QOʻLLASH BOʻYICHA YOʻRIQNOMA
KORDARON®
CORDARONE®
Preparatni qoʻllashni boshlashdan oldin ushbu ilova-varaqani diqqat bilan oʻqib chiqing. Agar Sizda qoʻshimcha savollar tugʻilsa, Oʻzingizning davolovchi shifokoringiz bilan maslaxatlashing.
Ushbu preparat Siz uchun moʻljallangan. Uni boshqa odamlarga berish mumkin emas. Bu ularning sogʻligʻiga, xatto agar ularning kasalliklarining simptomlari Sizda kuzatilayotganlarga oʻxshash boʻlsa xam, zarar yetkazishi mumkin.
Ushbu ilova varaqani saqlab qoʻying. Sizga uni yana bir marta oʻqib chiqish kerak boʻlib qolishi mumkin.
Preparatning savdo nomi: Kordaron
Taʼsir etuvchi modda (XPN): Amiodaron/Amiodarone
Dori shakli: boʻlinuvchi tabletkalar.
Tarkibi:
1 tabletkada saqlanadi:
Faol modda:
Aminodaron gidroxloridi 200 mg
Yordamchi moddalar:
Laktoza monogidrati 71,0 mg
Makkajoʻxori kraxmali 66,0 mg
Polividon K90F (Ye 1201) 6,0 mg
Suvsiz kolloid kremniy dioksidi (Ye551) 2,4 mg
Magniy stearati (Ye470) 4,6 mg
Taʼrifi: oqdan sargʻish-oq rangligacha boʻlgan gravirovkasi va boʻluvchi riskasi boʻlgan dumaloq tabletkalar: tomonlaridan birida yurak shaklidagi simvol va “200” yozuvi bor.
Farmakoterapevtik guruhi: Yurak kasalliklarini davolash uchun vositalar. III sinf antiaritmik preparati.
ATX kodi: S018D01
Farmakologik xususiyatlari:
Farmakodinamikasi:
Antiaritmik xususiyatlari:
- Yurak xujayralari harakat potensialining 3-chi fazasini uzaytiradi (Vanghan Williams tasnifi boʻyicha III sinfiga kiradi);
- Sinus tuguni avtomatizmini, atropinning taʼsiriga javob bermaydigan bradikardiyagacha kamaytiradi.
- alfa- va beta- adrenergik faollikni raqobatsiz susaytiradi.
- Sinoatrial tugunda, yurak boʻlmachalarida va atrioventrikulyar (AV) tugunda oʻtkazuvchanlikni sekinlashtiradi, bu holat ritm tezlashganda kuchliroq namoyon boʻladi;
- Yurak qorinchalari ichidagi oʻtkazuvchanlikni oʻzgartirmaydi.
- Refrakter davrni uzaytiradi va yurak boʻlmachalari, AV-tuguni va qorinchalari darajasidan miokard qoʻzgʻaluvchanligini kamaytiradi.
Ishemiyaga qarshi xususiyatlari
Periferik qon tomirlar qarshiligini oʻrtacha pasaytiradi va yurak qisqarishlari sonini kamaytiradi, bu kislorodni isteʼmol qilinishini pasayishiga olib keladi.
Raqobatsiz mexanizm boʻyicha alfa- va beta- adrenergik antagonizmni namoyon etadi.
Mikard arteriyalarining silliq mushaklariga toʻgʻridan–toʻgʻri taʼsiri koronar qon tomirlarda qon oqimini oshiradi.
Arterial qon tomiri ichida bosimni va periferik qon tomirlar qarshiligini pasaytirishi hisobiga yurakdan otilib chiqayotgan minutli qon hajmini saqlab qoladi. Amiodaron sezilarli manfiy inotrop taʼsirga ega emas.
Bolalar
Nazorat qilingan pediatrik tadqiotlar oʻtkazilmagan.
Chop etilgan tadqiqotlarda amiodaronning xavfsizligi turli aritmiyalari boʻlgan 1118 nafar pediatrik patsiyentlarda baholangan. Pediatrik klinik tadqiotlarda quyidagi dozalar qoʻllanilgan:
Peroral qabul qilish
- Zarbdor doza: sutkada 10-20 mg/kg, 7-10 kun davomida (yoki tana yuzasining kvadrat metriga hisoblanganda sutkada 500 mg/m2)
- Samarani bir maromda tutib turuvchi doza: minimal samarali doza; individual javobga qarab, u sutkada 5 dan 10 mg/kg gacha oʻzgarib turishi mumkin (yoki tana yuzasining kvadrat metriga hisoblanganda sutkada 250 mg/m2)
Farmakokinetikasi
Soʻrilishi
Amiodaronni soʻrilishi sekin va oʻzgaruvchan kechadi, preparat toʻqimalarga yuqori yaqinlikka egadir.
Taqsimlanishi
Taqsimlanish hajmi juda katta, biroq shaxsiy ravishda oʻzgarib turadi, chunki amiodaron toʻqimalarda (yogʻ toʻqimasida, jigarda, oʻpkada, taloqda) faol toʻplanadi.
Biotransformatsiyasi
Amiodaron asosan CYP3A4, shuningdek CYP2S8 yordamida metabolizmga uchraydi.
Amiodaron va uning metaboliti dezetilamiodaron in vitro sharoitda CYP2C9, CYP2C19, CYP2D6, CYP3A4, CYP2A6, CYP2B6 va 2C8 ni ingibitsiya qilish xususiyatiga ega. Amiodaron va dezetilamiodaron shuningdek ayrim transport tizimlarini, masalan, P-glikoprotein va organik kationlarning tashuvchisi (OCT2) ni xam ingibitsiya qilish xususiyatiga egadir. (Bir tadqiqotda kreatinin konsentratsiyasini (OCT 2 substrat) 1,1% ga oshishi aniqlangan). In vitro tadqiqotlarning maʼlumotlari CYP3A4, CYP2C9, CYP2D6 va P-glikoproteinning substratlari bilan oʻzaro taʼsiri toʻgʻrisida maʼlumotlar saqlaydi.
Ichga qabul qilingandan keyin biokiraolishligi 30 % dan 80 % gachani (oʻrtacha 50 % ni) tashkil qiladi. Bir martalik doza qabul qilingandan keyin plazmadagi maksimal konsentratsiyasi 3-7 soatdan keyin kuzatiladi. Terapevtik samarasi oʻrtacha bir hafta davomida (bir necha kundan ikki haftagacha vaqt davomida) rivojlanadi.
Chiqarilishi
Amiodaron shaxsiy (20 dan 100 kungacha) oʻzgarib turuvchi, uzoq muddatli yarim chiqarilish davriga ega. Davolashning birinchi bir necha kuni davomida amiodaron organizmning koʻpchilik toʻqimalarida, ayniqsa yogʻ toʻqimasida toʻplanadi. Chiqarilishi bir necha kun oʻtganidan boshlanadi, muvozanat konsenratsiyasiga esa, patsiyentga qarab, bir yoki bir necha oydan keyin erishiladi. Koʻrsatilgan xususityalari tufayli, toʻqimalarda terapevtik samaralarni nomoyon boʻlishi uchun zarur boʻlgan konsentratsiyalarga tezda erishish uchun preparatning zarbdor dozalarini ishlatish kerak.
Farmakokinetikasi va farmakodinamikasi orasidagi bogʻliqlik
Amiodaronning 200 mg li dozasi oʻzida 75 mg yod saqlaydi. Yod guruhi molekuladan ajralib chiqadi va siydikka yodidlar koʻrinishida tushadi. Bu 24 soat ichida amiodaronning 200 mg sutkalik dozasi uchun 6 mg erkin yodga toʻgʻri keladi. Amiodaron asosan safro va axlat bilan chiqariladi. Amiodaronni buyrak orqali ekskretsiyasi juda xam kam, bu buyrak yetishmovchiligi boʻlgan patsiyentlarda standart dozalarni qoʻllash imkonini beradi. Davolash tugaganidan keyin preparatni chiqarilishi yana bir necha oy davomida davom etadi; farmakodinamik samarasi esa 10 kundan bir oygacha boʻlgan davr davomida saqlanib qolishini hisobga olish lozim.
Na amiodaron, na uning metabolitlarini dializ yordamida chiqarib boʻlmaydi. Nazorat qilingan pediatrik tadqiqotlar oʻtkazilmagan. Pediatrik patsiyentlar boʻyicha mavjud cheklangan chop etilgan maʼlumotlarda kattalardan farqlar aniqlanmagan.
Klinika oldi tadqiqotlarining maʼlumotlari
Farmakologik xavfsizligi, koʻp marta qoʻllangandagi toksiklik, genotoksiklik, kanserogenlik, teratogenlik va reproduktiv faoliyatga taʼsiri yuzasidan toksikligini oʻrganish yuzasidan anʼanaviy tadqiqotlarga asoslangan klinika oldi tadqiqotlarining maʼlumotlari, Homiladorlik, emizish va fertillik boʻlimida koʻrsatilgan maʼlumotlardan tashqari, sogʻlom odam uchun spetsifik farqlar aniqlanmagan.
Qoʻllanilishi
Qaytalanishlarni oldini olish:
– Hayotga xavf soluvchi yurak qorinchalari taxikardiyasini oldini olish: davolash statsionarda sinchkov nazorat ostida boshlanishi lozim.
– Elektrokardiografik jihatdan tasdiqlangan, simptomatik va noshirnlikka olib keluvchi qorinchalari taxikardiyasini oldini olish.
– Elektrokardiografik jihatdan tasdiqlangan supraventrikulyar taxikardiyani, agar taxikardiyani davolashning boshqa usullari bilan davolab boʻlmasa yoki boshqa preparatlarni ishlatishga qarshi koʻrsatmalar boʻlganda davolashning zarurati aniqlangan hollarda qoʻllaniladi.
– Yurak qorinchalari fibrillyatsiyasi.
– Volf-Parkinson-Uayt sindromida ritm buzilishlarini oldini olishda qoʻllaniladi.
Xilpillovchi aritmiyani davolash: yurak boʻlmachalari lipillashi yoki xilpillashida (fibrillyatsiyasida) yurak qisqarishlari sonini sekinlashtirish yoki sinusli ritmni tiklash uchun qoʻllaniladi.
Amiodaron yurak ishemik kasalligi boʻlgan va/yoki yurakning chap qorinchasi disfunksiyasi boʻlgan hollarda xam qoʻllanilishi mumikn (Farmakodinamika boʻlimiga qarang).
Yurakdan qon otilib chiqishining past fraksiyasi yoki asimptomatik yurak qorinchalari ekstrasistolalari fonidagi simptomatik dimlangan yurak yetishmovchiligi yoki yaqinda oʻtkazilgan miokard infarkti oqibatida oʻlim bilan yakunlanish holatlarini oldini olish.
Amiodaron ishemik yoki noishemik tabiatga ega dimlangan yurak yetishmovchiligi bilan xastalangan yuqori xavf guruhi patsiyentlarida umumiy oʻlimni, shu jumladan yurak kasalligi oqibatidagi behosdan oʻlim holatlarini oldini olish uchun qoʻllaniladi.
Yuqori xavf asosan yaqqol yurak yetishmovchiligining klinik simptomlarini borligi yoki chap qorinchadan qon otilib chiqish fraksiyasini normadan 40% ga pasayishi, qorinchalar aritmiyasini borligi yoki yoʻqligi bilan belgilanadi.
Qoʻllash usuli va dozalari
Koʻrsatilgan dozalar faqar kattalarda qoʻllanilishi mumkin.
Boshlangʻich davolash
Dozalashni boshlangʻich tartibi (yuklama doza) sutkada 3 tabletka (600 mg) ni 8-10 kun davomida buyurishdir. Ayrim xollarda davolashning boshida yuqoriroq dozalari (sutkada 4 yoki 5 tabletka) qoʻllanishi mumkin, lekin qisqa vaqt davomida va elektrokardiografik nazorat ostida qoʻllaniladi. Terapevtik toʻyinishning natijasi EKG dagi xarakterli oʻzgarishlar hisoblanadi: U toʻlqinini paydo boʻlish ehtimoli bilan kechuvchi QT intervalini uzayishi (Maxsus koʻrsatmalarga qarang).
Samarani bir maromda tutib turuvchi davolash
Shaxsiy minimal tutib turuvchi dozani tanlash kerak, u patsiyentning shaxsiy javobiga qarab, sutkada ½ tabletkadan (yoki har ikkinchi kuni bir tabletkadan) har kuni 2 tabletkagacha diapazonda boʻlishi mumkin. Davolash mobaynida muntazam EKG-nazoratini oʻtkazish lozim.
Maxsus guruh patsiyentlari
Buyrak yetishmovchiligi
Buyrak yetishmovchiligi boʻlgan patsiyentlarda dozaga tuzatish kiritish talab etilmaydi (Farmakodinamika. Farmakokinetika va farmakodinamikasi orasidagi bogʻliqlikka qarang), biroq klinik tajriba yoʻq.
Jigar yetishmovchiligi
Jigar faoliyatini buzilishi boʻlgan patsiyentlar boʻyicha klinik tajriba yoʻq.
Keksa patsiyentlar
Keksa patsiyentlarda qoʻllash boʻyicha yetarli klinik maʼlumotlar mavjud emas.
Amiodaronni keksa patsiyentlarda oʻziga xos ehtiyotkorlik bilan qoʻllash kerak.
Pediatrik patsiyentlar
Bolalarda amiodaronning xavfsizligi va samaradorligi aniqlanmagan. Hozirgi vaqtda mavjud maʼlumotlar Farmakodinamikasi va Farmakokinetikasi boʻlimlarida taʼriflangan.
Qoʻllash usuli
Ichga qabul qilish buyuriladi.
Nojoʻya taʼsirlari
Nojoʻya taʼsirlari aʼzolar va tizimlar boʻyicha, shuningdek namoyon boʻlishining tez-tezligiga qarab quyidagicha tasniflangan:
Juda tez-tez (≥1/10); tez-tez (≥1/100 do <1/10); tez-tez emas (≥1/1 000 do <1/100); kam hollarda (≥1/10000 do <1/1000); juda kam hollarda (<1/10000), nomaʼlum (mavjud maʼlumotlar asosida baholab boʻlmaydi).
Quyida taʼriflanmagan oʻxshash simptomlar paydo boʻlgan holda (ayniqsa yoʻgʻon kursiv bilan ajratilgan), iltimos, darhol oʻzingizning davolovchi shifokoringizga murojaat qiling!
Koʻrish aʼzosi tomonidan buzilishlar:
Juda tez-tez: kattalarda shox pardada deyarli doimo boʻluvchi mikro choʻkmalar, ular odatda qorachiq osti sohasi bilan cheklangan boʻladi va davolashni toʻxtatishni talab etmaydi. Ular juda kam hollarda yorqin yorugʻlikda boʻlgan oreol paydo boʻlishi yoki tumanni xis qilish koʻrinishidagi koʻrishini buzilishiga olib keladi va preparat bekor qilinganidan keyin xar doim qaytuvchan hisoblanadi.
Juda kam hollarda: Noaniqlik, koʻrish oʻtkirligini pasayishi va koʻz tubini shishi bilan kechuvchi koʻruv nervining neyropatiyasi/nevritining bir necha xollari taʼriflangan. Bu koʻrish oʻtkirligini koʻproq yoki kamroq ogʻirlik darajasidagi pasayishiga olib kelishi mumkin. Bu holatni amodaron bilan bogʻliqligi hozirgi vaqtgacha aniqlanmagan, biroq, boshqa aniq sabablar boʻlmagnida preparat bilan davolashni toʻxtatib turish kerak.
Teri tomonidan buzilishlar:
Juda tez-tez: Fotosensibilizatsiya: Bemorlani, ular davolanish davrida quyosh yorugʻligidan (va umuman ultrabinafsha nurlaridan) saqlanishlari lozimligi toʻgʻrisida ogohlantirish kerak.
Tez-tez: terining kulrangroq yoki koʻkimtirroq pigmentatsiyasi: davolash toʻxtatilganidan keyin bu pigmentatsiya sekin (10-24 oylar davomida) yoʻqoladi.
Juda kam hollarda:
- Radioterapiya davomida eritema hollari uchrashi mumkin.
- Teri toshmasi, odatda kam spetsifik toshmasi haqida xabarlar bor.
- Eksfoliativ dermatitning ayrim hollari: biroq preparat bilan bogʻliqligi aniqlanmagan.
- Sochlarni toʻkilishi.
Tez-tezligi nomaʼlum:
- eshakemi
Endokrin buzilishlar (Maxsus koʻrsatmalar va qoʻllashdagi ehtiyotkorliklar boʻlimiga qarang)
Tez-tez:
- gipotireoz,
- gipertireoz, baʼzan oʻlim bilan yakunlanuvchi gipertireoz
- antidiuretik gormonni noadekvat sekretsiyasi sindromi (AGNSS)
Nafas aʼzolari tomonidan buzilishlar:
Tez-tez: Oʻpkada toksiklik holatlari (alveolyar/interstitsial pnevmonit va pnevmoniya bilan kechuvchi obliteratsiyalovchi bronxiolit), baʼzida – oʻlim yakunlanuvchi holatlari taʼriflangan. Dispnoe yoki balgʻamsiz yoʻtal kabi ham mustaqil simptomlar sifatida, va ham umumiy holatning yomonlashishi (toliqish, vaznni yoʻqotish, haroratni oshishi) paydo boʻlgan bemorlarda koʻkrak qafasini rentgenografiyasini oʻtkazish va zarurati boʻlganida preparatni bekor qilish kerak. Pnevmopatiyaning bunday turlari oʻpka fibroziga olib kelishi mumkin, biroq ular kortikosteroidlarni buyurish bilan ham, usiz ham, amiodaron erta bekor qilinganida asosan qaytuvchan boʻladi. Klinik simptomlari odatda 3-4 hafta davomida oʻtib ketadi, soʻngra esa radiologik manzarani va oʻpka faoliyatini ancha sekinroq (birnecha oylarda) tiklanishi yuz beradi.
Interstitsial pnevmopatiyalar bilan bogʻliq boʻlgan poyevrit holatlari aniqlangan.
Shuningdek pulmonal gemorragiya holatlari maʼlum (uchrash tezligi nomaʼlum).
Juda kam hollarda:
- Bronxospazmning birnecha hollari, ayniqsa – bronxial astmasi boʻlgan bemorlarda taʼriflangan.
- Oʻtkir respirator sindromining bir necha hollari, baʼzida oʻlim bilan yakunlanuvchi hollari taʼriflangan, koʻproq – jarrohlik aralashuvlaridan keyinoq yuz beruvchi hollari taʼriflangan (ehtimol oʻpkani sunʼiy ventillyatsiyasi (OʻSV) vaqtida kislorodning yuqori konsentratsiyasi taʼsirida yuz bersa kerak) (Maxsus koʻrsatmalar va qoʻllashdagi ehtiyotkorliklar boʻlimiga qarang).
Nerv tizimi tomonidan buzilishlar:
Tez-tez:
- tremor yoki boshqa ekstrapiramid simptomlar;
- uyquni buzilishi, shu jumladan dahshatli tush koʻrishlar;
- sensor, motor yoki aralash periferik neyropatiyalar.
Tez-tez emas:
- Miopatiyalar. Periferik sensomotor neyropatiyalar va/yoki miopatiyalar amlodaron davomli qoʻllanganida, odatda preparat bekor qilinganidan keyin qaytar boʻladi. Ular faqat birnecha oydan keyin rivojlanishi mumkin, baʼzida- birnecha yil davolanishdan keyin. Biroq, tiklanish toʻliq boʻlmasligi, juda sekin va faqat bekor qilinganidan keyin birnecha oy oʻtgach namoyon boʻlishi mumkin.
Juda kam hollarda:
- miyacha bilan bogʻliq ataksiya:
- xavfsiz bosh miya ichki gipertenziyasi, bosh ogʻriqlari. Bosh ogʻriqlarini paydo boʻlishi sababini aniqlash uchun tekshirishni talab qiladi.
Jigar tomonidan buzilishlar:
Zardob transaminazalarning yuqori darajasi bilan namoyon boʻluvchi jigarning disfunksiyasi aniqlangan. Quyidagi koʻrinishlar xaqida xabar berilgan:
Juda tez-tez: Transaminazalar darajasini alohida va odatda oʻrtacha (normal qiymatlardan 1,5-3 marta yuqori) oshishi aniqlangan; doza kamaytirilganida yoki hatto spontan ravishda xam pasayadi.
Tez-tez: zardobda transaminazalar darajasini oshishi va/yoki sariqlik bilan kechuvchi oʻtkir gepatopatiya, ularning ichida aynimlari oʻlim bilan yakunlangan; bunday hollarda davolashni toʻxtatish kerak.
Juda kam hollarda: uzoq muddat davomida davolashda surunkali gepatitlar haqida xabarlar bor.
Gistologiyasi psevdoalkogolli gepatitga mos keladi. Klinik simptomlari va laboratoriya oʻzgarishlari minimal boʻlishi mumkin (jigar oʻlchamlarini doimiy boʻlmagan oshishi, transaminazalar darajasi normal koʻrsatkichlarga nisbatan 1,5-5 martagacha oshadi); shuning uchun davolash davomida jigar faoliyatini muntazam nazorat qilish tavsiya etiladi. 6 oydan koʻproq davomiylikdagi davolashdan keyin kuzatiluvchi transaminazalar darajasini xatto oʻrtacha oshishi, surunkali jigar buzilishlaridan dalolat berishi mumkin. Klinik va biologik anomaliyalar odatda preparat bekor qilinganidan keyin regressiyaga uchraydi; biroq, oʻzgarishlarni qaytmas boʻlishi haqida bir necha xabarlar bor.
Yurak tomonidan buzilishlar:
Tez-tez: asosan oʻrtacha va preparatning dozasiga bogʻliq boʻlgan bradikardiya.
Tez-tez emas: oʻtkazuvchanlikni buzilishi (sinoatrial blokada, turli darajadagi atrioventrikulyar blokada).
Juda kam hollarda: ayrim xollarda (sinus tugunining disfunksiyasi, keksa bemorlar) yaqqol bradikardiya yoki-aloxida xollarda –sinus tugunini toʻxtashi taʼriflangan.
Tez-tezligi nomaʼlum:
“Piruet” (torsades de pointes) tipidagi taxikardiya (Maxsus koʻrsatmalar va qoʻllashdagi ehtiyotkorliklar va Boshqa dori vositalari bilan oʻzaro taʼsiri va oʻzaro taʼsirning boshqa shakllari ga qarang).
Meʼda-ichak yoʻllari tomonidan buzilishlar:
Juda tez-tez: meʼda-ichak yoʻllaridagi xavfsiz buzilishlar (koʻngil aynishi, taʼm sezishini buzilishlari), odatda davolashning boshida kuzatiladi va doza pasaytirilganida oʻtib ketadi.
Reproduktiv tizim tomonidan buzilishlar:
Juda kam hollarda: epididimit.
Qon tomir tizimi tomonidan buzilishlar:
Juda kam hollarda: vaskulit.
Impotensiya.
Laborator va instrumental tekshirishlarning natijalariga taʼsiri:
Juda kam hollarda: kreatinin darajasini oʻrtacha oshishi bilan kechuvchi buyrak disfunksiyasi.
Qon va limfa tizimi tomonidan buzilishlar:
Juda kam hollarda:
– trombotsitopeniya
– gemolitik anemiya
– aplastik anemiya
Immun tizimi tomonidan buzilishlar:
Angiodema (Kvinke shishi) (uchrashi nomaʼlum).
Qoʻllash mumkin boʻlmagan holatlar
Bu preparatni quyidagi vaziyatlarda qoʻllash mumkin emas:
- Yurak ritmini kamayishi, ritmni sunʼiy yurgizuvchisi yordamida holat muvofiqlashtirilgan holatlar bundan mustasnodir.
- Sinus tugunining kuchsizligi sindromi, ritmni sunʼiy yurgizuvchisi yordamida holat muvofiqlashtirilgan holatlar bundan mustasnodir (sinus tugunini toʻxtashi xavfi bor).
- Giperterioz, amiodaron tomonidan holat yomonlashishi mumkinligi tufayli.
- Yodga yoki amiodaronga, yoki yordamchi moddalardan biriga maʼlum boʻlgan allergiya.
- Homiladorlikning 2 va 3-chi uch oyliklari.
- Emizish.
- “Piruet” turidagi taxikardiyani chiqarish xususiyatiga ega boʻlgan preparatlar bilan birga qoʻllash.
- I sinf antiaritmik preparatlar (xinidin, gidroxinidin, dizopiramid).
- III sinf antiaritmik preparatlari (sotalol, dofetilid, ibutimid).
- Sultoprid.
- Bepridil, sisaprid, difamanil, vena ichiga yuboriladigan eritromitsin, mizolastin, moksifloksatsin, vena ichiga yuboriladigan vinkamin kabi boshqa preparatlar (Boshqa dori vositalari bilan oʻzaro taʼsiri va oʻzaro taʼsirining boshqa turlari ga qarang).
Dorilarning oʻzaro taʼsiri
Boshqa dori vositalari bilan oʻzaro taʼsiri va oʻzaro taʼsirining boshqa shakllari
Oʻz davolovchi shifokoringizni Kordaron bilan birga Siz qabul qilayotgan barcha dorilar haqida, xatto agar vaqti-vaqti bilan qabul qilayotgan boʻlsangiz ham albatta xabardor qiling.
Torsade de Pointes turidagi aritmiyalarni chaqiruvchi yoki QT intervalni uzaytiruvchi dori vositalar
A/ Torsade de Pointes turidagi aritmiyalarni chaqiruvchi dori vositalar
Torsade de Pointes turidagi aritmiyalarni chaqirishi mumkin boʻlgan dori vositalarni bir vaqtda buyurish mumkin emas (4.3 boʻlimga qarang):
– Ia sinfi antiaritmik vositalari, sotalol, bepridil
– Antiaritmik hisoblanmagan vinkamin, sultoprid, eritromitsin (vena ichiga yuboriladigan), pentamidin (parenteral qoʻllanganda) kabi vositalar, chunki birga qoʻllanganda torsade de pointes turidagi potensial oʻlim bilan yakunlanuvchi aritmiyalarni rivojlanish xavfi bor.
B/ QT intervalini uzaytiruvchi dori vositalar
Amiodaronni QT intervalini uzaytiruvchi dori vositalar bilan birga qoʻllanishi, har bir patsiyent uchun kutilgan foyda va xavfni sinchiklab baholanishiga asoslangan boʻlishi kerak, chunki torsade de pointes turidagi aritmiyani rivojlanish xavfi oshishi mumkin(4.4 boʻlimga qarang), va patsiyentlarda QT intervalini uzayishini nazorat qilish lozim.
Amiodaron qabul qilayotgan patsiyentlarda ftorxinolonlarni buyurishdan saqlanish kerak.
Yurak qisqarishlari sonini kamaytiruvchi yoki avtomatizm yoki oʻtkazuvchanlikni buzilishini chaqiruvchi dori vositalari:
Bu dori vositalarni bir vaqtda buyurish tavsiya etilmagan:
– Beta-blokatorlar va yurak qisqarishlari sonini kamaytiruvchi kalsiy kanallarining i ingibitorlari (verapamil, diltiazem), chunki avtomatizmni buzilishi (xaddan tashqari bradikardiya) va oʻtkazuvchanlikni buzilishi rivojlanishi mumkin.
Gipokaliyemiyani chaqirishi mumkin boʻlgan vositalar:
Quyidagi dori vositalarni bir vaqtda buyurish tavsiya etilmagan:
– ragʻbatlantiruvchi surgi vositalari gipokaliyemiyani chaqirishi mumkin va shu yoʻl bilan “torsade de pointes” turidagi aritmiyalarni rivojlanish xavfini oshirishi mumkin; boshqa turdagi surgi vositalarini ishlatish kerak.
Kordaron bilan birga quyidagi dori vositalarnni ishlatilganda ehtiyotkorlikka amal qilish kerak:
– Gipokaliyemiyani chaqiruvchi diuretiklar (xam monopreparatlar, xam majmuaviy preparatlar).
– Tizimli kortikosteroidlar (glyuko-, mineralokortikosteroidlar), tetrakozaktid.
Nomaqbul majmualar
– Amfoteritsin B (vena ichiga yuboriladigan).
Gipokaliyemiyani rivojlanishini oldini olish va u yuz bergan hollarda muvofiqlashtirish lozim. QT intervalni nazorat qilish va torsade de pointes turidagi aritmiyalarda antiaritmik vositalarni buyurmaslik kerak (yurak qorinchalarini kardiostimulyatsiyasini boshlash kerak, magniyni vena ichiga yuborish mumkin).
Umumiy anesteziya:
Umumiy anesteziya oʻtkazilgan patsiyentlarda potensial ogʻir asoratlar: bradikardiya (atropinga rezistent boʻlgan), gipotenziya, oʻtkazuvchanlikni buzilishi, yurakdan otilib chiqayotgan qon hajmini oshishini rivojlanishi toʻgʻrisida xabar berilgan.
Juda kam hollarda nafas tizimi tomonidan ogʻir asoratlar (kattalarning oʻtkir respirator distress sindromi), baʼzan, odatda operatsiyadan keyingi davrda darhol yuz beruvchi fatal asoratlar kuzatilgan. Kislorodning yuqori konsentratsiyasi bilan oʻzaro bogʻliqlikni taxmin qilish mumkin.
Amiodaron va/yoki uning metabolitlari, dezetilamiodaron, CYP3A4, CYP2C9, CYP2D6 va P-glikoproteinni ingibitsiya qiladi va ularning subtratlariga taʼsirini oshirishi mumkin. Amiodaronning yairim chiqarilishi davri uzoq boʻlganligi tufayli, oʻzaro taʼsirlar amiodaronni qabul qilish toʻxtatilganidan keyin birnecha oy davomida kuzatilishi mumikn.
- P-glikoprotein (P-gp) ning substratlari
Amiodaron P-gp ning ingibitori hisoblanadi. P-gp ning substratlari bilan bir vaqtda qoʻllanishi ularning taʼsirini oshishiga olib keladi de taxmin qilinadi.
- Digitalis:
Avtomatizmni buzilishi (xaddan tashqari bradikardiya) va atrioventrikulyar oʻtkazuvchanlikni buzilishi (sinergik taʼsir) rivojlanishi mumkin; bundan tashqari, digoksinni klirensini pasayishi oqibatida plazmada digoksinning konsentratsiyasi oshishi mumkin.
EKG ni va plazmada digoksinning darajasini nazorat qilish, va patsiyentlarni, digitalisning toksikligini klinik belgilarni aniqlash yuzasidan kuzatish lozim. Digitalisning terapevtik dozasiga tuzatish kiritish talab etilishi mumkin.
- Dabigatran
Amiodaronni dabigatran bilan bir vaqtda qoʻllanganda, qon keish xavfi tufayli ehtiyotkorlikka amal qilish lozim. Dabigatranning dozasiga, uning koʻrsatmalariga muvofiq tuzatish kiritish talab etilishi mumkin.
- CYP 2C9 ning substratlari
Amiodaron varfarin yoki fenitoin kabi CYP 2C9 ning substratlarini konsentratsiyasini, sitoxrom P450 2C9 ni ingibitsiya qilish hisobiga oshirishi mumkin.
Varfarin
Varfarinni amiodaron bilan majmuada qoʻllanishi peroral antikoagulyantning samarasini oshirib, shu yoʻl bilan qon ketish xavfini oishirishi mumkin. Amiodaron bilan davolanish jarayonida xam va amiodaron bilan davolash tugatilganidan keyin xam protrombin darajasini yanada muntazam nazorat qilish va peroral antikoagulyantlarning dozasiga tuzatish kiritish lozim.
Fenitoin
Fenitoinning amiodaron bilan majmuasi nevrologik koʻrinishlar bilan kechuvchi fenitoinning dozasini oshirib yuborilishiga olib kelishi mumikn. Klinik monitoring oʻtkazish va fenitoinning dozasini pasaytirish kerak, va dozani oshirib yuborilishi belgilari paydo boʻlishi bilanoq, fenitoinning plazmadagi darajasini aniqlash kerak.
- CYP2D6 ning substratlari
Flekainid
Amiodaron sitoxrom CYP 2D6 ni ingibitsiya qilish yoʻli bilan flekainidning plazmadagi konsentratsiyasini oshiradi.
- CYP P450 3A4 ning substratlari
Dori vositalari amiodaron, CYP 3A4 ning ingibitori bilan bir vaqtda buyurilsa, unda bu ularning plazmadagi darajasini oshishiga olib kelishi mumkin, bu ehtimol ularning toksikligini oshishini chaqirishi mumkin:
- Siklosporin: uni amiodaron bilan majmuada qoʻllanishi siklosporinning plazmadagi darajasini oshirishi mumkin, shuning uchun dozaga tuzatish kiritish lozim.
- Fentanil: uni amiodaron bilan majmuada qoʻllanishi fentanilning farmakologik samaralarini oshirishi va uning toksiklik xavfini oshirishi mumkin.
- Statinlar. Amiodaronni CYP3A4 yordamida metabolizmga uchraydigan simvastatin, atorvastatin va lovastatin kabi statinlar bilan birga qoʻllanganda, mushaklar uchun toksiklik xavfi oshadi.
- CYP3A4 yordamida metabolizmga uchraydigan boshqa dori vositalar: lidokain, takrolimus, sildenafil, midazolam, triazolam, digidroergotamin, ergotamin, kolxitsin.
Manfiy inotrop taʼsirga ega boʻlgan, bradikadiyani chaqiruvchi va/yoki AV-tugunni susaytiruvchi dori vositalar: klinik koʻrinishlarni va EKG ni monitorinigini oʻtkazish lozim.
Turli guruhlarga mansub antiaritmik dori vositalar: ularni ishlatilishi foydali boʻlishi mumkin, lekin sinchkov monitoringni va EKG tekshirishni talab etadi.
CYP3A4 ingibitorlari va CYP2C8 ingibitorlari amiodaronning metabolizmini potensial ingibitsiya qilishi va uning taʼsirini kuchaytirishi mumkin.
Amiodaron bilan davolanishda CYP3A4 ingibitorlarini (masalan, greypfrut sharbati va ayrim dori vositalar, masalan klaritromitsinni) qabul qilishdan saqlanish tavsiya etiladi.
Maxsus koʻrsatmalar
Yurakdagi samaralar
Davolash boshlanishidan oldin EKG oʻtkazish kerak.
- Keksa bemorlarda yurak qisqarishlari soni yanada yaqqolroq pasayishi mumkin.
- Amiodaronning farmakologik taʼsiri EKG da oʻzgarishlar chiqaradi: U toʻlqinini paydo boʻlish ehtimoli bilan kechuvchi QT intervalini uzayishi (repolyarizatsiyani choʻzilishi tufayli): bu oʻzgarishlar zaharlilikni emas, balki terapevtik toʻyinishning natijasidir.
- 2-chi va 3-chi darajali atrioventrikulyar blokada, sinoatrial blokada yoki ikkita tutam blokadasi yuz bergan hollarda preparat bekor qilinishi lozim.
1-chi darajali atrioventrikulyar blokada yuz bergan hollarda kuzatuvni kuchaytirish kerak.
- Ritm buzilishlarining yangi turlarini yuz berishi yoki ilgari boʻlgan buzilishlarni ogʻirlashishi toʻgʻrisida maʼlumotlar mavjud (Nojoʻya taʼsiri ga qarang).
- Amiodaronning aritmogen samarasi kuchsiz boʻlib, koʻpchilik antiaritmik preparatlardan kamroq, va odatda ayrim dori vositalari bilan majmuada namoyon boʻladi (Boshqa dori vositalari bilan oʻzaro taʼsiri va oʻzaro taʼsirining boshqa shakllariga ga qarang) yoki elektrolit balansi buzilishlarida yuz beradi.
Qalqonsimon bezi tomonidan simptomlar
- Amiodaron yod saqlaydi va shuning uchun u qalqonsimon bezining faoliyatini baholash uchun ishlatiladigan ayrim sinamalarning natijalariga taʼsir qilishi mumkin (radioaktiv yodni bogʻlanishi, PBI). Qalqonsimon bezining faoliyatini qondagi gormonlar (T3, T4, TTG) darajasini aniqlash yordamida nazorat qilish mumkin.
- Amiodaron qalqonsimon bezining faoliyatini, ayniqsa anamnezda qalqonsimon bezining disfunksiyasi boʻlgan bemorlarda buzilishini chiqarishi mumkin. Shuning uchun davolashni boshlashgacha, soʻngra esa muntazam (masalan, har 6 oyda) davolash davomida va davolash tugaganidan keyin birnecha oy oʻtgach, qon zardobida TTG darajasini aniqlashni oʻtkazish kerak (Nojoʻya taʼsiriga qarang).
Oʻpkadagi simptomlar
Dispnoe xurujlari yoki quruq yoʻtal oʻpkadagi zaharlilik bilan, masalan interstitsial pnevmonitni rivojlanishi bilan bogʻliq boʻlishi mumkin.
Jismoniy zoʻriqishdan keyin yagona simptom sifatida yoki patsiyentning umumiy ahvolini yomonlashishi (toliqish, tana vaznini yoʻqotilishi va isitma) fonida dispnoe epizodlari kuzatilgan patsiyentlarda koʻkrak qafasining flyuorografik tekshiruvini oʻtkazish kerak. Amiodaron bilan davolashni davom ettirish maqsadga muvofiqligini koʻrib chiqish lozim, chunki interstitsial pnevmonit amiodaronni erta bekor qilinganda doimo qaytuvchandir (klinik simptomlar 3-4 hafta davomida tuzaladi, radiologik oʻzgarishlar va oʻpka faoliyatini yaxshilanishi birnecha oydan keyin kuzatiladi). Kortikosteroidlarni qoʻllash mumiknligini baholash kerak.
Juda kam hollarda ogʻir respirator asoratlar, baʼzida, odatda jarrohlik aralashuvidan keyin oʻlim bilan yakunlangan holatlar (kattalarda oʻtkir nafas yetishmovchiligi sindromi) aniqlangan. Bu asoratlar kislorodning yuqori konsentratsiyasi bogʻliq oʻzaro taʼsirlar tufayli rivojlanishi mumkin.
Jigar simptomlari
Amiodaron bilan davolashning boshida va davolash jarayonida jigar faoliyatini muntazam nazorat qilish tavsiya qilinadi (Nojoʻya taʼsiriga qarang).
Peroral terapiyada jigar faoliyatini oʻtkir (ogʻir jigar-xujayralari jigar yetishmovchiligi yoki baʼzan oʻlim bilan yakunlanuvchi jigarni shikastlanishi) yoki jigar faoliyatini surunkali buzilishlari rivojlanishi mumkin; shu boisdan amiodaronning dozasini pasaytirish yoki agar transaminazalar darajasi normadan 3 martadan ortiq yuqori boʻlsa, preparat bilan davolashni toʻxtatish tavsiya etiladi.
Surunkali jigar yetishmovchiligining klinik va biologik simptomlari darajasi boʻyicha yengil boʻlishi (jigarni kattalashishi, transaminazalar darajasini normadan 5 martadan ortiq oshishi) va preparat bilan davolash bekor qilinganda qaytuvchan boʻlishi aniqlangan, biroq shuningdek oʻlim bilan yakunlangan holatlar toʻgʻrisida xam xabar berilgan.
Nerv-mushak simptomlari
Amiodaron sensor, motor yoki aralash periferik neyropatiyalar va miopatiyalarni chaqirishi mumkin (Nojoʻya taʼsiriga qarang). Simptomlarni yoʻqolishi amiodaron bilan davolash bekor qilingandan keyin odatda birnecha oy davomida kuzatiladi, biroq ayrim simptomlar vaqti-vaqti bilan yana namoyon boʻlishi mumkin.
Oftalmologik simptomlari
Koʻrishni xiralashishida yoki koʻrish oʻtkirligini pasayishi yuz berganida darhol toʻliq oftalmologik koʻruvni, shu jumladan koʻz tubini koʻruvini oʻtkazish kerak. Amiodaron tomonidan chaqirilgan neyropatiya yoki koʻz nervining nevriti rivojlangan hollarda preparatni bekor qilish kerak, chunki koʻr boʻlib qolish ehtimoli bor (Nojoʻya taʼsiriga qarang).
Majmualar (Kombinatsiyalar) (Boshqa dori vositalari bilan oʻzaro taʼsiri va oʻzaro taʼsirning boshqa shakllari ga qarang):
- beta-adrenoretseptorlarining blokatorlari, sotaloldan (qoʻllash mumkin boʻlmagan majmua) va esmololdan tashqari (qoʻllaganda ehtiyotkorlikni talab qiluvchi majmua);
- verapamil va diltiazem faqat hayot uchun xavf tugʻdiruvchi yurak qorinchasi aritmiyalarini oldini olishda ishlatilishi mumkin.
Preparat laktoza saqlaganligi tufayli, uni tugʻma galaktozemiya, glyukoza va galaktozani malabsorbsiya sindromi yoki laktaza tanqisligi bilan xastalangan bemorlarda qoʻllash mumkin emas.
Nojoʻya taʼsirlari (Nojoʻya taʼsiriga qarang), odatda dozaga bogʻliq boʻladi, shuning uchun minimao samarali terapevtik dozani qoʻllash kerak. Patsiyentlarni quyosh nuridan saqlanish lozimligi va davolanish davrida quyosh nuridan himoyalanish yuzasidan choralarni qoʻllash toʻgʻrisida xabardor qilish kerak (Nojoʻya taʼsiriga qarang).
Klinik holatni monitoringi (Maxsus koʻrsatmalar va qoʻllashdagi ehtiyotkorliklar va Nojoʻya taʼsiri boʻlimlariga qarang).
Amiodaronni qabul qilishni boshlashdan oldin EKG olish va zardobda kaliy darajasini aniqlash tavsiya qilinadi.
Davolash jarayonida transaminazalar darajasini va EKG monitoringini oʻtkazish tavsiya qilinadi.
Bundan tashqari, amiodaron, ayniqsa anamnezida qalqonsimon bezi faoliyatini buzilishlari boʻlgan patsiyentlarda gipotireozga yoki gipertireozga olib kelishi mumkinligi tufayli, amiodaronni qoʻllashdan oldin klinik va biologik monitoringni (TTG) boshlash tavsiya qilinadi. Ushbu monitoringni davolash jarayonida va u toʻxtatilganidan keyin birnecha oy davomida davom ettirish kerak. Qalqonsimon bezi faoliyatini buzilishlariga shubha tugʻilganda zardobda TTG darajasini oʻlchash kerak.
Yurak defibrillyatsiyasini va/yoki ritm yurgizuvchisini stimulyatsiya boʻsagʻasini yoki preparatning samaradorligiga, ayniqsa aritmiyaga qarshi vositalarni uzoq muddat davomida qoʻllanganda potensial taʼsir qiluvchi imlantatsiya qilingan yurakning elektr defibrillyatorining stimulyatsiya boʻsagʻasini oshishi hollari haqida xabar berilgan. Shu boisdan amiodaron bilan davolashni boshlashdan oldin va davolanish vaqtida ishalatilayotgan qurilmalarning ishini vaqti-vaqti bilan tekshiruvini oʻtkazib turish kerak.
Qalqonsimon bez kasalliklari (Nojoʻya taʼsiri ga qarang).
Amiodaron yod saqlaydi va shuning uchun radioyodni qabul qilishga taʼsir qilishi mumkin. Shunday boʻlsada, qalqonsimon bez faoliyatining sinamalarini natijalari (erkin T3, erkin T4, TTG) tahlili qilish mumkin boʻlgan darajada qoladi. Amiodaron periferik toʻqimalarda tiroksinni (T4) triyodtironinga (T3) konversiyasini ingibitsiya qiladi va qalqonsimon bez faoliyati normal boʻlgan patsiyentlarda lokal biokimyoviy oʻzgarishlarni (erkin T3 darajasini biroz pasayishi yoki xatto normada qolishi fonida erkin T4 darajasini oshishini) chaqirishi mumkin. Shunga oʻxshash holatlar amiodaron bilan davolashni bekor qilishni talab etmaydi. Gipotireozga shubha tugʻilishi uchun quyidagi klinik simptomlarni: tana vaznini oshishi, sovuqni koʻtara olmaslik, faollikni pasayishi, xaddan tashqari bradikardiyani rivojlanishi asos boʻlib xizmat qiladi. Tashhis zardobda TTG darajasini yaqqo oshishi bilan tasdiqlanadi. Qalqonsimon bez faoliyatini normagacha tiklanishi odatda davolash bekor qilinganidan keyin 1-3 oy davomida yuz beradi. Hayot uchun xavfli boʻlan holatlarda amiodaron bilan davolash L-tiroksinni qabul qilinishi bilan birga davom ettirilishi mumkin. L-tiroksinning dozasiga TTG darajasiga muvofiq tuzatish kiritiladi.
Pediatrik patsiyentlar
Amiodaronning samaradorligi va xavfsizligi bolalarda aniqlanmagan, shuning uchun preparatni pediatrik patsiyentlargda qoʻllash tavsiya etilmaydi. Hozirgi vaqtda mavjud boʻlgan maʼlumotlar Farmakodinamika va Farmakokinetikasi boʻlimlarida keltirilgan.
Anesteziya (Boshqa dori vositalari bilan oʻzaro taʼsiri va oʻzaro taʼsirning boshqa shakllari va Nojoʻya taʼsiri ga qarang).
Jarrohlik operatsiyasi oldidan patsiyent amiodaron qabul qilayotgani toʻgʻrisida anesteziologni xabardor qilish kerak.
Dori vositasi laktoza monogidrati (71 mg) saqlaydi. Preparatni laktozani nasliy oʻzlashtirolmasligi, galaktozani oʻzlashtirolmasligi yoki glyukoza-galaktozni soʻrilishini buzilishi boʻlgan patsiyentlar qabul qilmasliklari kerak.
Homiladorlik va emizish
Homiladorlik
Hayvonlarda oʻtkazilgan tadqiqotlarda preparat ayrim hayvon turlarida fetotoksik samaraga ega boʻlgan. Amiodaronni homiladorlikning 2-chi va 3-chi uch oyliklarida, ayniqsa tugʻruq oldidan qabul qilish quyidagi xavf bilan bogʻliqdir; preparat yangi tugʻilgan chaqaloqlarda bradikardiyani, QT intervalini uzayishini chaqirishi mumikn va homilada qalqonsimon bez faoliyatini izdan chiqaradi. Shu boisdan homiladorlik vaqtida amiodaron davolash, ayrim holatlar (foyda xavfdan ustun boʻlgan holatlar) dan tashqari hollarda mumkin emas.
Emizish
Amiodaron ancha sezilarli miqdorlarda koʻkrak sutiga kelib tushadi, shuning uchun preparatni emizish davrida qoʻllash mumkin emas.
Fertillik
Insonlarda fertillikka taʼsiri yuzasidan maʼlumotlar yoʻq.
Transport vositalari yoki boshqa mexanizmlarni boshqarish qobiliyatiga taʼsiri
Transport vositalari yoki boshqa mexanizmlarni boshqarish qobiliyati amodaronni qabul qilish natijasida koʻrish aʼzosi tomonidan buzilishlar yuz bergan hollarda yomonlashishi mumkin.
Dozani oshirib yuborilishi
Dori vositasining dozasi oshirib yuborilgan hollarda darhol shifokorga yoki tez yordam boʻlimiga murojaat qiling!
Amiodaronning yuqori dozalarini qabul qilish boʻyicha maʼlumotlar kam. Sinusli bradikardiyaning, yurak qorinchalari taxikardiyasining bir necha hollari, xususan “piruyet” turi qorinchalar taxikardiyasi va jigarni shikastlanishi taʼriflangan. Davolash simptomatik boʻlishi kerak. Preparatning farmakokinetik profilini xisobga olib, bemorning holatini yetarlicha uzoq vaqt davomida nazorat qilish tavsiya etiladi, ayniqsa yurak ritmini monitoringi muxim. Na aminodaron, na uning metabolitlari dializ davomida yoʻqotilmaydi.
Chiqarilish shakli
10 boʻlinuvchi tabletkadan PVX/alyuminiy blisterda, 3 blisterdan qoʻllash boʻyicha yoʻriqnomasi bilan birga karton qutida.
Saqlash sharoiti
+30° S dan past xaroratda saqlansin.
Bolalar olaolmaydigan joyda saqlansin.
Yaroqlilik muddati
3 yil.
Oʻramida koʻrsatilgan yaroqlilik muddati oʻtganidan soʻng ishlatilmasin.
Dorixonalardan berish tartibi
Retsept boʻyicha.
Mavzuga aloqador
Kordaron eritma