻllashga tayyor.
Preparatni mushak ichiga yuborish mumkin emas!
Jarrohlik aralashuvlarida, ayniqsa ortopedik va umumjarrohlik operatsiyalarida venoz trombozlar va emboliyalarni oldini olish
Tromboz va emboliyalarning rivojlanishini oʻrtacha xavfi (umumjarrohlik operatsiyalari) boʻlgan bemorlarga Kleksanning tavsiya qilingan dozasi teri ostiga sutkada bir marta 20-40 mg ni tashkil qiladi. Birinchi inyeksiya jarrohlik aralashuvidan 2 soat oldin oʻtkaziladi. Tromboz va emboliyalarni rivojlanishini yuqori xavfi (ortopedik operatsiyalar) boʻlgan bemorlarga preparat teri ostiga sutkada bir marta 40 mg dozada tavsiya qilinadi, birinchi doza jarrohlik aralashuvidan 12 soat oldin yoki operatsiyadan keyin 12-24 soat oʻtgach yuborishni boshlash bilan 30 mg dan sutkada ikki marta yuboriladi.
Kleksan bilan davolashning davomiyligi 7-10 kunni tashkil qiladi. Zarurati boʻlganida davolashni tromboz va emboliyani rivojlanish xavfi saqlanib turguncha davom ettirish mumkin (masalan, ortopediyada Kleksan 40 mg dozada sutkada bir marta 5 hafta davomida buyuriladi).
Kleksanni spinal/epidural anesteziyada, shuningdek koronar revaskulyarizatsiya muolajalarida buyurishning oʻziga xos xususiyatlari “Maxsus koʻrsatmalar” boʻlimida taʼriflangan.
Oʻtkir terapevtik kasalliklar oqibatida yotoq tartibida boʻlgan bemorlarda venoz tromboz va emboliyalarni oldini olish
Kleksanning tavsiya qilingan dozasi 6-14 kun davomida teri ostiga sutkada bir marta 40 mg ni tashkil qiladi.
Oʻpka arteriyasining tromboemboliyasi bilan yoki oʻpka arteriyasining tromboemboliyasisiz chuqur venalar trombozini davolash
Preparat teri ostiga tana vazniga 1,5 mg/kg hisobidan sutkada bir marta yoki tana vazniga 1 mg/kg dozada sutkada ikki marta yuboriladi. Asoratlangan tromboembolik buzilishlari boʻlgan bemorlarda preparatni 1 mg/kg dozada qoʻllash tavsiya qilinadi.
Davolashning davomiyligi oʻrtacha 10 kunni tashkil qiladi. Ichga qabul qilish uchun antikoagulyantlar bilan davolashni darhol boshlagan maʼqul, bunda Kleksan bilan davolashni yetarli antikoagulyant samaraga erishilgunicha davom ettirish kerak, yaʼni xalqaro normallashgan nisbat (MNO) 2,0-3,0 ni tashkil qilishi kerak.
Gemodializ vaqtida ekstrakorporal qon aylanish tizimida tromb hosil boʻlishini oldini olish
Kleksanning dozasi tana vazniga oʻrtacha 1 mg/kg ni tashkil qiladi. Qon ketishini rivojlanishining yuqori xavfida dozani tomirga ikki tomonlama tushish mumkinligida tana vazniga 0,5 mg/kg gacha yoki tomirga bir tomonlama tushishida 0,75 mg ga pasaytirish kerak.
Gemodializda preparatni gemodializ seansining boshida shuntning arterial sohasiga yuborish kerak. Odatda toʻrt soatlik seans uchun bir doza yetarlidir, biroq fibrin halqalari aniqlanganida davomliroq oʻtkazilgan gemodializda preparatni tana vazniga 0,5-1 mg/kg hisobidan qoʻshimcha yuborish mumkin.
Nostabil stenokardiya va Q tishisiz miokard infarktini davolash
Kleksan tana vazniga 1 mg/kg hisobidan har 12 soatda teri ostiga, bir vaqtda atsetilsalitsil kislotasini 100-325 mg dozada sutkada bir marta buyurish bilan yuboriladi.
Davolashning oʻrtacha davomiyligi 2-8 kunni (bemorning klinik holati barqarorlashgunicha) tashqil qiladi.
ST segmentini koʻtarilishi boʻlgan miokard infarktini medikamentoz yoki teri orqali koronar aralashuv yordamida davolash
Davolashni enoksaparin natriyni 30 mg dozada vena ichiga bolyusli yuborish bilan boshlanadi va undan keyin darhol (taxminan 15 minut da) enoksaparin natriyni 1 mg/kg dozada teri ostiga yuborish oʻtkaziladi (shu bilan birga, birinchi ikki teri osti inyeksiyalarini oʻtkazishda 100 mg enoksaparin natriy yuborilishi mumkin). Soʻngra barcha keyingi teri osti inyeksiyalari tana vazniga 1 mg/kg hisobidan har 12 soatda yuboriladi (yaʼni, tana vazni 100 kg dan ortiq boʻlganida doza 100 mg dan oshishi mumkin).
75 yoshli va undan oshgan shaxslarda boshlangʻich vena ichiga bolyusli yuborish qoʻllanmaydi. Enoksaparin natriy 0,75 mkg/kg dozada har 12 soatda teri ostiga yuboriladi (shu bilan birga, birinchi ikki teri osti inyeksiyalarini oʻtkazishda maksimal 75 mg enoksaparin natriy yuborilishi mumkin). Soʻngra barcha keyingi teri osti dozalari har 12 soatda tana vazniga 0,75 mg/kg hisobidan yuborilishi mumkin (yaʼni, tana vazni 100 kg dan ortiq boʻlganida doza 75 mg dan ortiq boʻlishi mumkin).
Trombolitiklar (fibrin-spetsifik va fibrin-nospetsifik) bilan majmuada enoksaparin natriy trombolitik davolash boshlanishidan oldin 15 minutgacha, undan keyin 30 minutgacha intervalda yuborilishi mumkin. ST segmentini koʻtarilishi boʻlgan oʻtkir miokard infarkti aniqlanganidan keyin iloji boricha tezroq atsetilsalitsil kislotasini qabul qilish bir vaqtda boshlanishi kerak, va agarda qarshi koʻrsatmalar boʻlmasa, u 75 dan 327 mg gacha dozada har kuni kamida 30 kun davomida davom etishi kerak.
Preparat bilan tavsiya qilingan davolashning davomiyligi 8 kunni tashkil qiladi, yoki agarda gospitalizatsiya davri 8 kundan kamni tashkil qilsa, patsiyentni statsionardan chiqarilishagacha davom etadi.
Enoksaparin natriyni bolyusli yuborish venoz kateter orqali oʻtkazilishi lozim va enoksaparin natriy boshqa dori vositalari bilan aralashtirilishi yoki birga yuborilishi mumkin emas. Tizimda boshqa dori vositalarining qoldiqlarini borligiga va ularni enoksaparin natriy bilan oʻzaro taʼsiriga yoʻl qoʻymaslik uchun, venoz kateter enoksaparin natriyni vena ichiga bolyusli yuborishdan oldin va keyin 0,9% natriy xloridi yoki dekstroz eritmasining yetarli miqdori bilan yuvilishi lozim. Enoksaparin natriy 0,9% natriy xloridi eritmasi va 5% dekstroza eritmasi bilan xavfsiz yuborilishi mumkin.
ST segmentini koʻtarilishi boʻlgan oʻtkir miokard infarktini davolashda 30 mg enoksaparin natriyni bolyusli yuborilishini oʻtkazish uchun, 60 mg, 80 mg va 100 mg boʻlgan shisha shprislardan, ularda faqat 30 mg (0,3 ml) qolishi uchun preparatning ortiqcha miqdori chiqarib tashlanadi. 30 mg doza bevosita vena ichiga yuborilishi mumkin.
Enoksaparin natriyni venoz kateter orqali yuborishni oʻtkazish uchun 60 mg, 80 mg va 100 mg preparatni teri ostiga yuborish uchun oldindan toʻldirilgan shprislar ishlatilishi mumkin. 60 mg boʻlgan shprislarni ishlatish tavsiya qilinadi, chunki bu shprisdan chiqarib tashlanadigan preparatning miqdorini kamaytiradi. 20 mg li shprislar ishlatilmaydi, chunki ularda 30 mg enoksaparin natriyni bolyusli yuborish uchun preparat yetarli emas. 40 mg li shprislar ham ishlatilmaydi, chunki ularda boʻlinmalar yoʻq va shuning uchun 30 mg li miqdorni aniq oʻlchab olishning iloji yoʻq. Teri orqali koronar aralashuv oʻtkaziladigan patsiyentlarda, agarda enoksaparin natriyning oxirgi teri osti inyeksiyasi, koronar arteriyaning toraygan joyiga yuborilgan ballonli kateterni shishirilishidan oldin 8 soatdan kam vaqtda oʻtkazilgan hollarda enoksaparin natriyni qoʻshimcha yuborish talab qilinmaydi. Agarda enoksaparin natriyning oxirgi teri osti inyeksiyasi ballonli kateterni shishirishdan oldin 8 soatdan koʻp vaqtda oʻtkazilgan boʻlsa, enoksaparin natriyni 0,3 mg/kg dozada vena ichiga qoʻshimcha bolyusli yuborilishini oʻtkazish kerak.
Teri orqali koronar aralashuvlarni oʻtkazishda kichik hajmlarni venoz kateterga qoʻshimcha bolyusli yuborishning aniqligini oshirish uchun, preparatni 3 mg/ml konsentratsiyagacha suyultirish tavsiya qilinadi. Eritmani suyultirishni bevosita ishlatishdan oldin oʻtkazish tavsiya qilinadi.
Enoksaparin natriyning 3 mg/ml konsentratsiyali eritmasini olish uchun oldindan toʻldirilgan 60 mg li shpris yordamida, 50 ml infuzion eritmasi boʻlgan (yaʼni 0,9% natriy xloridi eritmasi yoki 5% dekstroza eritmasi boʻlgan) idishni ishlatish tavsiya qilinadi. Infuzion eritmasi boʻlgan idishdan oddiy shpris yordamida 30 ml eritma olib tashlanadi. Enoksaparin natriyni (60 ml li teri ostiga yuborish uchun shprisning ichidagisini) idishda qolgan 20 ml infuzion eritmaga qoʻshiladi. Enoksaparin natriyning suyultirilgan eritmasi boʻlgan idishning ichidagisi ehtiyotkorlik bilan aralashtiriladi. Shpris yordamida yuborish uchun enoksaparin natriyning suyultirilgan eritmasidan quyidagi formula boʻyicha hisoblangan kerakli hajmi olinadi:
Suyultirilgan eritmaning hajmi = patsiyentning vazni (kg) x 0,1
yoki quyida keltirilgan jadval yordamida olinadi.
Suyultirilganidan keyin vena ichiga yuborilishi lozim boʻlgan hajmlar
| Vazni(kg) | Kerakli doza(0,3 mg/kg)
(mg) |
3 mg/ml konsentratsiyagacha suyultirilgan eritmaning yuborish uchun kerakli boʻlgan hajmi(ml) |
| 45 | 13,5 | 4,5 |
| 50 | 15 | 5 |
| 55 | 16,5 | 5,5 |
| 60 | 18 | 6 |
| 65 | 19,5 | 6,5 |
| 70 | 21 | 7 |
| 75 | 22,5 | 7,5 |
| 80 | 24 | 8 |
| 85 | 25,5 | 8,5 |
| 90 | 27 | 9 |
| 95 | 28,5 | 9,5 |
| 100 | 30 | 10 |
Keksa yoshli patsiyentlar
ST segmentini koʻtarilishi boʻlgan miokard infarktini davolashdan tashqari (yuqoriga qarang), barcha boshqa koʻrsatmalar uchun keksa patsiyentlarda, agarda ularda buyraklar faoliyatini buzilishi boʻlmasa, enoksaparin natriyning dozasini pasaytirish talab qilinmaydi.
Buyrak yetishmovchiligi boʻlgan patsiyentlar
– Buyraklar faoliyatini ogʻir buzilishi (endogen kreatininning klirensi 30 ml/min dan kam)
Enoksaparin natriyning dozasi quyida keltirilgan jadvalga muvofiq pasaytiriladi, chunki bu patsiyentlarda preparatni toʻplanishi yuz beradi.
Preparat davolash maqsadida qoʻllanganida dozalash tartibini quyidagicha toʻgʻrilash tavsiya qilinadi:
| Odatdagi dozalash tartibi | Ogʻir buyrak yetishmovchiligidagi dozalash tartibi |
| 1 mg/kg teri ostiga sutkada 2 marta | 1 mg/kg teri ostiga sutkada 1 marta |
| 1,5 mg teri ostiga sutkada bir marta | 1 mg/kg teri ostiga sutkada bir marta |
| Bir marta: 300 mg ni bolyusli vena ichiga yuborish plyus 1 mg/kg teri ostiga; keyinchalik teri ostiga 1 mg/kg dozada sutkada ikki marta yuborish bilan | Bir marta: 300 mg ni bolyusli vena ichiga yuborish plyus 1 mg/kg teri ostiga; keyinchalik teri ostiga 1 mg/kg dozada sutkada bir marta yuborish bilan |
| ≥75 yoshli keksa patsiyentlar (faqat ST segmentini koʻtarilishi bilan kechuvchi oʻtkir miokard infartida | |
| 0,75 mg/kg teri ostiga sutkada ikki marta boshlangʻich bolyusli yuborishsiz | 1 mg/kg teri ostiga sutkada bir marta boshlangʻich bolyusli yuborishsiz |
| Preparat profilaktika maqsadida qoʻllanganida dozalash tartibini quyidagicha toʻgʻrilash tavsiya qilinadi | |
| Odatdagi dozalash tartibi | Ogʻir buyrak yetishmovchiligida dozalash tartibi |
| 40 mg teri ostiga sutkada bir marta | 20 mg teri ostiga sutkada bir marta |
| 20 mg teri ostiga sutkada bir marta | 20 mg teri ostiga sutkada bir marta |
Dozalash tartibini tavsiya qilingan toʻgʻrilanishini gemodilazni oʻtkazishda qoʻllab boʻlmaydi.
Buyraklar faoliyatini yengil (kreatinin klirensi 50-80 ml/min) va oʻrtacha (kreatinin klirensi 30-50 ml/min) buzilishida
Dozani toʻgʻrilash talab qilinmaydi, biroq davolashni laborator nazoratini sinchiklab oʻtkazish kerak.
Jigar yetishmovchiligi boʻlgan patsiyentlar
Klinik tekshirishlarning yoʻqligi tufayli, enoksaparin natriyni jigar faoliyatini buzilishi boʻlgan patsiyentlarga buyurishda ehtiyotkorlikka rioya qilish kerak.
Nojoʻya taʼsirlari
Qon ketishi
Boshqa antikoagulyantlar qoʻllanganida boʻlgani kabi, ayniqsa qon ketishini rivojlanishiga yordam beruvchi organik shikastlanishlar, invaziv muolajalar yoki gemostazni buzuvchi preparatlarni ishlatilishi kabi yoʻldosh xavf omillari borligida, qon ketishlari paydo boʻlishi mumkin (“Maxsus koʻrsatmalar” va “Boshqa dori vositalari bilan oʻzaro taʼsiri” ga qarang). Qon ketishi rivojlanganida preparatni yuborishni bekor qilish, qon ketishining sababini aniqlash va tegishli davolashni boshlash kerak.
Ogʻir qon ketishlari, shu jumladan qorin orti va kalla suyagi ichki qon quyilishlarini (0,01-0,1% tez-tezlik bilan) rivojlanishi toʻgʻrisida xabar berilgan.
Bu hollardan ayrimlari oʻlim bilan yakunlangan.
Kleksan spinal/epidural anesteziya va kiruvchi kateterlarni operatsiyadan keyin ishlatish fonida qoʻllanganida, turli yaqqollik darajasidagi nevrologik buzilishlar, shu jumladan uzoq muddat saqlanuvchi yoki qaytmas falajga olib keluvchi neyroaksial gematomalarni (0,01-0,1% hollarda) hosil boʻlish hollari taʼriflangan.
Trombotsitopeniya
Davolash boshlanganidan keyin birinchi kunlar davomida ahamiyatsiz namoyon boʻluvchi, oʻtkinchi, simptomsiz trombotsitopeniya rivojlanishi mumkin. Kam hollarda (0,01% dan kam) tromboz bilan birga kechuvchi autoimmun trombotsitopeniya rivojlanishi mumkin. Kam hollarda (0,01% dan kam) tromboz bilan birga kechuvchi autoimmun trombotsitopeniyani rivojlanishi toʻgʻrisida xabar berilgan. Kam hollarda tromboz aʼzoning infarkti yoki qoʻl-oyoqlarning ishemiyasi bilan asoratlangan (“Maxsus koʻrsatmalar” boʻlimiga qarang).
Mahalliy reaksiyalar
Kleksan teri ostiga yuborilganidan keyin inyeksiya joyida ogʻriq, 0,01% dan kam hollarda – gematoma kuzatilishi mumkin. Ayrim hollarda preparat yuborilgan joyda preparatni saqlovchi yalligʻlangan qattiq tugun-infiltratlar hosil boʻlishi mumkin, ular bir necha kundan keyin yoʻqoladi va preparatni bekor qilish uchun asos hisoblanmaydi, 0,001% hollarda inyeksiya joyida, oldin purpura yoki eritematoz ogʻriqli papulalarni paydo boʻlishi bilan teri nekrozi rivojlanishi mumkin. Bunday hollarda Kleksan bilan davolashni toʻxtatish kerak.
Boshqalar
Teri (bullyoz toshmalar) va tizimli allergik reaksiyalar, shu jumladan anafilaktik va anafilaktoid reaksiyalar (0,01-0,1% tez-tezlik bilan) kam kuzatilgan. Allergik vaskulit hollari (0,01% dan kam) aniqlangan. Ayrim bemorlarga davolashni toʻxtatish talab qilinishi mumkin.
Jigar fermentlarining faolligini simptomsiz va qaytuvchi oshishi taʼriflangan.
Geparin va postmolekulyar geparinlar qoʻllanganida giperkaliyemiya hollari toʻgʻrisida xabar berilgan.
Quyimolekulyar geparin qoʻllanganida boʻlgani kabi, davomli davolashda osteoporozni rivojlanish xavfini inkor qilish mumkin emas.
Dozani oshirib yuborilishi
Vena ichiga, ekstrakorporal yoki teri ostiga qoʻllanganida Kleksanning dozasini tasodifan oshirib yuborilishi gemorragik asoratlarga olib kelishi mumkin. Ichga xatto katta dozalar qabul qilinganida preparatni soʻrilish ehtimoli kam.
Antikoagulyant samaralarni, asosan protamin sulfatini vena ichiga sekin yuborish yoʻli bilan neytrallash mumkin, uning dozasi yuborilgan Kleksanning dozasiga bogʻliq. Bir mg (1 mg) protamin sulfati bir mg (1mg) Kleksanning antikoalugyant samarasini neytrallaydi (protamin tuzlarini qoʻllash toʻgʻrisidagi maʼlumotlarga qarang), agarda enoksaparin natriy protaminni yuborishdan 8 soat oldin yuborilgan boʻlsa 0,5 mg protamin 1 mg Kleksanning antikoagulyant samarasini neytrallaydi, agarda oxirgisi yuborilgan vaqtdan 8 soatdan ortiq vaqt oʻtgan boʻlsa yoki protaminning ikkinchi dozasini yuborish zarurati boʻlsa. Agarda enoksaparin natriy yuborilganidan keyin 12 va undan ortiq vaqt oʻtgan boʻlsa, preparatni yuborish talab qilinmaydi. Biroq, xatto protamin sulfatning katta dozalari yuborilganida ham, Kleksanning anti-Xa faolligi neytrallanmaydi (maksimal 60% gacha).
Boshqa dori vositalari bilan oʻzaro taʼsiri
Kleksanni boshqa dori vositalari bilan aralashtirish mumkin emas!
Enoksaparin natriy va boshqa quyimolekulyar geparinlarni navbatma-navbat qoʻllash mumkin emas, chunki ular bir-biridan ishlab chiqarish usuli, molekulyar ogʻirligi, spetsifik anti-Xa faolligi, oʻlchov birligi va dozasi bilan farq qiladi. Va buning oqibatida preparatlarning farmakokinetikasi va biologik faollik turlichadir (anti-Xa faollik, trombotsitlar bilan oʻzaro taʼsiri).
Tizimli taʼsirga ega salitsilatlar, atsetilsalitsil kislotasi, nosteroid yalligʻlanishga qarshi vositalar (shu jumladan ketorolak), molekulyar massasi 40 kDa boʻlgan dekstran, tiklopidin va klopidogrel bilan, tizimli glyukokortikosteroidlar bilan, boshqa antitrombotsitar preparatlar (shu jumladan IIb/IIIa glikoprotein antagonistlari) bilan – qon ketishini rivojlanishini oshishi (“Maxsus koʻrsatmalar”ga qarang).
Maxsus koʻrsatmalar
Preparat oldini olish maqsadlarida buyurilganida qon oquvchanligini oshishiga tendensiya kuzatilmagan. Preparat davolash maqsadlarida buyurilganida keksa yoshli patsiyentlarda (ayniqsa 80 yoshdan oshganlar) qon ketishlarini rivojlanish xavfi bor. Patsiyentning holatini sinchiklab kuzatish tavsiya qilinadi.
Gemostazni buzish qobiliyatiga ega preparatlarni (salitsilatlar, atsetilsalitsil kislotasi, nosteroid yalligʻlanishga qarshi vositalar, shu jumladan ketorolak; molekulyar massasi 40 kDa boʻlgan dekstran, tiklopidin, klopidogrel; glyukokortikosteroid preparatlar, trombolitiklar, antikoagulyantlar, antiagregantlar, shu jumladan IIb/IIIa glyukoprotein retseptorlarining antagonistlari) qoʻllash, ularni qoʻllash qatʼiy koʻrsatilgan holatlardan tashqari hollarda enoksapain natriy bilan davolashni boshlashdan oldin toʻxtatilishi tavsiya qilinadi.
Agarda enoksaparin natriyni bu preparatlar bilan majmuada qoʻllash koʻrsatilgan boʻlsa, unda tegishli laborator koʻrsatkichlarni sinchkov klinik kuzatuvi va monitoringini oʻtkazish kerak. Buyraklar faoliyatini buzilishi boʻlgan patsiyentlarda anti-Xa faollikni oshishi natijasida qon ketishini rivojlanishini xavfi bor. Bu oshish buyraklar faoliyatini ogʻir buzilishlari (kreatinin klirensi 30 ml/min dan kam) boʻlgan patsiyentlarda ahamiyatli kuchayishi tufayli, preparat oldini olish uchun ham, davolash uchun ham buyurilganida dozani toʻgʻrilashni oʻtkazish tavsiya qilinadi. Garchi buyraklar faoliyatini yengil va oʻrtacha buzilishi (kreatinin klirensi 30-50 ml/min yoki 50-80 ml/min) boʻlgan patsiyentlarda dozani toʻgʻrilash talab qilinmasada, bunday patsiyentlarning holatini sinchkov nazoratini oʻtkazish tavsiya qilinadi.
Enoksaparin natriyning anti-Xa faolligini, uni tana vazni 45 kg dan kam ayollarga va tana vazni 57 kg dan kam erkaklarga oldini olish maqsadida buyurilishida oshishi, qon ketishlarini rivojlanish xavfini oshishiga olib kelishi mumkin.
Geparin chaqirgan autoimun trombotsitopeniyaning xavfi, quyimolekulyar geparinlar ishlatilganida ham mavjuddir. Agarda trombotsitopeniya rivojlansa, unda u odatda enoksaparin natriy bilan davolash boshlanganidan keyin 5- va 21-chi kunlar orasida aniqlanadi. Shuning uchun preparat bilan davolashni boshlashdan oldin va uni qoʻllash vaqtida trombotsitlar sonini muntazam nazorat qilish tavsiya qilinadi.
Trombotsitlarning sonini tasdiqlangan ahamiyatli pasayishida (dastlabki koʻrsatkichga nisbatan 30-50% ga) enoksaparin natriyni darhol bekor qilish va bemorni boshqa davolashga oʻtkazish kerak.
Spinal/epidural anesteziya
Boshqa antikoagulyantlar qoʻllanganida boʻlgani kabi, Kleksan spinal/epidural anesteziyaning fonida ishlatilganida barqaror yoki qaytmas falajni rivojlanishi bilan, neyroaksial gematomalarni paydo boʻlish hollari taʼriflangan. Bu koʻrinishlarni paydo boʻlish xavfi preparat 40 mg yoki pastroq dozada qoʻllanganida pasayadi. Xavf, preparatning dozasi oshirilganida, shuningdek operatsiyadan keyin kateterlar ishlatilganida yoki gemostazga xuddi shunday taʼsir koʻrsatuvchi nosteroid yalligʻlanishga qarshi vositalar kabi qoʻshimcha preparatlar yoʻldash ishlatilganida oshadi (“Boshqa dori vositalari bilan oʻzaro taʼsiri” ga qarang). Xavf shuningdek jarohatli oʻtkazilgan yoki takroriy orqa-miya punksiyada ham oshadi.
Epidural yoki spinal anesteziyada orqa miya kanalidan qon ketishi xavfini pasaytirish uchun preparatning farmakologik profilini hisobga olish lozim (“Farmakologik xususiyatlari”ga qarang). Kateterni oʻrnatish yoki olib tashlashni enoksaparin natriyning past antikoagulyant samarasida oʻtkazgan afzal.
Kateterni oʻrnatish yoki olib tashlash, chuqur venalarning trombozini oldini olish uchun, Kleksanning oldini olish dozalari qoʻllanganidan keyin 10-12 soat oʻtgach oʻtkaziladi. Patsiyentlar enoksaparin natriyning yuqori dozalarini (1 mg/kg sutkada 2 marta yoki 1,5 mg/kg sutkada 1 marta) olayotgan hollarda, ushbu muolajalarni uzoqroq vaqt oraligʻiga (24 soat) kechiktirish kerak. Preparatni keyingi yuborishlari kateter olib tashlanganidan keyin kechi bilan 2 soatdan keyin amalga oshirilishi kerak.
Agarda shifokor epidural/spinal anesteziyani oʻtkazish vaqtida antikoagulyant davolashni buyursa, orqa ogʻriqlari, sensor va motor funksiyalarini buzilishi (oyoqlarda jimirlash yoki holsizlik), ichak va/yoki qovuqning faoliyatini buzilishi kabi har qanday nevrologik simptomlarni aniqlash uchun, patsiyentni oʻta sinchkovlik bilan muntazam kuzatish kerak. Patsiyentga yuqorida taʼriflangan simptomlar paydo boʻlganida shifokorni darhol xabardor qilish kerakligi toʻgʻrisida yoʻl-yoʻriq berish kerak. Orqa miya gematomasi uchun xos boʻlgan simptomlar aniqlanganida, zarurati boʻlganida orqa miya dekompressiyasini oʻz ichiga oluvchi shoshilinch diagnostika va davolash zarur.
Geparin-induksiyalangan trombotsitopeniya
Anamnezida geparin chaqirgan, tromboz bilan yoki usiz trombotsitopeniya toʻgʻrisidagi maʼlumotlar boʻlgan bemorlarga Kleksanni maxsus ehtiyotkorlik bilan buyurish kerak.
Geparin chaqirgan trombotsitopeniyaning xavfi bir necha yillar davomida saqlanishi mumkin. Agarda anamnez jihatidan, geparin chaqirgan trombopeniyani borligi taxmin qilinsa, unda in vitro sharoitida trombotsitlar agregatsiyasining testlari, uni rivojlanish xavfini bashorat qilishda cheklangan ahamiyatga ega. Bunday hollarda Kleksanni buyurish toʻgʻrisidagi qarorni faqat tegishli mutaxassis bilan maslahatlashgandan keyingina qabul qilish mumkin.
Teri orqali koronar angioplastikasi
Nostabil stenokardiya va Q tishisiz miokard infarktini davolashda invaziv tomir muolajasi bilan bogʻliq qon ketishi xavfini kamaytirish maqsadida, son arteriyasining introdyuserini Kleksan teri ostiga yuborilganidan keyin 6-8 soat davomida olib tashlash mumkin emas. Keyingi hisoblangan dozani, son arteriyasining introdyuseri olib tashlanganidan keyin kechi bilan 6-8 soatdan keyin yuborish kerak.
Qon ketishi va gematomalarni hosil boʻlishi belgilarini oʻz vaqtida aniqlash uchun invaziya joyini kuzatish kerak.
Yurakning sunʼiy klapanlari
Yurakning sunʼiy klapanlari boʻlgan patsiyentlarda tromboembolik asoratlarni oldini olishda, Kleksanning samaradorligi va xavfsizligini ishonchli baholashga imkon beruvchi tekshirishlar oʻtkazilmagan. Preparatni bu maqsadlarda qoʻllash uchun tavsiya qilib boʻlmaydi (“Qoʻllash mumkin boʻlmagan holatlar” boʻlimiga qarang).
Laboratoriya testlari
Tromboembolik asoratlarni oldini olish uchun ishlatiladigan dozalarda Kleksan qon ketish vaqtiga va umumiy koagulyatsion koʻrsatkichlarga, shuningdek trombotsitlar agregatsiyasiga yoki ularni fibrinogen bilan bogʻlanishiga jiddiy taʼsir qilmaydi.
Doza oshirilganida ACHTV va qon ivish vaqti uzayishi mumkin. ACHTV va qon ivish vaqtini oshishi preparatning antitrombolitik faolligini oshishi bilan toʻgʻri chiziqli bogʻliqlikda boʻladi, shuning uchun ularning monitoringini zarurati yoʻq.
Oʻtkir terapevtik kasalliklari boʻlgan, yotoq tartibidagi bemorlarda venoz trombozlar va emboliyalarni oldini olish
Oʻtkir infeksiya, oʻtkir revmatik holatlar rivolangan hollarda, enoksaparinni profilaktik buyurilishi, faqat agarda yuqorida sanab oʻtilgan holatlar venoz tromb hosil boʻlishini quyida sanab oʻtilgan xavf omillaridan biri qoʻshilib kelgandagina oqlangan:
- 75 yoshdan kattalar
- xavfli oʻsmalar
- anamnezdagi trombozlar va emboliyalar
- gormonal davolash
- yurak yetishmovchiligi
- surunkali nafas yetishmovchiligi
Kleksan transport vositalari va mexanizmlarni boshqarish qobiliyatiga taʼsir koʻrsatmaydi.
Chiqarilish shakli
Inyeksiya uchun eritma 2000 anti-Xa XB/0,2 ml; 4000 anti-Xa XB/0,4 ml; 6000 anti-Xa XB/0,6 ml; 8000 anti-Xa XB/0,8 ml; 10000 anti-Xa XB/1 ml.
Oʻramning 1 chi turi
2000 anti-Xa XB/0,2 ml; 4000 anti-Xa XB/0,4 ml; 6000 anti-Xa XB/0,6 ml; 8000 anti-Xa XB/0,8 ml dozalar uchun: 0,2 ml yoki 0,4 ml yoki 0,6 ml yoki 0,8 ml preparatning eritmasi muvofiq shisha shprisda. 2 shprisdan blisterda. 1 yoki 5 blisterdan qoʻllash boʻyicha yoʻriqnomasi bilan birga karton qutida.
Oʻramning 2 chi turi
2000 anti-Xa XB/0,2 ml; 4000 anti-Xa XB/0,4 ml; 6000 anti-Xa XB/0,6 ml; 8000 anti-Xa XB/0,8 ml dozalar uchun: 0,2 ml yoki 0,4 ml yoki 0,6 ml yoki 0,8 ml preparatning eritmasi muvofiq shisha shprisda ignaning himoya tizimi bilan birga. 2 shprisdan blisterda. 1 yoki 5 blisterdan qoʻllash boʻyicha yoʻriqnomasi bilan birga karton qutida.
Saqlash sharoiti
+250S dan yuqori boʻlmagan haroratda.
Bolalar olaolmaydigan joyda saqlansin!
Yaroqlilik muddati
3 yil. Preparatni yaroqlilik muddati oʻtganidan keyin qoʻllash mumkin emas.
Berish tartibi
Retsept bo’yicha
Mavzuga aloqador
KLOPIDOGREL tabletkalari 75mg N10
Trombonet