АЦЦ ® экстра 600 mg

QOʻLLASH BOʻYICHA YOʻRIQNOMA

ASS® EKSTRA 600 mg

 

Preparatning savdo nomi: ASS® ekstra 600 mg

Taʼsir etuvchi modda (XPN): atsetilsistein/acetylcysteine

Dori shakli: vishillovchi tabletkalar

Tarkibi:

bir vishillovchi 600 mg tabletkalar quyidagilarni saqlaydi:

faol modda: atsetilsistein;

yordamchi moddalar: suvsiz limon kislotasi, natriy gidrokarbonati, suvsiz natriy karbonati, mannitol, suvsiz laktoza, askorbin kislotasi, natriy siklamati, natriy saxarinati, natriy sitrati digidrati, rux sulfati monogidrati, limon “VV” aromatizatori.

Taʼrifi: oq rangli, dumaloq, oʻymali va limon hidli silliq tabletkalar.

Farmakoterapevtik guruhi: Mukolitiklar.

ATX kodi: R05CB01.

 

Farmakologik xususiyatlari

Farmakodinamikasi

Asetilsistein sistein aminokislotasining hosilasi boʻlib hisoblanadi. Asetilsistein nafas yoʻllarida sekretolitik va sekretomotor taʼsirini koʻrsatadi, shilimshiqlarning qovushqoqligini pasaytiradi.

Surunkali bronxiti/mukovissidozi boʻlgan patsiyentlarda atsetilsistein profilaktika maqsadlarida qoʻllanilganida bakterial zoʻrayishlarning tez-tezligi va ogʻirlik darajasi pasayadi.

U kimyoviy radikallarni zararsizlantiradi, zararli moddalarning detoksikatsiyasi uchun muhim boʻlgan glutation sintezini kuchaytirishga yordam beradi. Bu paratsetamol bilan intoksikatsiyada atsetilsisteinning antidot taʼsirini izohlaydi.

 

Farmakokinetikasi

Peroral qoʻllanilganida atsetilsistein tezda va deyarli toʻliq ravishda absorbsiyalanadi, hamda sistein (farmakologik faol metabolit), shuningdek diatsetilsistin, sistin va boshqa aralash disulfidlar hosil boʻlgani holda jigarda metabolizmga uchraydi. Ichga qabul qilingan atsetilsisteinning biokirishaolishi juda ham past (taxminan 10%). Plazmada preparatning eng yuqori konsentratsiyalariga 1–3 soat oʻtgach erishiladi. Qon plazmasidagi oqsillar bilan bogʻlanishi – taxminan 50%.

Qon plazmasidan atsetilsisteinning yarim chiqarilishi davri taxminan 1 soatni tashkil etadi, jigar faoliyatini buzilishi 8 soatga qadar uzayishiga olib keladi. Organizmdan buyraklar orqali deyarli faqat nofaol metabolitlar shaklida chiqariladi.

Asetilsistein yoʻldosh orqali singib oʻtadi va kindik qonida aniqlanadi. Ona sutiga chiqarilishi haqidagi maʼlumotlar yoʻq.

Asetilsisteinning odamda gematoensefalik toʻsigʻi orqali singib oʻtishiga qodirligi haqidagi maʼlumotlar yoʻq.

 

Qoʻllanilishi

ASS ekstra – qovushqoq balgʻamni suyultirish va uni nafas yoʻllaridan chiqarishni yengillashtirish uchun mukolitik vosita.

ASS ekstra quyuq va qiyin koʻchadigan balgʻam hosil boʻlishi bilan kechadigan nafas yoʻllarining kasalliklarida, bronxit (oʻtkir, surunkali va obstruktiv bronxit), bronxiolit, bronxoektaz, pnevmoniya, laringit, traxeit, gripp, bronxial astmada, shuningdek mukovissidoz, sinusitlarda qoʻllaniladi.

 

Qoʻllash usuli va dozalari

ASS ekstrani quyidagi dozalarda  qoʻllash tavsiya etiladi.

Kattalar va 14 yoshdan oshgan oʻsmirlarda

½ vishillovchi tabletkalarni sutkada ikki marta yoki 1 vishillovchi tabletkalarni  sutkada bir marta (sutkada 600 mg atsetilsisteinga toʻgʻri keladi).

ASS preparati lozim darajada taʼsir koʻrsatishi uchun qoʻllash boʻyicha yoʻriqnomaga aniq rioya qilish lozim!

Qoʻllash usuli

Ichga qabul qilish uchun (eritilgandan keyin).

Ovqatlanishdan keyin, oldindan tabletkani bir stakan suvda eritib qabul qilinadi.

Qoʻshimcha suyuqlik preparatni mukolitik samarasini oshiradi.

Qabul qilishni davomiyligi

Qisqa vaqtli shamollash kasalliklarida qabul qilish davomiyligi 5–7 kunni tashkil etadi.

Agar simptomlari 4-5 kundan keyin yomonlashsa yoki yaxshilanmasa, shifokor bilan maslaxatlashish kerak.

Surunkali bronxitda va mukovissidozda davolash uzoqroq muddatli kurslar bilan oʻtkaziladi. Davolashning eng uzoq muddati – 3-6 oy.

Qabul qilishni oʻtkazib yuborilishi

Agar Siz preparatning qabul qilinishini bir marta oʻtkazib yuborgan yoki juda ham kichik dozasini qabul qilgan boʻlsangiz, navbatdagi dozani qabul qilish vaqtini kuting va dozalash boʻyicha tavsiyalarda koʻrsatilganidek preparatni qabul qilishni davom ettiring.

 

Nojoʻya taʼsirlari

Nojoʻya taʼsirlarni baholash ularning yuzaga kelishi tez-tezligiga asoslanadi: juda tez-tez (≥1/10), tez-tez (≥1/100 va <1/10), tez-tez emas (≥1/1 000 va <1/100), kam hollarda (≥1/10000 va <1/1000), juda kam hollarda (<1/10000), tez-tezligi nomaʼlum (hamma foydalana oladigan maʼlumotlarga koʻra aniqlash imkoni yoʻq).

Immun tizimi tomonidan buzilishlar

Tez-tez emas: yuqori sezuvchanlik reaksiyalari.

Juda kam hollarda: anafilaktik shok, anafilaktik/anafilaktoid reaksiyalar.

Nerv tizimi tomonidan buzilishlar

Tez-tez emas: bosh ogʻrigʻi.

Eshitish aʼzosi tomonidan buzilishlar va labirintga oid buzilishlar

Tez-tez emas: tinnitus.

Yurak tomonidan buzilishlar

Tez-tez emas: taxikardiya.

Tomirlar tomonidan buzilishlar

Tez-tez emas: arterial gipotenziya.

Juda kam hollarda: qon ketishi.

Nafas olish tizimi, koʻkrak qafasi aʼzolari va koʻks oraligʻi tomonidan buzilishlar

Kam hollarda: hansirash, bronxospazm.

Meʼda-ichak yoʻllari tomonidan buzilishlar

Tez-tez emas: koʻngil aynishi, qusish, diareya, qorinda ogʻriq.

Kam hollarda: dispepsiya.

Teri va teri osti toʻqimalar tomonidan buzilishlar

Tez-tez emas: eshakemi, toshma, angionevrotik shish, qichishish, ekzantema.

Umumiy buzilishlar va yuborilgan joyda buzilishlar

Tez-tez emas: isitmalash.

Tez-tezligi nomaʼlum: yuzning shishishi.

Turli tadqiqotlarda atsetilsistein ishtirok etganida qon trombotsitlari agregatlashuvining pasayishi isbotlangan. Hozirgi vaqtda ushbu holatning klinik ahamiyati aniqlanmagan.

 

Qoʻllash mumkin boʻlmagan holatlar

– Asetilsistein yoki preparatning har qanday yordamchi moddalariga yuqori sezuvchanlikda.

– Faol peptik yarada qoʻllash mumkin emas.

Faol moddasida ASS ekstra 600 mg ni miqdori yuqori boʻlganligi tufayli, uni 14 yoshdan kichik bolalarni davolashda qoʻllash mumkin emas.

 

Dorilarning oʻzaro taʼsiri

ASS ekstra va yoʻtalga qarshi preparatlarni kombinatsiyalangan qoʻllanilishida yoʻtal refleksi susaytirilishi oqibatida sekretni xavfli toʻplanib qolishi yuzaga kelishi mumkin. Shu sababli bunday kombinatsiyalangan davolashni buyurish uchun juda ham sinchkov tashhis qoʻyish zarur.

Hozirgi vaqtga qadar atsetilsistein tomonidan antibiotiklarni inaktivatsiya qilish haqidagi olingan xabarlar mutlaq in vitro tajribalariga asoslangan boʻlib, ularda tegishli moddalar bir-biri bilan bevosita aralashtirilgan. Shunga qaramay, xavfsizlik maqsadida peroral antibiotiklarni ASS ekstra alohida holda, eng kamida ikki soatlik intervalga rioya qilgan holda qabul qilish lozim. Bu sefiksim va lorakarbefga taalluqli emas.

ASS ekstra nitroglitserinning tomirni kengaytiruvchi taʼsirini kuchaytirishi mumkin. Ehtiyotkorlikka rioya qilish tavsiya etiladi.

Askorbin kislotasini oʻzaro taʼsiri bilan bogʻliqligi

Askorbin kislotasi bilan bir vaqtda qoʻllanganda izoprenalinni  xronotrop taʼsirini kamaytiradi. Uzoq vaqt qoʻllaganda disulfiram-etanolni oʻzaro taʼsirini buzishi mumkin. Birga qoʻllaganda amigdalinni zaxarligi oshadi. Antipsixotik vositalarni (fenotiazin xosilalari) terapevtik taʼsirini, amfetamin va tritsiklik tetratsiklinlarni kanalchalar reabsorbsiyasini  kamaytiradi. Qonda benzilpenitsillin va tetratsiklinlarni konsentratsiyasini oshiradi.

Temir preparatlarini ichakda soʻrilishini yaxshilaydi; deferoksamin bilan bir vaqtda qoʻllaganda temirni ekskretsiyasini oshirishi mumkin, shuning uchun askorbin kislotasini deferoksamin bilan davolashni birinchi oyida qoʻllash mumkin emas. Askorbin kislotasi bilan alyuminiy gidroksidini bir vaqtda  qoʻllaganda, alyuminiyni absorbsiyasini oshirishi mumkin.

 

Maxsus koʻrsatmalar

Bronxial astma bilan kasallangan patsiyentlar va anamnezda yaralari boʻlgan patsiyentlar mazkur preparat bilan davolashda ehtiyotkorlikka rioya qilishi lozim.

ASS ekstraning qoʻllanilishi bronxial sekretning suyulishiga, va demak uning hajmi ortishiga (ayniqsa davolash boshlanishida) olib kelishi mumkin. Yoʻtalib tupurib tashlash mumkin boʻlmaganida (tupurib tashlash yetarli darajada boʻlmaganida) tegishli (drenaj va aspiratsiya kabi) choralar koʻrilishi kerak.

Asetilsistein qoʻllanilishi vaqtida Stivens–Djonson va Layell sindromi kabi ogʻir teri reaksiyalari juda kam hollarda kuzatilgan. Teri va shilliq qavatlar tomonidan oʻzgarishlar yuzaga kelganida ASS ekstra qabul qilishni toʻxtatish va darhol shifokorga murojaat qilish lozim.

Bir vishillovchi tabletka 6,03 mmol (138,8 mg) natriy saqlaydi. Natriy (natriy/tuzini past saqlash) miqdorini nazorat qilib, parxez qiluvchi patsiyentlar bu xolni eʼtiborga olishlari kerak.

ASS laktoza saqlaydi, shuning uchun uni galaktozani oʻzlashtiraolmaslik, laktaza defitsiti yoki glyukoza-galaktozani soʻrilishini buzilishi kam uchraydigan nasliy patologiyada qoʻllash mumkin emas.

Qandli diabeti boʻlgan bemorlar uchun koʻrsatma: bir vishillovchi tabletka 0,01 non birligini saqlaydi.

Bir vishillovchi ASS ekstra tabletkasi 75 mg askorbin kislotasini saqlaydi, bu sutkada tavsiya etilgan vitamin S ni qabul qilish uchun toʻgʻri keladi.

Preparatni tarkibida  askorbin kislotasi boʻlgani uchun: glyukoza-6-fosfatdegirogenaza defitsiti, gemoxromatoz, sideroblast anemiya, talassemiya, giperoksaluriya, oksaloz, buyrak-tosh kasalligida extiyotkorlik bilan qoʻllanishi kerak.

Askorbin kislotasi salitsilat va qisqa taʼsirli sulfanilamidlar bilan davolaganda kristalluriya rivojlanishini xavfini oshiradi, buyraklardan kislotalarni chiqarilishini sekinlashtiradi, ishqor reaksiyaga ega (jumladan, alkaloidlar) preparatlarni chiqarilishini tezlashtiradi, qonda peroral kontratseptivlarni konsentratsiyasini pasaytiradi.

Askorbin kislotasi turli laboratoriya testlarini natijalarini notoʻgʻri talqin qildirishi mumkin (qonda glyukoza miqdorini, bilirubin, transaminaza faolligini, LDG). Askorbin kislotaning yuqori dozalari najasdagi qonni yashirin testlarini soxtamanfiy qilib berishi mumkin.

Homiladorlik va laktatsiya davrida

Homilador ayollarda atsetilsistein qoʻllanilganligi haqidagi maʼlumotlar yetarli emas. Asetilsisteinni ona sutiga chiqarilishi haqidagi maʼlumotlar yetarli emas. Homiladorlik va laktatsiya davrida preparatni faqat foyda va xavf nisbati qatʼiy baholanganidan keyin qoʻllash lozim.

Transport vositalarini boshqarish va mexanimlar bilan ishlash qobiliyatiga taʼsiri

Koʻrsatilmagan.

 

Dozani oshirib yuborilishi

Hozirgi vaqtga qadar atsetilsisteinning peroral shakllarini qabul qilishdan kelib chiqadigan dozani toksik oshirib yuborilishi hollari kuzatilmagan. Asetilsisteinni uch oy davomida sutkada 11,6 g dozada qabul qilgan koʻngillilarda hech qanday ogʻir nojoʻya reaksiyalar qayd etilmagan. Tana vaznining har kilogrammiga 500 mg gacha erishiladigan atsetilsisteinning ichga qabul qilgan dozalari taʼsiri hech qanday intoksikatsiya simptomlarisiz kechgan.

Doza oshirib yuborilganida meʼda-ichak yoʻllari tomonidan koʻngil aynishi, qusish va diareya kabi simptomlar yuzaga kelishi mumkin. Hayotning birinchi yilida bolalarda gipersekretsiya xavfi mavjud.

Zarurat boʻlganida simptomatik davolash oʻtkaziladi.

 

Chiqarilish shakli

Laminatsiya qilingan alyumin folgaga va qogʻozga oʻramlangan, vishillovchi tabletka germetik oʻram uchun moʻljallangan. 10 yoki 20 vishillovchi tabletkalar oʻramlarga joylangan.

 

Saqlash sharoitlari

25°S dan yuqori boʻlmagan haroratda bolalar ololmaydigan joyda saqlansin.

 

 

Yaroqlilik muddati

3 yil. Oʻramida koʻrsatilgan yaroqlilik muddati tugaganidan soʻngi ishlatilmasin.

 

Dorixonalardan berish tartibi

Retseptsiz beriladi.

 

Roʻyxatdan oʻtkazilganlik guvohnomasining egasi

Sandoz Farmasyutikalz d.d., Verovshkova 57, Lyublyana, Sloveniya.

 

302100cookie-checkАЦЦ ® экстра 600 mgno