Infuzan

QOʻLLASH BOʻYICHA YOʻRIQNOMA

Инфузан

INFUZAN

Preparatning savdo nomi: Infuzan

Taʼsir etuvchi moddalar (XPN): aminokislotalar: L-prolin, L-serin, L-alanin, L-izoleysin, L-leysin, L-asparagin kislotasi, L-tirozin, L-glutamin kislotasi, L-fenilalanin, L-arginin gidroxloridi, L-lizin gidroxloridi, L-valin, L-treonin, L-gistidin gidroxloridi monogidrati, L-triptofan, L-metionin, L-sistin/ L-sistein gidroxloridi monogidrati, glitsin.

Dori shakli: infuziya uchun eritma.

Tarkibi:

100 ml eritma kuyidagilarni saklaydi:faol moddalar: L-prolin – 0,1 g L-serin – 0,1 g L-alanin – 0,2 g L-izoleysin – 0,352 g L-leysin – 0,49 g L-asparagin kislotasi – 0,25 g L-tirozin – 0,025 g L-glutamin kislotasi – 0,075 g L-fenilalanin – 0,533 g L-arginin gidroxloridi – 0,50 g L-lizin gidroxloridi – 0,43 g L-valin – 0,36 g L-treonin – 0,25 g L-gistidin gidroxloridi monogidrati – 0,25 g L-triptofan – 0,09 g L-metionin – 0,225 g L-sistin – 0,01 g yoki L-sistein gidroxloridi monogidrati – 0,0172 g Glitsin – 0,76 g yordamchi moddalar:1 M natriy gidroksid eritmasi, sorbit, natriy metabisulfit (natriy disulfit) inyeksiya uchun suv 100 ml gacha.

Tasnifi:

Natriy ionlari                                                                              40,2 mmol

Kaliy ionlari                                                                                25 mmol

Magniy ionlari                                                                             2,5 mmol

Xlorid ionlari                                                                              43,6 mmol

Asetat ionlari                                                                               25 mmol

Nazariy osmolyarlik:                                                                      801,8 mOsm/l

rN qiymati:                                                                                     5,7-7,0

titrlanadigan kislotalik                                                            maks

(qon rN qiymatiga xisoblanganda)                                              +11,6 mmol/l

Energiya miqdori (umumiy):                                                          1671 kDj/l

Umumiy azot                                                                                    6,3 g/l

Taʼrifi: rangsiz yoki deyarli rangsiz tiniq eritma.

Farmakoterapevtik guruhi: Parenteral oziqlantirish vositasi, aminokislotalar.

ATX kodi: V05VA01

Farmakologik xususiyatlari

Farmokodinamikasi

Parenteral oziqlantirish uchun L-aminokislotalarning infuzion eritmasi. Aminokislotalar – bu oqsillar sintezi uchun zarur boʻlgan komponentlardir. Preparatda saqlanuvchi aminokislotalar L – shaklda boʻladi, bu oqsil biosintezida ularning toʻgʻridan-toʻgʻri ishtirok etish imkoniyatini taʼminlaydi. Aminokislotalarni saqlovchi eritmalar, energiyani tashuvchilar, elektrolitlar va suyuqlik bilan bir vaqtda organizmning holatini yaxshilash yoki tutib turish yoki tana vaznining yoʻqotilishini minimumga kamaytirish maqsadida parenteral oziqlantirish uchun qoʻllanadi. Patologik holatlarda aminokislotalarni ekzogen yuborishning iloji boʻlmagan sharoitlarda qon plazmasida aminokislotalarning toʻplamini ham, ayrim aminokislotalarning mutloq konsentratsiyasi ham, ularning qon plazmasidagi foiz nisbatini tipik yaqqol oʻzgarishi rivojlanadi.

Preparat eritmasining 1 litrida 50 g aminokislota, 8 g umumiy azot saqlanadi.

Preparat barcha 8 almashtirib boʻlmaydigan aminokislotalarni, shuningdek shartli almashtirilishi mumkin boʻlgan L-arginin va L-gistidinni saqlaydi. L-arginin ammiakning mochevinaga aylanishiga yordam beradi, jigarda oqsillarning katabolizmida hosil boʻluvchi ammoniyning zaharli ionlarini bogʻlab oladi. L-aminokislotalar anabolik jarayonlarda (oqsillar sintezi) qatnashadi, katabolik jarayonlarni sekinlashtiradi, reparatsiya jarayonlarini tezlashtiradi, organizmning ekstra- va intratsellyulyar suyuqliklarining gemostazini boshqaruvchi bufer tizimining bir qismi hisoblanadi. Sorbit energiya tashuvchisi hisoblanadi, jigarda fosforlanadi va fruktoza-6-fosfatga aylanadi. Sorbit aldegid va keton guruhlarini saqlamasligi tufayli glyukozaga nisbatan aminokislotalarni erituvchisi sifatida yaxshiroqdir, chunki ular aminokislotalarning aminoguruhlari bilan majmuada aminokislotalarning taʼsirini pasaytiruvchi komplekslarni hosil qilmaydi.

Farmakokinetikasi

Preparatning biokiraolishligi 100% ni tashkil qiladi. Preparat yuborilganidan keyin aminokislotalar oqsil sinteziga kirishadilar. Proteinlar va boshqa biomolekulalarning sinteziga kirishmagan aminokislotalarning ortiqcha miqdori toʻplanmaydi (yogʻ kislotalari va glyukozadan farqli ravishda), balki α-aminoguruh dezaminlanishi yoʻli bilan parchalanadi va mochevinani hosil boʻlishi bilan metabolizmga uchraydi. Ohirgisi buyraklar orqali chiqariladi. Aminokislotalarning ozgina qismi (5%) oʻzgarmagan xolda chiqariladi.

Qoʻllanilishi

Quyidagilarda parenteral oqsilli oziqlantirish uchun qoʻllanadi:

– turli genezli gipoproteinemiyalar va suyuqlikni yoʻqotishlari;

– operatsiyadan oldingi va keyingi davrda ovqatni odatdagidek qabul qilishni imkoniyati yoʻqligi yoki keskin cheklangani;

– katta chuqur kuyishlar (ayniqsa, kuyish oqibatidagi holdan toyish);

– jarohatlar, sinishlar, yiringli jarayonlar, sepsis;

– ichakning yalligʻlanish kasalliklari, kaxeksiya, zaharlanishlar;

– meʼda-ichak yoʻllarining (MIY) havfli oʻsmalari, doimiy isitmali holatlar;

– bolalarda oqsilli distrofiyalar, gipotrofiyalar, MIY nuqsonlarida qoʻllanadi.

Operatsiyadan keyingi davrda metabolik va reparativ jarayonlarni yaxshilash zarurati tugʻilganida qoʻllanadi.

Ovqat hazm qilish, soʻrilish va chiqarilish jarayonlaridagi oqsillar almashinuvining buzilishida va unga yuqori ehtiyoj yoki uni sarf etilishi oqibatida paydo boʻladigan oqsil tanqisligini toʻldirish yoki bartaraf qilish.

Qoʻllash usuli va dozalari

Preparat vena ichiga (v/i) tomchilab, bemorning holatini sinchkov kuzatuvi ostida asta-sekin yuboriladi. Preparat patsiyentning klinik holati va uning aminokislotalar va suyuqlikka boʻlgan ehtiyoji, tana vazni va katabolizm darajasiga qarab dozalanadi.

Kattalar: 0,6 dan 1,0 g gacha aminokislotalar (sutkada 1 kg tana vazniga 20 ml eritma) buyuriladi.

Katabolik holatlarda – 1,3-2 g aminokislotalar (sutkada 1 kg tana vazniga 40 ml eritma) buyuriladi.

2-18 yoshli bolalar: 1,0-2,0 g aminokislotalar (sutkada 1 kg tana vazniga 40 ml eritma) tashkil qiladi.

Maksimal sutkalik doza – 2,0 g aminokislotalar (sutkada 1 kg tana vazniga 40 ml eritma) tashkil qiladi.

Infuziyaning maksimal tezligi: soatiga 1 kg tana vazniga 2 ml, bu tana vazniga 0,1 g/kg aminokislotaga tengdir.

Kattalarda parenteral  oziqlantirishda yuboriladigan suyuqlikning umumiy miqdori tana vazniga sutkada 40 ml/kg dan oshmasligi kerak.

Preparat patsiyentni enteral yoki peroral oziqlanishga toʻliq oʻtkazilgunga qadar qoʻllanadi.

 

Nojoʻya taʼsirlari

Preparat odatda yaxshi oʻzlashtiriladi.

Yakka hollarda – koʻngil aynishi, qusish, etni uvishishi, flebit (ayniqsa tez yuborilganida). Preparatda natriy disulfiti saqlanishi tufayli yakka hollarda (ayniqsa bronxial astmali patsiyentlarda) giperergik reaksiyalar, qusish, diareya, dispnoe, bronxial astma hurujlari, ongni buzilishi, shok boʻlishi mumkin. Bundan tashqari, natriy disulfitini preparatning boshqa komponenti – triptofan bilan oʻzaro taʼsirining mahsulotlari – qon plazmasida bilirubinning miqdorini va jigar fermentlarining faolligini oshirishi mumkin.

Qoʻllash mumkin boʻlmagan holatlar

Qoʻllash mumkin boʻlmagan holatlar nisbiy va mutlaq baxolanadi.

Nisbiy:

• giperkaliyemiya;• yurak yetishmovchiligi;• gipergidratsiya;

• jiddiy buyrak yoki jigar yetishmovchiligi ogʻir darajasida ( yetarli diurez boʻlmasa);

• aminokislota almashuvining buzilishi;• giponatriyemiya;• miya jaroxatlarining oʻtkir davri;• natriy disulfitga yuqori sezuvchanlik va preparatning kompanentlariga;• metabolik atsidozMutlaq:• toʻqima gipoksiya – tanadagi xujayralar va toʻqimalarning kislorod bilan yetarli darajada taʼminlamaganligi;• beqaror qon aylanishi va xayotga taxdid soladigan zarba va boshqa shartlar.

 

Dorilarning oʻzaro taʼsiri

Boshqa dori vositalari bilan bir eritmada aralashtirish mumkin emas.

Maxsus koʻrsatmalar

Homiladorlik va laktatsiya davrida koʻrsatmalarga koʻra qoʻllash mumkin.

Preparat faqat statsionar sharoitlarida qoʻllanadi.

Zardobning yuqori osmolyarligida ehtiyotkorlik bilan qoʻllash kerak.

Jigar va buyrakni oʻrtacha yetishmovchiligida dozalash tartibini toʻgʻrilash talab qilinadi.

Qonning suv va elektrolit balansini, qonda glyukozaning konsentratsiyasini va kislota-ishqor tarkibini nazorat qilish lozim.

Toʻliq parenteral oziqlantirishni oʻtkazish uchun bir vaqtda energiya tashuvchilar, elektrolitlar, vitaminlar va mikroelementlarni qoʻshish kerak.

Flakon ochilganidan keyin preparatni darxol ishlatish kerak. Ochilgan flakon saqlanmasin. Avval ishlatilgan flakondagi preparat qayta koʻllanilmasin.

Faqat shikastlanmagan flakondagi tiniq eritma ishlatilsin!

Saqlash sharoitiga rioya qilmaslik va notogʻri transportirovka qilish natijasida flakonlarda mikroyoriqlar paydo boʻlishi mumkin uning natijasida eritmaning mikroblar bilan ifloslanish xavfi oshadi.

Faqat bir marotabalik qoʻllash uchun!

Muzlatilmasin! Isitilmasin!

Dozani oshirib yuborilishi

Preparatning dozasini oshirib yuborilishi toʻgʻrisida maʼlumotlar keltirilmagan.

 

Chiqarilish shakli

100ml, 200 ml va 250 ml dan flakonlarda infuzion eritma.

 

Saqlash sharoiti

Kuruk, yorugʻlikdan himoyalangan joyda, 25°S dan yuqori boʻlmagan haroratda saqlansin. Bolalardan asrang!

Yaroqlilik muddati

2 yil. Yaroqlilik muddati oʻtgandan soʻng qoʻllanilmasin.

 

Dorixonalardan berish tartibi

Shifokor retsepti boʻyicha beriladi.

 

193700cookie-checkInfuzanno