Arbidol ( umifenovir ) tabletkalar haqida ma’lumot

QOʻLLASH BOʻYICHA YOʻRIQNOMA

ARBIDOL^®

ARBIDOL

Preparatning savdo nomi: Arbidol^®

Taʼsir etuvchi modda (XPN): umifenovir

Dori shakli: plyonka qobiq bilan qoplangan tabletkalar.

Tarkibi:

Bir tabletka quyidagilarni saqlaydi:

faol modda: umifenovir (umifenovir gidroxloridi monogidrati (arbidol) umifenovir gidroxloridiga qayta xisoblaganda) – 50 mg,

yordamchi moddalar:

yadro: kartoshka kraxmali – 31,860 mg; mikrokristall sellyuloza – 57,926 mg; povidon (povidon K30) – 8,137 mg; kalsiy stearati – 0,535 mg; kroskarmelloza (natriy kroskarmilloza ) – 1,542 mg,

qobiq: gipromelloza (gidroksipropilmetilsellyuloza) – 4,225 mg; titan dioksidi –
1,207 mg; makrogol (polietilenglikol-4000) – 0,471 mg; polisorbat-80 (tvin-80) –
0,097 mg yoki

Akvarius PraymBAP318008 Oq (Aquarius PrimeBAP318008 White) – 6,000 mg, [Gipromelloza (gidroksipropilmetilsellyuloza) – 4,225 mg, titan dioksidi – 1,207 mg, makrogol (polietilenglikol-4000) – 0,471 mg, polisorbat-80 (tvin-80) – 0,097 mg]

Taʼrifi: oqdan och-sariq tusli oq rangligacha boʻlgan dumaloq, ikki yoqlama qavariq, plyonka qobiq bilan qoplangan tabletkalar.

Sindirilganida oqdan koʻkimtir-sargʻish yoki och-sariq tusli oq rangli tusga ega.

Farmakoterapevtik guruhi: viruslarga qarshi vosita

ATX kodi: J05AX.

Farmakologik xususiyatlari

Farmakodinamikasi

Keng taʼsir doirasiga ega boʻlgan viruslarga qarshi vosita. A va V grippi viruslarini (Influenzavirus A, B), shu jumladan yuqori patogan kichik turlarini A(H1N1)pdm09 va A(H5N1), shuningdek boshqa viruslarni – ogʻir oʻtkir respirator sindromi (OOʻRS) bilan assotsiatsiyalangan OʻRVI (ORVI) qoʻzgʻatuvchilarini (koronavirus (Coronavirus), rinovirus (Rhinovirus), adenovirus (Adenovirus), respirator-sinsitial virus (Pneumovirus) va paragripp virusini (Paramyxovirus)) spetsifik susaytiradi. Viruslarga qarshi taʼsir mexanizmi boʻyicha qoʻshilish (fuziya) ingibitorlariga mansub boʻlib, virus gemagglyutinini bilan oʻzaro taʼsirga kirishadi va virusning lipid qobigʻi va xujayra membranalarini qoʻshilib ketishiga toʻsqinlik qiladi. Oʻrtacha immunomodulyator taʼsir koʻrsatadi, organizmning virusli infeksiyalarga chidamliligini oshiradi. Interferon induksiyalovchi faollikka ega – sichqonlarda oʻtkazilgan tadqiqotlarda interferonlarning induksiyasi 16 soatdan keyinoq aniqlangan, interferonlarning yuqori titrlari preparat yuborilganidan soʻng qonda 48 soatgacha saqlanib qolgan. Immunitetning gumoral va xujayraviy reaksiyalarini ragʻbatlantiradi: qonda limfotsitlar sonini, ayniqsa T-xujayralar (CD3) sonini oshiradi, T-supressorlar (CD8) darajasiga taʼsir qilmay, T-xelperlar (CD4) sonini oshiradi, immunoregulyator indeksni normallashtiradi, makrofaglarning fagotsitar faoliyatini ragʻbatlantiradi va tabiiy killerlar (NK-xujayralar) sonini oshiradi. Organizmning virusli infeksiyalarga chidamliligini oshiradi.

Virusli infeksiyalarda preparatning terapevtik samaradorligi kasallikni kechishini ogʻirligi va davomiyligi va uning asosiy simptomlarini kamayishi, shuningdek virusli infeksiya bilan bogʻliq boʻlgan asoratlarni rivojlanish tez-tezligini pasayishi hamda surunkali bakterial kasalliklarni zoʻrayishi bilan nomoyon boʻladi.

Kam zaharli preparatlarga kiradi (LD50 > 4 g/kg). Tavsiya qilingan dozalarda peroral qoʻllanganida odam organizmiga biron-bir salbiy taʼsir koʻrsatmaydi.

Farmakokinetikasi

Tez soʻriladi va barcha aʼzolar hamda toʻqimalar boʻylab taqsimlanadi. 50 mg dozada qabul qilinganida qon plazmasidagi maksimal konsentratsiyasiga 1,2 soat oʻtgach, 100 mg dozada – 1,5 soat oʻtshach erishiladi. Jigarda metabolizmga uchraydi. Yarim chiqarilish davri 17-21 soatga teng. Taxminan 40% oʻzgarmagan xolda, asosan safro bilan (38,9%) va juda oz miqdorda (0,12%) buyrak orqali chiqariladi. Birinchi sutka davomida yuborilgan dozaning 90% chiqariladi.

Qoʻllanilishi

Kattalar va bolalarda quyidagilarni profilaktika va davolashda qoʻllanadi:

A va V grippi, OʻRVI, ogʻir oʻtkir reapirator sindromi (OOʻRS) (shu jumladan bronxit, pnevmoniya bilan asoratlangan);
ikkilamchi immun tanqisligi holatlarida.

3 yoshdan katta bolalarda rotavirus etiologiyali oʻtkir ichak infeksiyalarini majmuaviy davolash uchun qoʻllaniladi.

Surunkali bronxit, pnevmoniya va qaytalanuvchi gerpetik infeksiyani kompleks davolashda qoʻllaniladi.

Operatsiyadan keyingi infeksion asoratlarni oldini olish uchun qoʻllaniladi.

Qoʻllash usuli va dozalari

Ichga, ovqat qabul qilishdan oldin buyuriladi. Bir martalik doza: 3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg (2 tabletka), 12 yoshdan oshgan bolalar va kattalarga – 200 mg (4 tabletka).

Bolalar va kattalarda gripp va boshqa OʻRVI nospetsifik profilaktikasi va davolash uchun:

Gripp va boshqa OʻRVI nospetsifik profilaktikasi:

Gripp va boshqa OʻRVI epidemiyasi davrida nospetsifik profilaktika uchun:

3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalarga – 200 mg haftada ikki marta 3 hafta davomida buyuriladi.

Gripp va boshqa OʻRVI bemorlar bilan bevosita muloqatda:

3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalar – 200 mg kuniga 1 marta 10-14 kun davomida buyuriladi.

Gripp va boshqa OʻRVI ni davolash uchun:

asoratsiz kechishida: 3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalar – 200 mg sutkada 4 marta (har 6 soatda) 5 sutka davomida buyuriladi.
asoratlar (bronxit, pnevmoniya va boshq.) rivojlanganida: 3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalarga – 200 mg sutkada 4 marta (har 6 soatda) 5 kun davomida, soʻngra bir martalik doza haftada 1 marta 4 hafta davomida buyuriladi.

3 yoshdan oshgan bolalarda rotavirus etiologiyali oʻtkir ichak infeksiyalarini kompleks davolash:

3 yoshdan 6 yoshgacha – 50 mg, 6 yoshdan 12 yoshgacha – 100 mg, 12 yoshdan katta bolalarga –
200 mg sutkada 4 marta (xar 6 soatda) 5 kun davomida buyuriladi.

Ogʻir oʻtkir respirator sindrom (OOʻRS) ni nospetsifik profilaktikasi va davolash uchun:

OOʻRS ni nospetsifik profilaktikasi oldini olish uchun (bemor bilan muloqatda): kattalar va 12 yoshdan katta bolalarga 200 mg dan kuniga bir marta buyuriladi. 6 yoshdan 12 yoshgacha boʻlgan bolalarga 100 mg dan kuniga bir marta (ovqatdan olin) 12-14 kun davomida buyuriladi.
OOʻRS ni davolash uchun:
12 yoshdan katta bolalar va kattalarga – 200 mg kuniga 2 marta 8-10 sutka davomida buyuriladi.

Surunkali bronxit, gerpetik infeksiyani kompleks davolashda:

3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan katta bolalar va kattalarga – 200 mg sutkada 4 marta (har 6 soatda) 5-7 kun davomida, soʻngra bir martalik doza xaftada 2 marta 4 hafta davomida buyuriladi.

Operatsiyalardan keyingi asoratlarni oldini olish uchun:

3 yoshdan 6 yoshgacha boʻlgan bolalarga – 50 mg, 6 yoshdan 12 yoshgacha – 100 mg, 12 yoshdan katta bolalar va kattalarga – 200 mg operatsiyadan 2 sutka oldin, soʻngra operatsiyadan keyingi 2-5-nchi kunlarda buyuriladi.

Nojoʻya taʼsirlari

Kam hollarda – allergik reaksiyalar.

Qoʻllash mumkin boʻlmagan holatlar

Preparatga yuqori sezuvchanlik, 3 yoshgacha boʻlgan bolalarda qoʻllash mumkin emas.

Dorilarning oʻzaro taʼsiri

Boshqa dori vositalari bilan birga buyurilganida salbiy samaralar aniqlangan emas.

Maxsus koʻrsatmalar

Preparatni homiladorlarda qoʻllash boʻyicha maʼlumotlar yetarli boʻlmaganligi tufayli, Arbidol^®ni homiladorlikda faqat ona uchun uni qoʻllanishidan kutiladigan foyda homila uchun potensial xavfdan usutn boʻlgandagina buyurish mumkin. Arbidol^®ni qoʻllash zarurati tugʻilganida emizishni toʻxtatish kerak.

Agar preparatning navbatdagi dozasini qabul qilish oʻtkazib yuborilgan boʻlsa, unda birinchi imkoniyat tugʻilgandayoq, vaqt intervalini hisobga olmay va dozani ikki barobar oshirmay, preparatni qabul qilish kursini boshlangan sxema boʻyicha davom ettirish kerak.

Agar gripp va boshqa OʻRVI ni Arbidol^® preparati bilan davolashda davolash boshlangandan keyin 3 kun davomida davolash samarasi aniqlanmasa, shifokorga murojaat qilish lozim.

Homiladorlikda va emizish davrida qoʻllanilishi

Hayvonlarda oʻtkazilgan tadqiqotlarda homiladorlikni kechishiga, embrion va homilani rivojlanishiga, tugʻruq faoliyati va postnatal rivojlanishga zararli taʼsirlari aniqlanmagan. Preparatni homiladorlarda qoʻllash boʻyicha maʼlumotlar yetarli boʻlmaganligi tufayli, Arbidol^® ni homiladorlikda faqat ona uchun uni qoʻllanishidan kutiladigan foyda homila uchun potensial xavfdan usutn boʻlgandagina buyurish mumkin. Arbidol^® preparatining faol moddasi yoki uning metabolitlarini laktatsiya davrida ayollarda koʻkrak sutiga kirish-kirmasligi nomaʼlum. Arbidol^® ni qoʻllash zarurati tugʻilganida emizishni toʻxtatish kerak.

Transport vositalari va mexanizmlarni boshqarish qobiliyatiga taʼsiri

Markaziy neyrotrop faollik nomoyon qilmaydi va tibbiyot amaliyotida turli kasb egalari, shu jumladan yuqori diqqatni va xarakatlar koordinatsiyasini talab qiluvchi (transport xaydovchilari, operatorlar va boshq.) kasbga ega shaxslarda qoʻllanishi mumkin.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

Dozani oshirib yuborilishi

Aniqlanmagan.

Chiqarilish shakli

Plyonka qobiq bilan qoplangan tabletkalar 50 mg. 10 tabletkadan kontur uyali oʻramda.
1 yoki 2 kontur uyali oʻramlar qoʻllash boʻyicha yoʻriqnomasi bilan birga karton qutida.

Yaroqlilik muddati

3 yil.

Saqlash sharoiti

25ºS dan yuqori boʻlmagan haroratda.

Dorixonalardan berish tartibi

Retseptsiz.