QOʻLLASH BOʻYICHA YOʻRIQNOMA
VALODIP
Валодип инструкция
VALODIP
Preparatning savdo nomi: Valodip.
Taʼsir etuvchi modda (XPN): amlodipin + valsartan
Dori shakli: plyonka qobiq bilan qoplangan tabletkalar
Tarkibi:
Taʼsir etuvchi moddalar:
1 tabletka 5 mg+80 mg: 5 mg amlodipin (amlodipin besilat) va 80 mg valsartan.
1 tabletka 5 mg+160 mg: 5 mg amlodipin (amlodipin besilat) va 160 mg valsartan.
1 tabletka 10 mg+160 mg: 10 mg amlodipin (amlodipin besilat) va 160 mg valsartan.
Yordamchi moddalar: mikrokristall sellyuloza, mannitol, magniy stearati, kolloid kremniy dioksidi.
Plyonka qobiq: opadray II oq, temir II oksidi boʻyovchisi Ye172.
Taʼrifi:
5 mg+80 mg li tabletkalar: dumaloq, ikki yoqlama biroz qavariq, toʻq dogʻlari boʻlishi mumkin boʻlgan jigarrangroq-sariq rangli plyonka qobiq bilan qoplangan, faskali tabletkalar.
5 mg+160 mg li tabletkalar: oval, ikki yoqlama qavariq, toʻq dogʻlari boʻlishi mumkin boʻlgan jigarrangroq-sariq rangli plyonka qobiq bilan qoplangan tabletkalar.
10 mg+160 mg li tabletkalar: oval, ikki yoqlama qavariq, jigarrangroq-sariq rangli plyonka qobiq bilan qoplangan tabletkalar.
Farmakoterapevtik guruhi: majmuaviy gipotenziv vosita (“sekin” kalsiy kanallarning blokatori + angiotenzin II retseptorlarining antagonisti).
ATX kodi: S09DB01.
Farmakologik xususiyatlari
Arterial bosimni (AB) nazorat qilish boʻyicha bir birini toʻldiruvchi mexanizmga ega ikki faol moddani saqlovchi majmuaviy gipotenziv preparat. Amlodipin, digidropiridinning hosilasi, “sekin” kalsiy kanallarining blokatorlari sinfiga, valsartan – angiotenzin II retseptorlarining antagonistlari sinfiga kiradi. Bu komponentlarning majmuasi oʻzaro toʻldiruvchi gipotenziv taʼsirga ega, bu ular alohida qoʻllangandagi AB ga nisbatan, AB ni yaqqolroq pasayishiga olib keladi.
Farmakodinamikasi
Amlodipin/Valsartan
Amlodipin va valsartan majmuasi additiv va terapevtik dozalar diapozonida AB ni dozaga bogʻliq pasaytiradi. Amlodipin/valsartan majmuasining bir dozasi qabul qilinganda gipotenziv samara 24 soat davomida saqlanadi.
Asoratlarsiz yumshoq va oʻrtacha arterial gipertenziyasi (oʻrtacha diastolik AB (DAB)
≥95 mm sim. ust. va <110 mm sim. ust.) boʻlgan patsiyentlarda, amlodipin/valsartan majmuasining platseboga nisbatan klinik samaradorligi isbotlangan.
DAB) ≥110 mm sim. ust. va <120 mm sim. ust. boʻlgan arterial gipertenziyada “oʻtirgan” holatdagi AB ni pasayishi, angiotenzinga aylantiruvchi ferment (AAF) ingibitori va tiazid diuretik majmuasini qoʻllangandagi bilan bir hil boʻlgan.
Gipotenziv samara uzoq muddat saqlanadi. Preparatni qabul qilishni birdan toʻxtatish, AB ni keskin oshishi bilan birga kechmaydi (“bekor qilish” sindromi yoʻq).
Terapevtik samara patsiyentining yoshiga, jinsiga va tana vazni indeksiga bogʻliq emas.
Amlodipin/valsartan bilan majmuaviy davolash oʻtkazilganda, ilgari amlodipin bilan davolash fonida ABni ilgari erishilgan nazorati va yaqqol periferik shishlari boʻlgan patsiyentlarda periferik shishlarni kamroq rivojlanish ehtimoli bilan birga arterial bosimni qiyosiy nazoratiga erishiladi.
Amlodipin
Amlodipin – digidropiridin hosilasi, SKKB, antianginal va gipotenziv taʼsir koʻrsatadi. Kardiomiotsitlar va qon tomirlarining silliq mushak xujayralariga kalsiy ionlarinni membranalar orqali kirishini ingibitsiya qiladi. Amlodipinning gipotenziv taʼsir mexanizmi qon tomirlarining silliq mushaklariga bevosita boʻshashtiruvchi taʼsiri bilan bogʻliq, bu periferik qon tomirlar qarshiligi (UPQTQ) va AB ni pasayishiga olib keladi.
Amlodipin terapevtik dozalarda arterial gipertenziyasi boʻlgan patsiyentlarda qon tomirlarini kengayishini chaqiradi, bu AB ni pasayishiga olib keladi (“yotgan” va “turgan” xolatlarda). Amlodipin davomli qoʻllangandagi AB ni pasayishi yurak qisqarishlari sonini (YUQS) va qon plazmasida katexolaminlarning konsentratsiyasini jiddiy oʻzgarishlari bilan kechmaydi.
Qon plazmasidagi amlodipinning konsentratsiyasi yosh patsiyentlarda ham, keksa yoshli patsiyentlarda ham, klinik samaraga mos keladi.
Buyrak faoliyati normal boʻlgan arterial gipertenziyasi boʻlgan patsiyentlarda amlodipin terapevtik dozalarda, buyrak qon tomirlarining qarshiligini kamayishiga va kalava filtratsiyasi tezligini oshishiga va filtratsion fraksiyani oʻzgarishisiz yoki proteinuriyasiz samarali buyrak qon oqimiga olib keladi.
Amlodipin, boshqa SKKB kabi, yurakning chap qorinchasi (CHQ) faoliyati normal boʻlgan patsiyentlarda tinch holatda va jismoniy yuklamada (yoki ragʻbatlantirishda) yurak faoliyatining gemodinamik koʻrsatkichlarini oʻzgarishini: CHQ (dP / dt) bosimni oshishini maksimal tezligiga yoki yakuniy diastoik bosimga (CHQ YADB) yoki SQ yakuniy diastolik xajmga (CHQ YADX) axamiyatli taʼsir qilmay, yurak indeksini ahamiyatsiz oshishini chaqiradi. Amlodipinni terapevtik dozalar doirasida qoʻllash, xatto beta-adrenoblokatorlar bilan bir vaqtda qoʻllanganida ham, manfiy inotrop samara chaqiradi.
Amlodipin intakt xayvonlar va odamlarda sinoatrial tugun faoliyatini yoki atrioventrikulyar oʻtkazuvchanlikni oʻzgartirmaydi. Arterial gipertenziyasi yoki stenokardiyasi boʻlgan patsiyentlarda amlodipinni beta-adrenoblokatorlar bilan qoʻllash EKG da noxush oʻzgarishlar bilan birga kechmagan.
Stabil zoʻriqish stenokardiyasi, vazospastik stenokardiyasi va koronar arteriyalarning angiografik tasdiqlangan shikastlanishi boʻlgan patsiyentlarda amlodipinning klinik samaradorligi isbotlangan.
Valsartan
Valsartan ichga qabul qilish uchun, oqsil tabiatga ega boʻlmagan angiotenzin II retseptorlarning (AT1 tur) selektiv antagonisti xisoblanadi.
Angiotenzin II ning samaralariga javobgar boʻlgan AT1 kichik tur retseptorilarni tanlab bloklaydi. Valsartan taʼsiri ostidagi AT1 retseptorlarning blokadasi oqibatida angiotenzin II ning konsentratsiyasini oshishi, bloklanmagan AT2 kichik tur retseptorlarini ragʻbatlantirishi mumkin, ular AT1 retseptorlar ragʻbatlantirilgandagi samaralarga qarshi taʼsir qiladi. Valsartan AT1 retseptorlarga nisbatan agonistik faollikka ega emas, Valsartinning AT1 kichik tur retseptorlariga yaqinligi, AT2 kichik tur retseptorlariga nisbatan 20 000 marta yuqoridir.
Valsartan shuningdek kinaza II sifatida maʼlum boʻlgan AAF ni ingibitsiya qilmaydi, u angiotenzin I ni angiotenzin II ga aylanishini oldini oladi va bradikininni parchalaydi. AAF ga taʼsiri yoʻqligi tufayli, bradikininning yoki R substansiyasining samaralari potensiyalanmaydi, shuning uchun angiotenzin II retseptorlarining antagonistlari qabul qilinganda quruq yoʻtal rivojlanishining ehtimoli kam. Valsartan bilan davolashda quruq yoʻtal rivojlanishining tez-tezligi, AAF ingibitorlarini qoʻllash bilan solishtirilganda sezilarli darajada pastligi isbotlangan. Valsartan yurak-qon tomir tizimining faoliyatini boshqarilishida ishtirok etuvchi boshqa gormonlarning retseptorlari yoki ionli kanallar bilan oʻzaro taʼsirga kirishmaydi va bloklamaydi.
Arterial gipertenziyada valsartan YUQS ga taʼsir qilmay, AB ni pasaytiradi.
Valsartanning bir martalik dozasi ichga qabul qilinganidan keyin gipotenziv samara 2 soat davomida rivojlanadi, AB ni maksimal pasayishiga esa, 4-6 soat davomida erishiladi.
Valsartanning gipotenziv samarasi u qabul qilinganidan keyin 24 soat davomida saqlanadi. Valsartan takroriy qabul qilinganda AB ni maksimal pasayishiga, dozadan qatʼiy nazar, 2-4 hafta oʻtgach erishiladi va uzoq muddatli davolash davomida erishilgan darajada tutib turiladi. Valsartanni qabul qilishni birdan toʻxtatish AB ni axamiyatli oshishi yoki boshqa noxush koʻrinishlar (“bekor qilish” sindromi) bilan birga kechmaydi.
Farmakokinetikasi
Toʻgʻri proporsionallik
Amlodipin va valsartanning farmakokinetikasi toʻgʻri proporsionallik bilan xarakterlanadi.
Amlodipin/Valsartan
Amlodipin/valsartan majmuasi ichga qabul qilingandan keyin qon plazmasidagi valsartan va amlodipinning maksimal konsentratsiyasi (Smax) ga muvofiq 3 soat va 6-8 soat oʻtgach erishiladi. Soʻrilish tezligi va darajasi, ularning xar biri alohida qabul qilingandagi valsartan va amlodipinning biokiraolishligiga ekvivalentdir.
Amlodipin
Soʻrilishi: ichga qabul qilingandan keyin amlodipin meʼda-ichak yoʻllaridan (MIY) sekin soʻriladi. Smax ga 6-12 soat oʻtgach erishiladi. Mutloq biokiraolishligi 64-80% ni tashkil qiladi. Biokiraolishi ovqat qabul qilishga bogʻliq emas.
Taqsimlanishi: taqsimlanish hajmi taxminan 21 l/kg ni tashkil qiladi. In vitro maʼlumotlar boʻyicha: qon plazmasi oqsillari bilan bogʻlanishi 97,5% ni tashkil qiladi.
Biotransformatsiyasi: amlodipin jigarda nofaol metabolitlarini hosil boʻlishi bilan jadal (taxminan 90%) metabolizmga uchraydi.
Chiqarilishi: amlodipin qon plazmasidan yarim chiqrilishining (T1/2) 30 dan 50 soatgacha terminal davri bilan, ikki bosqichda chiqariladi. Qon plazmasidagi muvozanat konsentratsiyasiga ichga davomli qoʻllangandan keyin 7-8 kun davomida erishiladi. 10% oʻzgarmagan amlodipin va 60% amlodipin metabolitlari koʻrinishida buyrak orqali chiqariladi.
Valsartan
Soʻrilishi: valsartan ichga qabul qilingandan keyin Smax ga 24 soat oʻtgach erishiladi. Oʻrtacha mutloq biokiraolishligi 23% ni tashkil qiladi. Valsartan ovqat bilan qabul qilinganda biokiraolishini (“konsentratsiya-vaqt” egri chizigʻi ostidagi maydon qiymati boʻyicha (AUC)) taxminan 40% ga, Smax esa – taxminan 50% ga pasayishi aniqlanadi. Ichga qabul qilingandan keyin taxminan 8 soat oʻtgach, valsartanning plazmadagi konsentratsiyalari, ovqat bilan qabul qilgan patsiyentlar guruxida va och qoringa qabul qilgan guruxda tenglashadi. AUC ni kamayishi klinik ahamiyatli xisoblanmaydi, shuning uchun valsartanni ovqat qabul qilishdan qatʼiy nazar qabul qilish mumkin.
Taqsimlanishi: vena ichiga yuborilgandan keyin muvozanat holati davridagi valsartanning taqsimlanish hajmi taxminan 17 soatni tashkil qiladi, bu valsartanni toʻqimalarda ekstensiv taqsimlanmasligini koʻrsatadi. Valsartan qon plazmasi oqsillari sezilarli darajada (94-97%) bilan, asosan zardob albumini bilan bogʻlanadi.
Biotransformatsiyasi: valsartan yaqqol metabolizmga uchramaydi. Qabul qilingan dozaning faqatgina 20% qon plazmasida metabolitlari koʻrinishida aniqlanadi. Gidroksilli metaboliti qon plazmasida past konsentratsiyalarda aniqlanadi (valsartan AUC 10% dan kamroq). Bu metabolit farmakologik faol emas.
Chiqarilishi: valsartan ikki fazada chiqariladi: 1 soatdan kamroq yarim chiqarilish (T1/2a) davri bilan ά-faza va T1/2β) – taxminan 9 soat bilan β-faza. Valsartan asosan oʻzgarmagan holda safro bilan ichak orqali (taxminan 83%) va buyrak orqali (taxminan 13%) chiqariladi. Vena ichiga yuborilgandan keyin, valsartanning plazma klirensi taxminan
2 l/soat ni tashkil qiladi va uning buyrak klirensi 0,62 l/soat ni tashkil qiladi (umumiy klirensdan taxminan 30%). Valsartanning T1/2 6 soatni tashkil qiladi.
Alohida guruh patsiyentlaridagi farmakokinetikasi
Bolalar (18 yoshgacha boʻlgan)
Bu guruh patsiyentlarda preparatni qoʻllash boʻyicha farmakokinetik maʼlumotlar yoʻq.
Keksa yoshli (65 yoshdan oshgan) patsiyentlar
Yosh patsiyentlar va keksa yoshli patsiyentlarda qon plazmasida amlodipinning Smax (TSmax) ga erishish vaqti bir xil. Keksa yoshli patsiyentlarda amlodipinning klirensi pasayish moyilligiga ega, bu AUC va T1/2 ni oshishiga olib keladi.
Keksa yoshli patsiyentlarda valsartanning tizimli taʼsirining oʻrtacha qiymati (AUC), yosh patsiyentlarga nisbatan 70% ga ortiq, shuning uchun dozani oshirishda ehtiyotkorlik talab etiladi.
Buyrak faoliyatini buzilishi
Buyrak yetishmovchiligi boʻlgan patsiyentlarda farmakokinetik parametrlar oʻzgarmaydi. Valsartanning buyrak klirensi qon plazmasidagi umumiy kliriyensining bor-yoʻgʻi taxminan 30% ni tashkil qiladi, shuning uchun buyrak faoliyati va valsartanning tizimli taʼsiri (AUC qiymati boʻyicha) orasida korrelyatsiya aniqlanmagan.
Buyrak faoliyatini yengil va oʻrtacha darajada buzilishlari (kreatinin klirensi (KK) minutiga 30-50 ml) boʻlgan patsiyentlarda boshlangʻich dozani oʻzgartirish talab etilmayli.
Jigar faoliyatini buzilishi
Jigar faoliyatini buzilishi boʻlgan patsiyentlarda preparatni qoʻllash tajribasi cheklangan. Jigar faoliyatini buzilishi boʻlgan patsiyentlar amlodipinning past klirensiga ega boʻladilar, bu AUC ni taxminan 40-60% olib keladi. Oʻrtacha, jigar faoliyatini yengil (Chayld-Pyu shkalasi boʻyicha 5-6 ball) va oʻrtacha (Chayld-Pyu shkalasi boʻyicha 7-9 ball) buzilishi boʻlgan patsiyentlarda, muvofiq yosh, jins va tana vazni boʻlgan sogʻlom koʻngillilarga nisbatan valsartanning biokiraolish darajasi (AUC qiymati boʻyicha) ikki marta yuqori boʻladi.
Qoʻllanilishi
Arterial gipertenziya (majmuaviy davolash koʻrsatilgan patsiyentlarda).
Qoʻllash usuli va dozalari
Ichga, oz miqdordagi suv bilan birga, ovqat qabul qilishdan qatʼiy nazar, sutkada 1 marta qabul qilinadi.
Tavsiya etiladigan sutkalik doza – Valodip preparatining 5/80 mg, 5/160 mg yoki 10/160 mg amlodipin/valsartan majmuasini saqlovchi 1 tabletkasini tashkil etadi.
Valodip preparatini qabul qilishni sutkada 1 marta 5/80 mg dozadan boshlash lozim. Dozani davolash boshlangandan keyin 1-2 hafta oʻtgach oshirish mumkin.
Maksimal sutkalik doza – 5/320 mg (valsartanga qayta hisoblaganda) yoki 10/160 mg (amlodipinga qayta hisoblaganda) yoki 10/320 mg.
Alohida guruh patsiyentlari:
Amlodipin
Buyrak faoliyatini buzilishi boʻlgan patsiyentlar: dozaga tuzatish kiritish talab etilmaydi.
Jigar faoliyatini buzilishi boʻlgan patsiyentlar: ehtiyotkorlik bilan qoʻllash kerak.
Keksa yoshli patsiyentlar: dozani oshirishda ehtiyotkorlik talab etiladi.
Valsartan
Buyrak faoliyatini buzilishi boʻlgan patsiyentlar: buyraklar faoliyatini buzilishi (KK ≥30 ml/min) boʻlgan patsiyentlarda boshlangʻich dozaga tuzatish kiritish talab etilmaydi.
Jigar faoliyatini buzilishi boʻlgan patsiyentlar: valsartanni ogʻir jigar yetishmovchiligi, biliar sirrozi va xolestazi boʻlgan patsiyentlarda qoʻllash mumkin emas. Yengil va oʻrtacha ogʻirlik darajasidagi jigar yetishmovchiligida valsartanning maksimal sutkalik dozasi – 80 mg ni tashkil etadi. 5/160 mg, 10/160 mg va 10/320 mg dozadagi Valodip preparatini qoʻllash mumkin emas.
Keksa yoshli patsiyentlar: dozaga tuzatish kiritish talab etilmaydi.
Nojoʻya taʼsirlari
Jaxon sogʻliqni saqlash tashkilotining (JSST) nojoʻya samaralar rivojlanishi tez-tezligining tasnifi:
juda tez-tez ≥1/10
tez-tez ≥1/100 dan <1/10 gacha
tez-tez emas ≥1/1000 dan <1/100 gacha
kam hollarda ≥1/10000 dan <1/1000 gacha
juda kam hollarda <1/10000 dan boshlab
tez-tezligi nomaʼlum mavjud boʻlgan maʼlumotlar asosida aniqlash mumkin emas
Valodip preparati
Infeksion va parazitar kasalliklar:
tez-tez: nazofaringit, gripp.
Immun tizimi tomonidan buzilishlar:
Kam hollarda: oʻta yuqori sezuvchanlik.
Moddalar almashinuvi va ovqatlanish tomonidan:
tez-tez: gipokaliyemiya.
tez-tez emas: anoreksiya, giperkalsiyemiya, giperlipidemiya, giperurikemiya, giponatriyemiya.
Ruxiyatni buzilishi:
kam hollarda: xovotirlik.
Nerv tizimi tomonidan buzilishlar:
tez-tez: bosh ogʻrigʻi.
tez-tez emas: koordinatsiyani buzilishi, bosh aylanishi, postural bosh aylanishi, parasteziya, uyquchanlik.
Koʻrish aʼzosi tomonidan buzilishlar:
tez-tez emas: koʻrishni yomonlashishi.
kam hollarda: koʻrishni buzilishi.
Eshitish aʼzosi tomonidan buzilishlar va labirint buzilishlari:
tez-tez emas: vertigo.
kam hollarda: quloqlarni shangʻillashi.
Yurak tomonidan buzilishlar:
tez-tez emas: yurak urishini his qilish, taxikardiya.
kam hollarda: xushdan ketish.
Qon tomirlari tomonidan buzilishlar:
tez-tez emas: ortostatik gipotenziya.
kam hollarda: AB ni yaqqol pasayishi.
Nafas tizimi, koʻkrak fafasi va koʻks oraligʻi aʼzolari tomonidan buzilishlar:
tez-tez emas: yoʻtal, tomoq va xalqumda ogʻriq.
Ovqat hazm qilish tizimi tomonidan buzilishlar:
tez-tez emas: diareya, koʻngil aynishi, qorinda noqulaylik xissi, qorinning yuqori qismida ogʻriq, qabziyat, ogʻiz boʻshligʻi shilliq qavatini quruqligi.
Teri va teri osti toʻqimalari tomonidan buzilishlar:
tez-tez emas: eritema, teri toshmasi.
Kam hollarda: ekzantema, gipergidroz, terini qichishishi.
Skelet-mushak va biriktiruvchi toʻqima tomonidan buzilishlar:
tez-tez emas: artralgiya, belda ogʻriq, boʻgʻimlarni shishi.
Kam hollarda: mushak spazmlari, butun tanada ogʻirlik xissi.
Buyrak va siydik chiqarish yoʻllari tomonidan buzilishlar:
Kam hollarda: pollakiuriya, poliuriya.
Jinsiy aʼzolar va sut bezlari tomonidan buzilishlar:
Kam hollarda: erektil disfunksiya.
Umumiy buzilishlar va yuborish joyidagi buzilishlar:
tez-tez: asteniya, yuqori charchoqlik, yuzni shishi, yuz terisiga qonni “oqib klishi” xissi, shishlar, periferik shishlar, kekirish.
Qoʻshimcha maʼlumotlar
Amlodipin/valsartan majmuasini olayotgan patsiyentlarda periferik shishlar, faqat amlodipin bilan davolangan (9%) patsiyentlardagiga qaraganda, kamroq (5,8%) uchragan.
Amlodipin
Qon va limfatik tizimi tomonidan buzilishlar:
juda kam hollarda: leykopeniya, baʼzida purpura bilan kechuvchi trombotsitopeniya.
Immun tizimi tomonidan buzilishlar:
juda kam hollarda: oʻta yuqori sezuvchanlik.
Moddalar almashinuvi va ovqatlanish tomonidan buzilishlar:
juda kam hollarda: giperglikemiya.
Ruxiyatni buzilishlari:
tez-tez emas: depressiya, uyqusizlik/uyquni buzilishi, kayfiyatni beqarorligi.
Kam hollarda: ongni chalkashishi.
Nerv tizimi tomonidan buzilishlar:
tez-tez: bosh aylanishi, bosh ogʻrigʻi, uyquchanlik.
tez-tez emas: taʼmni buzilishi, paresteziya, xushdan ketish, tremor, gipesteziya.
juda kam: mushak gipertonusi, periferik neyropatiya, neyropatiya.
tez-tezligi nomaʼlum: ekstrapiramid buzilishlar.
Koʻrish aʼzosi tomonidan buzilishlar:
tez-tez emas: koʻrishni yomonlashishi, koʻrishni buzilishi.
Eshitish aʼzosi tomonidan buzilishlar va labirint buzilishlari:
tez-tez emas: quloqlarni shangʻillashi.
Yurak tomonidan buzilishlar:
tez-tez: yurak urishini xis qilish.
juda kam hollarda: aritmiyalar (shu jumladan bradikardiya, qorincha taxikardiyasi va boʻlmachalar fibrillyatsiyasi) va miokard infarkti.
Qon tomirlari tomonidan buzilishlar:
tez-tez: yuz terisiga qonni “oqib kelishi” xissi, AB ni yaqqol pasayishi.
juda kam hollarda: vaskulit.
Nafas tizimi, koʻkrak qafasi va koʻks oraligʻi aʼzolari tomonidan buzilishlar:
tez-tez emas: xansirash rinit.
juda kam hollarda: yoʻtal.
Ovqat xazm qilish tizimi tomonidan buzilishlar:
tez-tez: koʻngil aynishi, qorinda noqulaylik xissi, qorinning yuqori qismida ogʻriq.
tez-tez emas: axlatni oʻzgarishi, diareya, ogʻiz boʻshligʻi shilliq qavatini qurishi, dispepsiya, qusish.
Kam hollarda: gastrit, milklarning giperplaziyasi, pankreatit.
Jigar va safro chiqarish yoʻllari tomonidan buzilishlar:
juda kam hollarda: jigar fermentlari “faolligini” oshishi (koʻpincha xolestaz koʻrinishlari bilan), qon plazmasida bilirubin konsentratsiyasini oshishi, gepatit, jigar ichki xolestazi, sariqlik.
Teri va teri osti toʻqimalari tomonidan buzilishlar:
tez-tez emas: alopetsiya, ekzantema, eritema, fotosezuvchanlik reaksiyasi, terini qichishishi, gipergidroz, purpura, teri toshmasi, teri rangini oʻzgarishi.
juda kam hollarda: koʻpshaklli eritema, eshakemi, eksfoliativ dermatit, Stivens-Djonson sindromi, angionevrotik shish.
Skelet-mushak va biriktiruvchi toʻqima tomonidan buzilishlar:
tez-tez: toʻpiqlarni shishi.
tez-tez emas: artralgiya, belda ogʻriq, mushak spazmlari, mialgiya.
Buyrak va siydik chiqarish yoʻllari tomonidan buzilishlar:
tez-tez emas: siyishni buzilishi, nikturiya, pollakiuriya.
Jinsiy aʼzolar va sut bezlari tomonidan buzilishlar:
tez-tez emas: erektil disfunksiya, ginekomastiya.
Umumiy buzilishlar va yuborish joyidagi buzilishlar:
tez-tez: kuchli toliqish, periferik shishlar.
tez-tez emas: asteniya, diskomfort, lohaslik, yurakda nokardiogen ogʻriq, ogʻriq.
Laborator va instrumental maʼlumotlar:
Tez-tez emas: tana vaznini pasayishi/oshishi.
Valsartan
Qon va limfatik tizimi tomonidan buzilishlar:
tez-tezligi nomaʼlum: gemoglobin va gematokritni pasayishi, leykopeniya, neytropeniya, baʼzida purpura bilan kechuvchi trombotsitopeniya.
Immun tizimi tomonidan buzilishlar:
juda kam hollarda: oʻta yuqori sezuvchanlik reaksiyasi.
Eshitish aʼzosi tomonidan buzilishlar va labirint buzilishlari:
tez-tez emas: vertigo.
Qon tomirlari tomonidan buzilishlar:
tez-tezligi nomaʼlum: vaskulit.
Nafas tizimi, koʻkrak qafasi va koʻks oraligʻi aʼzolari tomonidan buzilishlar:
tez-tez emas: yoʻtal.
Ovqat hazm qilish tizimi tomonidan buzilishlar:
tez-tez emas: qorinda noqulaylik hissi, qorinning yuqori qismida ogʻriq.
Jigar va safro chiqarish yoʻllari tomonidan buzilishlar:
tez-tezligi nomaʼlum: jigar fermentlari “faolligini” oshishi, qon plazmasida bilirubin konsentratsiyasini oshishi.
Teri va teri osti toʻqimalari tomonidan:
tez-tezligi nomaʼlum: terini qichishishi, teri toshmasi, angionevrotik shishi.
Skelet-mushak va biriktiruvchi toʻqima tomonidan buzilishlar:
tez-tezligi nomaʼlum: mialgiya.
Buyrak va siydik chiqarish yoʻllari tomonidan buzilishlar:
tez-tezligi nomaʼlum: qon plazmasida kreatinin konsentratsiyasini oshishi, buyrak faoliyatini buzilishi, shu jumladan oʻtkir buyrak yetishmovchiligi.
Umumiy buzilishlar va yuborish joyidagi buzilishlar:
tez-tez emas: kuchli toliqish.
Laborator va instrumental maʼlumotlar:
tez-tezligi nomaʼlum: qon zardobida kaliy miqdorini oshishi.
Preparatning komponentlari xaqida qoʻshimcha maʼlumotlar
Komponentlardan xar biri qoʻllanganda ilgari xabar berilgan noxush koʻrinishlar, xatto agar ular klinik tadqiqotlarda kuzatilmagan boʻlsada, Valodip preparati qoʻllanganda oʻrin tutishi mumkin.
Amlodipin
tez-tez: uyquchanlik, bosh aylanishi, yurak urishini xis qilish, qorinda ogʻriq, koʻngil aynishi, toʻpiqlarni shishi;
tez-tez emas: uyqusizlik, kayfiyatni oʻzgaruvchanligi (shu jumladan xavotirlik), depressiya, tremor, taʼmni buzilishi, xushdan ketish, gipesteziya, koʻrishni buzilishi (shu jumladan diplopiya), quloqlarni shangʻillashi, AB ni yaqqol pasayishi, hansirash, rinit, qusish, dispepsiya, alopetsiya, purpura, teri rangini oʻzgarishi, gipergidroz, terini qichishishi, ekzantema, mialgiya, mushaklarni tirishishi, ogʻriq, siyishni buzilishi, siyishni tezlashishi, impotensiya, ginekomastiya, koʻkrakda ogʻriq, lohaslik, tana vaznini oshishi, tana vaznini kamayishi;
kam hollarda: ongni chalkashishi;
juda kam hollarda: leykopeniya, trombotsitopeniya, allergik reaksiyalar, giperglikemiya, mushak gipertonusi, periferik neyropatiya, miokard infarkti, aritmiyalar (shu jumladan bradikardiya, yurak qorinchasi taxikardiyasi va boʻlmachalari fibrillyatsiyasi), vaskulit, pankreatit, gastrit, milklarning giperplaziyasi, gepatit, sariqlik, “jigar” fermentlari faolligini oshishi (koʻproq xolestaz oqibatida), angionevrotik shishi, koʻp shakilli eritema, eshakemi, eksfoliativ dermatit, Stivens-Djonson sindromi, fotosezuvchanlik. Ekstrapiramid sindromning aloxida xollari taʼriflangan.
Valsartan
tez-tezligi nomaʼlum: gemoglobin va gematokritni pasayishi, neytropeniya, trombotsitopeniya, qon zardobida kaliy miqdorini oshishi, “jigar” fermentlari faolligini oshishi, qon plazmasida bilirubin konsentratsiyasini oshishi, buyrak faoliyatini buzilishi, shu jumladan buyrak yetishmovchiligi, angionevrotik shish, mialgiya, vaskulit, oʻta yuqori sezuvchanlik, shu jumladan zardob kasalligi.
Qoʻllash mumkin boʻlmagan holatlar
- Amlodipinga, digidropiridin qatorining boshqa hosilalariga, valsartanga yoki preparatning boshqa komponentlariga yuqori sezuvchanlik;
- Ogʻir jigar yetishmovchiligi (Chayld-Pyu shkalasi boʻyicha 9 ball), biliar sirroz va xolestaz;
- Ogʻir buyrak yetishmovchiligi (kreatinin klirensi (KK) minutiga 30 ml dan kam), gemodializda boʻlgan patsiyentlarda qoʻllash;
- Qandli diabeti yoki buyrak faoliyatini buzilishi (KK minutiga 60 ml), boʻlgan patsiyentlarda aliksiren bilan bir vaqtda qoʻllash;
- Homiladorlik va emizish davri;
- Ogʻir arterial gipotenziya (sistolik AB 90 mm sim. ust past);
- Shok (shu jumladan kardiogen shok);
- Yurakning chap qorinchasi chiqaruv yoʻlining obstruksiyasi (shu jumladan gipertrofik obstruktiv kardiomiopatiya (GOKMP) va ogʻir darajali aortal stenoz;
- Oʻtkir miokard infarktidan keyingi gemodinamik beqaror yurak yetishmovchiligida qoʻllash mumkin emas;
- Birlamchi giperaldosteronizm.
Buyrak transplantatsiyasini oʻtkazgan patsiyentlarda, shuningdek bolalar va 10 yoshgacha boʻlgan oʻsmirlarda Valodip preparatini qoʻllash xavfsizligi aniqlanmagan.
Ehtiyotkorlik bilan: jigar faoliyatini yengil (Chayld-Pyu shkalasi boʻyicha 5-6 ball) va oʻrtacha (Chayld-Pyu shkalasi boʻyicha 7-9 ball) ogʻirlik darajasidagi buzilishi, shuningdek oʻt yoʻllarining obstruktiv kasalliklarida, buyraklar faoliyatini yengil va oʻrtacha ogʻirlik darajasidagi (KK minutiga 30-50 ml) buzilishlari, buyrak arteriyalarining bir yoki ikki tomonlama stenozi yoki yagona buyrak arteriyasining stenozi, NYHA tasnifi boʻyicha III-IV funksional sinf surunkali yurak yetishmovchiligi, giperkaliyemiya, giponatriyemiya, osh tuzini isteʼmol qilish cheklangan parxez, aylanayotgan qon hajmini (AQX) kamayishi (shu jumladan diareya, qusish), nasliy angionevrotik shishi yoki angiotenzin II retseptorlarining antagonistlari (AAF II) bilan avval oʻtkazilgan davolash fonidagi shishi boʻlgan patsiyentlarda qoʻllash ehtiyotkorlik bilan oʻtkazilishi kerak.
Shuningdek, boshqa vazodilatatorlar qoʻllanganida boʻlgani kabi yengil va oʻrtacha darajadagi mitral va aortal stenozi boʻlgan patsiyentlarda qoʻllanganida oʻziga xos ehtiyotkorlikka rioya qilish kerak.
Dorilarning oʻzaro taʼsiri
Valodip preparati
Valodip (amlodipin/valsartan) preparati uchun dorilarning umumiy oʻzaro taʼsiri
Diqqatni talab etuvchi bir vaqtda qoʻllanadigan vositalar
Boshqa gipotenziv preparatlar (masalan, alfa-adrenoblokatorlar, diuretiklar) va gipotenziv taʼsir koʻrsatuvchi dori vositalari (masalan, tritsiklik antidepressantlar, prostata bezini xavfsiz giperplaziyasini davolash uchun alfa-adrenoblokatorlar), gipotenziv samarani kuchaytirishi mumkin.
Amlodipin uchun dorilarning oʻzaro taʼsiri
Bir vaqtda qoʻllash noxush hisoblangan vositalar
Greypfrut yoki greypfrut sharbati: ayrim patsiyentlarda biokiraolishligini oshishi mumkinligini va gipotenziv taʼsirini kuchayishini xisobga olib, bir vaqtda qoʻllash tavsiya etilmaydi.
Ehtiyotkorlikni talab etuvchi bir vaqtda qoʻllanadigan vositalar
CYP3A4 izofermenti ingibitorlari
CYP3A4 izofermentining kuchli yoki oʻrtacha ingibitorlari (proteaza ingibitorlari, verapamil yoki diltiazem bilan, azol guruhi zamburugʻlarga qarshi dori vositalari, eritromitsin yoki klaritromitsin kabi makrolidlar bilan) bir vaqtda qoʻllash, amlodipinning tizimli ekspozitsiyasini axamiyatli oshishiga olib kelishi mumkin. Keksa yoshli patsiyentlarda bu oʻzgarishlar klinik ahamiyatga ega, shuning uchun tibbiy kuzatuv va dozaga tuzatish kiritish zarur.
CYP3A4 izofermentining induktorlari (tirishishga qarshi preparatlar (masalan, karbamazepin, fenobarbital, fenitoin, fosfenitoin, primidon), rifampitsin, teshik dalachoy saqlovchi oʻsimlik preparatlari): ehtiyotkorlik bilan qoʻllash kerak, chunki bir vaqtda qoʻllanganda qon plazmasida amlodipinning konsentratsiyasi pasayishi mumkin.
Simvastatin
Amlodipin 10 mg dozada va simvastatinni 80 mg dozada bir vaqtda takroran qoʻllash, simvastatin bilan monoterapiyadagi xuddi shunday holatga nisbatan, simvastatinning ekspozitsiyasini 77% ga oshiradi. Amlodipin olayotgan patsiyentlarga simvastatinni sutkada 20 mg dan koʻp boʻlmagan dozasini qoʻllash tavsiya etiladi.
Dantrolen (vena ichiga yuborish): xayvonlardagi eksperimentlarda verapamil ichga qabul qilingandan va dantrolen vena ichiga yuborilgandan keyin oʻlim bilan yakunlanuvchi fibrillyatsiya hollari va giperkaliyemiya bilan assotsiatsiyalangan yurak-qon tomir yetishmovchiligi hollari kuzatilgan. Giperkaliyemiya rivojlanishi xavfini xisobga olib, xavfli gipertermiya rivojlanishiga moyilligi boʻlgan patsiyentlarda “sekin” kalsiya kanallarining blokatorlarini, shu jumladan amlodipinni bir vaqtda qoʻllashdan saqlanish kerak.
Diqqatni talab etuvchi bir vaqtda qoʻllanadigan vositalar
Boshqalar
Klinik tadqiqotlarda amlodipin tiazid diuretiklar, alfa-adrenoblokatorlar, beta-adrenoblokatorlar, AAF ingibitorlari, uzoq taʼsir etuvchi nitratlar, til ostiga qoʻllash uchun nitroglitserin, digoksin, varfarin, atorvastatin, sildenafil, maaloks (alyuminiy- yoki magniy saqlovchi antatsid preparatlar, semitikon), simetidin, nosteroid yalligʻlanishga qarshi preparatlar (NYAQP), antibiotiklar va ichga qabul qilish uchun gipoglikemik vositalar bilan ahamiyatli oʻzaro taʼsirga kirishmaydi.
Valsartan uchun dorilarning oʻzaro taʼsiri
Bir vaqtda qoʻllash mumkin emas
Qandli diabeti va buyrak faoliyatini buzilishi (KK minutiga 60 ml dan kam) boʻlgan patsiyentlarda, ARA II, shu jumladan valsartan yoki AAF ingibitorlarini aliksiren bilan bir vaqtda qoʻllash mumkin emas.
Bir vaqtda qoʻllash noxush hisoblangan vositalar
Litiy
Litiy preparatlari bilan bir vaqtda qoʻllash tavsiya etilmaydi, chunki qon plazmasida litiyning konsentratsiyasini qaytuvchan oshishi va intoksikatsiya rivojlanishi mumkin. Litiy preparatlari bilan bir vaqtda qoʻllash zarurati boʻlganida, qon plazmasida litiyning konsentratsiyasini sinchiklab nazorat qilish kerak.
Kaliyni tejovchi diuretiklar, kaliy preparatlari, kaliy saqlovchi ozuqa qoʻshimchalari va qon zardobida kaliy miqdorini oshirishi mumkin boʻlgan boshqa dori vositalari va moddalar (masalan, geparin).
Kaliyning miqdoriga taʼsir qiluvchi preparatlar bilan bir vaqtda qoʻllash zarurati boʻlganida, qon plazmasida kaliyning miqdorini nazorat qilish tavsiya etiladi.
Ehtiyotkorlikni talab qiluvchi bir vaqtda qoʻllanadigan vositalar
NYAQP, shu jumladan siklooksigenaza 2 (SOG-2) ning selektiv ingibitorlari va sutkada 3 g dan ortiq dozadagi atsetilsalitsil kislotasi va noselektiv NYAQP.
Bir vaqtda qoʻllanganda gipotenziv samarani susayishi, buyrak faoliyatini buzilishlarini rivojlanish xavfini oshishi va qon plazmasida kaliy miqdori oshishi mumkin. Davolashni boshida buyrak faoliyatini baxolash, shuningdek suv-elektrolit balansi buzilishlarini muvofiqlashtirish tavsiya etiladi.
Olib oʻtuvchi- oqsillarning ingibitorlari
In vitro tadqiqotlarning natijalari boʻyicha valsartan OATR1V1 va MRP2 olib oʻtuvchi oqsillar uchun substrat xisoblanadi. Valsartanni OATR1V1 olib oʻtuvchi oqsillarning ingibitorlari (masalan, rifampitsin, siklosporin) va MRP2 olib oʻtuvchi oqsillarning ingibitori (masalan, ritonavir) bilan bir vaqtda qoʻllash, valsartanning tizimli ekspozitsiyasini (Smax va AUC) oshirishi mumkin. Buni bir vaqtda davolashni boshida va tugashida hisobga olish kerak.
Boshqalar: valsartan bilan monoterapiyada quyidagi dori vositalari: simetidin, varfarin, furosemid, digoksin, atenolol, indometatsin, gidroxlortiazid, amlodipin va glibenklamid bilan klinik ahamiyatli oʻzaro taʼsirlar aniqlanmagan:
Maxsus koʻrsatmalar
Giponatriyemiyali va/yoki AQX kamayishi boʻlgan patsiyentlar
Asoratlanmagan arterial gipertenziyasi boʻlgan, amlodipin/valsartan majmuasi bilan davolanayotgan patsiyentlarda, 0,4% xollarda yaqqol arterial gipotenziya kuzatilgan.
RAAT faollashgan patsiyentlarda (masalan, diuretiklarning yuqori dozalarini olayotgan, degidratatsiyasi va/yoki giponatriyemiyasi boʻlgan patsiyentlarda), angiotenzin II retseptorlarining antagonistlari qabul qilinganda, simptomatik arterial gipotenziya rivojlanishi mumkin. Davolashni boshlashdan oldin natriy miqdorini tiklash va/yoki, xususan, diuretiklarning dozasini kamaytirish yoʻli bilan AQX toʻldirish yoki davolashni sinchkov tibbiy kuzatuv ostida boshlash tavsiya etiladi.
AB ni yaqqol pasayishi rivojlanganda: patsiyentning oyoqlarini koʻtarib, gorizontal holatda yotqizish va, zarurati boʻlganda 0,9% li natriy xloridi eritmasini vena ichiga infuziyasini oʻtkazish kerak. Valodip preparati bilan davolashni gemodinamik koʻrsatgichlar barqarorlashgandan keyin davom ettirish mumkin.
Giperkaliyemiya
Kaliyni tejovchi diuretiklar, kaliy preparatlari, kaliy saqlovchi biologik faol qoʻshimchalar yoki qon plazmasida kaliy miqdorini oshirish xususiyatiga ega boʻlgan boshqa preparatlar (masalan, geparin) bilan bir vaqtda qoʻllanganda, ehtiyotkorlikka rioya qilish kerak. Qon plazmasida kaliy ionlari miqdorini muntazam nazorat qilish kerak.
Buyrak arteriyasining stenozi
Buyrak arteriyasining bir tomonlama yoki ikki tomonlama stenozi yoki yakka buyrak arteriyasining stenozi boʻlgan patsiyentlarda, mochevina va kreatininning zardobdagi konsentratsiyalarini oshishi mumkinligini xisobga olib, Valodip preparatini ehtiyotkorlik bilan qoʻllash kerak.
Buyrak transplantatsiyasidan keyingi xolat
Yaqinda buyrak transplantatsiyasini oʻtkazgan patsiyentlarda amlodipin/valsartan majmuasini qoʻllash xavfsizligi aniqlanmagan.
Jigar faoliyatini buzilishi
Valsartan asosan safro bilan oʻzgarmagan holda chiqariladi. Patsiyentlarda T1/2 uzayadi, AUC esa – oshadi. Jigar faoliyatini yongil (Chayld-Pyu shkalasi boʻyicha 5-6 ball) yoki oʻrtacha (Chayld-Pyu shkalasi boʻyicha 7-8 ball) buzilishi yoki oʻt yoʻllarining obstruktiv kasalliklari boʻlgan patsiyentlarda Valodip preparatini qoʻllashda ehtiyotkorlikka rioya qilish kerak.
Buyrak faoliyatini buzilishi
Buyrak faoliyatini yengil va oʻrtacha buzilishlari boʻlgan patsiyentlarda Valodip preparatining dozasiga tuzatish kiritish talab etilmaydi. Buyrak faoliyatini oʻrtacha buzilishi boʻlgan patsiyentlarda qon plazmasida kaliy miqdorini va kreatinin konsentratsiyasini nazorat qilish tavsiya etiladi. Buyrak faoliyatini buzilishi (KK minutiga 60 ml dan kam) boʻlgan patsiyentlarda, ARA II, shu jumladan valsartan, yoki AAF ingibitorlarini aliksiren bilan bir vaqtda qoʻllash mumkin emas.
Birlamchi giperaldosteronizm
Birlamsi giperaldosteronizmda RAAT shikastlanishini xisobga olib, bu patsiyentlarga angiotenzin II retseptorlarining antagonistlarini, shu jumladan valsartanni buyurish mumkimn emas.
Angionevrotik shish
Valodip preparati bilan davolash fonida angionevrotik shish (shu jumladan nafas yoʻllarining obstruksiyasini chaqiruvchi xalqum va tovush boylamlarining shishi va/yoki yuz, lablar, tomoq va/yoki tilning shishi) boʻlgan patsiyentlar orasida, anamnezida angionevrotik shish, shu jumladan AAF ingibitorlariga ham, shishni rivojlanish hollari kuzatilgan. Angionevrotik shishi rivojlangan hollarda, preparatni darhol bekor qilish va takroran qoʻllash imkoniyatini istisno qilish kerak.
Yurak yetishmovchiligi/oʻtkazilgan miokard infarkti
Buyrak faoliyati RAAT faolligiga bogʻliq boʻlishi mumkin boʻlgan patsiyentlarda (masalan, ogʻir SYUЕ), AAF ingibitorlari va angiotenzin II retseptorlarining antagonistlari bilan davolash, oliguriya va/yoki azotemiyani oʻsishi, kam hollarda esa – oʻtkir buyrak yetishmovchiligi va/yoki oʻlim bilan yakunlanishi mumkin. Bunday yakunlanishlar valsartan qoʻllanganda taʼriflangan. SBЕ yoki oʻtkazilgan miokard infarkti boʻlgan patsiyentlarda, buyrak faoliyatini doimo baholash kerak.
NYHA tasnifi boʻyicha noishemik etiologiyali III-IV funksional sinfi SYUЕ boʻlgan patsiyentlarda, amlodipinni qoʻllash, platsebo bilan solishtirganda ikki guruxlar orasida SYUЕ yomonlashish tez-tezligini ishonchli farqi boʻlmaganda, oʻpka shishini rivojlanish tez-tezligini oshishi bilan kechgan. “Sekin” kalsiy kanallarining blokatorlari, shu jumladan amlodipinni, SYUЕ boʻlgan patsiyentlarda ehtiyotkorlik bilan qoʻllash kerak, chunki yurak-qon tomir asoratlarni rivojlanish va oʻlim xavfi oshishi mumkin.
Aortal klapanning yengil va oʻrtacha darajadagi va mitral klapan stenozi
Xar qanday vazodilatatorlar qoʻllanganda boʻlgani kabi, mitral stenozi va yengil va oʻrtacha darajali aortal stenozi boʻlgan patsiyentlarda ehtiyotkorlikka rioya qilish kerak. Amlodipin/valsartan majmuasi faqat arterial gipertenziyasi boʻlgan patsiyentlarda oʻrganilgan.
Homiladorlik va emizish davrida qoʻllanishi
Homiladorlik
Homiladorlikda Valodipni qoʻllash mumkin emas.
Angiotenzin II antagonistlari retseptorlarining taʼsir mexanizmini xisobga olib, preparat homiladorlikning I uch oyligida qoʻllanganda homila uchun xavfni inkor etish mumkin emas.
Renin-angiotenzin-aldosteron tizimiga (RAAT) bevosita taʼsir qiluvchi xar qanday boshqa preparat kabi, Valodip preparatini xomiladorlik vaqtida, shuningdek homiladorlikni rejalashtirayotgan ayollarda qoʻllash mumkin emas. RAAT ga taʼsir etuvchi vositalar qoʻllanganda, tugʻruq yoshidagi ayollarni bu preparatlarni homiladorlik vaqtida homilaga salbiy taʼsirining potensial xavfi borligi xaqida xabardor qilish kerak. Homiladorlik rejalashtirilganda xavfsizlik profilini xisobga olib patsiyentni muqobil gipotenziv davolashga oʻtkazish kerak. Homiladorlik aniqlangan hollarda, Valodip preparatini qabul qilishni toʻxtatish va, zarurati boʻlganida, muqobil gipotenziv davolashga oʻtkazish kerak.
RAAT ga bevosita taʼsir qiluvchi boshqa vositaldar kabi, Valodip preparatini xomiladorlikning II-III uch oyliklarida qoʻllash mumkin emas, chunki fetotoksik samaralar (buyrak faoliyatini buzilishi, homila bosh suyagini suyaklanishini sekinlashishi, oligogidroamnion) va neonatal toksik samaralar (buyrak yetishmovchiligi, arterial gipotenziya, giperkaliyemiya) va xomilaning oʻlimini chaqirishi mumkin. Agar preparat homiladorlikning II-III uch oyliklarida qoʻllangan boʻlsa, homilaning buyraklarini va bosh suyaklarini ultratovush tekshiruvini oʻtkazish kerak. Onalari Valodip preparatini qoʻllagan yangi tugʻilgan chaqaloqlar kuzatuv ostida boʻlishlari kerak, chunki yangi tugʻilgan chaqaloqda arterial gipotenziya rivojlanishi mumkin.
Emizish davri
Emizish davrida Valodip preparatini qoʻllash tavsiya etilmaydi. Laktatsiya davrida Valodip preparatini qoʻllash zarurati boʻlsa, emizishni toʻxtatish kerak.
Avtotransport va boshqa mexanizmlarni boshqarish qobiliyatiga taʼsiri:
Valodip preparati qoʻllanganda transport vositalarini va diqqatni yuqori jamlashni va psixomotor reaksiyalar tezligini talab qiluvchi boshqa texnik moslamalarni boshqarishda ehtiyotkorlikka rioya qilish kerak, chunki bosh aylanishi, charchoqlik va koʻngil aynishi paydo boʻlishi mumkin.
Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.
Dozani oshirib yuborilishi
Simptomlari: hozirgi vaqtda dozani oshirib yuborilishi hollari xaqida maʼlumotlar yoʻq. Valsartanning dozasi oshirib yuborilganda ABni yaqqol pasayishi va bosh aylanishi rivojlanishini kutish mumkin. Amlodipinning dozasi oshirib yuborilganda reflektor taxikardiya va xaddan ziyod vazodilatatsiya rivojlanish extimoli bilan arterial bosimni yaqqol pasayishiga olib kelishi mumkin (yaqqol va turgʻun arterial gipotenziya rivojlanishini xavfi, shu jumladan shok rivojlanishi va oʻlim bilan yakunlanishi mumkin).
Davolash: simptomatik, uning xarakteri preparat qabul qilingandan oʻtgan vaqtga, va simptomlarning ogʻirlik darajasiga bogʻliq. Doza tasodifan oshirib yuborilganda qusishni chaqirish kerak (agar preparat yaqinda qabul qilingan boʻlsa) yoki meʼdani yuvishni oʻtkazish kerak. Sogʻlom koʻngillilarda amlodipin qabul qilingan zaxoti yoki 2 soatdan keyin faollangan koʻmirni qoʻllash, uni soʻrilishini sezilarli pasayishiga olib kelgan. Valodip preparatini qabul qilish fonidagi AB ni yaqqol pasayishida, patsiyentning oyoqlari koʻtarilgan holda chalqancha “yotgan” holatga keltirish, yurak-qon tomir tizimining faoliyatini bir maromda tutib turish boʻyicha choralarni, shu jumladan yurak va nafas tizimlari faoliyatini, AQX va chiqarilayotgan siydik xajmini muntazam nazoratini oʻtkazish yuzasidan, faol choralarni koʻrish kerak. Qarshi koʻrsatmalar boʻlmaganida qon tomirlari tonusi va AB ni tiklash maqsadida, qon tomirlarni toraytiruvchi vositalarni (ehtiyotkorlik bilan) qoʻllash mumkin. Kalsiy kanallarining blokadasini bartaraf qilish uchun kalsiy glyukonati eritmasini vena ichiga yuborish mumkin.
Gemodializ oʻtkazilganda valsartan va amlodipinni chiqarilishi ehtimoli kam.
Chiqarilish shakli
Plyonka qobiq bilan qoplangan tabletkalar, 5 mg + 80 mg, 5 mg+ 160 mg, 10 mg+ 160 mg:
5 mg + 80 mg li tabletaklar:
10 yoki 14 tabletkadan blisterda:
– 10 tabletkali blister: 3, 6 yoki 9 blister qoʻllash boʻyicha yoʻriqnomasi bilan birga karton qutida;
– 14 tabletkali blister: 2 yoki 4 blister qoʻllash boʻyicha yoʻriqnomasi bilan birga karton qutida;
5 mg + 160 mg, 10 mg+ 160 mg li tabletaklar:
– 7 tabletkali blister: 4 yoki 8 blister qoʻllash boʻyicha yoʻriqnomasi bilan birga karton qutida;
– 10 tabletkali blister: 3, 6 yoki 9 blister qoʻllash boʻyicha yoʻriqnomasi bilan birga karton qutida.
Saqlash sharoiti
30oS dan yuqori boʻlmagan xaroratda saqlansin.
Yaroqlilik muddati
3 yil.
Dorixonalardan berish tartibi
Retsept boʻyicha beriladi.
Mavzuga aloqador
NITROSORBID tabletkalari 10mg N40