QOʻLLASH BOʻYICHA YOʻRIQNOMA
FAMOTIDIN-LAXISAM
FAMOTIDIN-LAXISAM
Preparatning savdo nomi: Famotidin-Laxisam
Taʼsir etuvchi modda (XPN): famotidin
Dori shakli: inyeksiya uchun eritma tayyorlash uchun liofilizatsiya qilingan kukun
Tarkibi:
Liofilizatsiya qilingan kukun saqlovchi bir flakon quyidagilarni saqlaydi:
faol modda: famotidin – 20,0 mg;
yordamchi moddalar: dinatriy gidrogenfosfat digidrati – 2,40 mg, L-asparagin kislotasi – 16,0 mg, mannitol – 80,0 mg, natriy digidrogenfosfat digidrati – 0,933 mg, inyeksiya uchun suv – yetarli miqdorda.
Erituvchi saqlovchi bir ampula quyidagilarni saqlaydi: inyeksiya uchun 0,9% li natriy xloridi 5 ml.
Taʼrifi: oq rangli liofilizatsiya qilingan massa.
Farmakoterapevtik guruhi: meʼda va oʻn ikki barmoq ichak yara kasalligiga qarshi vosita (N2-blokatori)
ATX kodi: A02VA03
Farmakologik xususiyatlari
Farmakodinamikasi
Famotidin N2-gistamin retseptorlarining kuchli raqobatli ingibitoridir. Famotidinning asosiy klinik ahamiyatli farmakologik taʼsiri meʼda sekretsiyasini ingibitsiya qilish hisoblanadi. Famotidin kislotaning konsentratsiyasini ham, meʼda sekretsiyasining hajmini ham pasaytiradi, ayni vaqtda pepsinning sekretsiyasi meʼda shirasini ajralib chiqqan hajmiga proporsionalligi qoladi.
Famotidin sogʻlom koʻngillilarda ham va gipersekretsiyasi boʻlgan bemorlarda ham meʼdaning bazal va tungi sekretsiyasini ham pentagastrin, betazol, kofein, insulin va adashgan nervining fiziologik refleksi bilan ragʻbatlantirilgan sekretsiyani ham ingibitsiya qiladi. 20 va 40 mg dozalar ishlatilganidagi sekretsiyani ingibitsiya qilishining davomiyligi 10-12 soatni tashkil qiladi. 20 va 40 mg dozalarni kechki vaqtda bir marta peroral qabul qilish xlorid kislotaning bazal va tungi sekretsiyasini ingibitsiya qilishini taʼminlaydi. Famotidin-Laxisam och qoringa yoki ovqat qabul qilgandan keyingi zardobdagi gastrinning darajasiga deyarli taʼsir koʻrsatmaydi. Famotidin meʼdani boʻshashiga, meʼda osti bezining ekzokrin funksiyasiga, jigarda va portal tizimda qon oqimiga taʼsir koʻrsatmaydi. Famotidin jigarning sitoxrom R-450 ferment tizimiga taʼsir qilmaydi. Preparatning antiandrogen taʼsiri aniqlanmagan. Famotidin bilan davolagandan keyin zardobdagi gormonlarning darajasi oʻzgarmagan.
Farmakokinetikasi
Plazma oqsillari bilan bogʻlanishi nisbatan past: 15-20%. Plazmadan yarim chiqarilish davri 2,3-3,5 soat. Kreatinin klirensi minutiga 10 ml kam boʻlgan hollarda yarim chiqarilish davri 20 soatgacha yetishi mumkin. Jigarda metabolizmga uchraydi, yagona maʼlum metaboliti sulfoksiddir.
Famotidinning 65-70% siydik orqali oʻzgarmagan koʻrinishida, 30-35% metabolit koʻrinishida chiqariladi. Yoʻldosh orqali oʻtadi, koʻkrak suti bilan ajraladi. Yuborilgan dozaning katta boʻlmagan miqdori sulfoksid koʻrinishida chiqarilishi mumkin.
Qoʻllanilishi
Preparat quyidagi kasalliklarda qoʻllanadi:
- meʼdaning xavfsiz yarasi;
- meʼdaning malignizatsiyalanmagan yarasi;
- gastro-ezofagal reflyuks kasalligi;
- poliendokrin adenomatoz.
Qoʻllash usullari va dozalari
Tayyorlangan eritma faqat vena ichiga yuborish mumkin.
Preparat faqat statsionarda ishlatiladi. Preparat peroral qabul qilish imkoniyati boʻlmaganda qoʻllanadi.
Tavsiya qilingan doza kuniga ikki marta (har 12 soatda) vena ichiga (v/i) 20 mg ni tashkil qiladi.
Zoʻrayish bosqichidagi meʼda va oʻn ikki barmoq ichak yara kasalliklari va gipersekretor holatlarda: v/i sekin 20 mg dan sutkada 2 marta 2 minut davomida suyultirilgan holatda; v/i infuziya: sekin 20 mg dan sutkada 2 marta 15-30 minut davomida yuboriladi.
Reflyuks-ezofagitda: boshlangʻich doza 20 mg, sutkada 2 marta v/i sekin yuboriladi.
Zolinger-Ellison sindromida: boshlangʻich doza har 6 soatda v/i 20 mg ni tashkil qiladi. Shundan soʻng: doza sekretsiyaning hajmi va bemorning holatiga bogʻliq.
Umumiy anesteziyani oʻtkazishda meʼda ichidagisining aspiratsiyasini oldini olish: Preparat operatsiya kuni ertalab v/i 20 mg yoki operatsiyadan kamida 2 soat oldin qoʻllanadi. Vena ichiga yuborish uchun boshlangʻich doza 20 mg dan oshirmaslik kerak. Vena ichiga inyeksiyani amalga oshirish uchun flakon ichidagisi 5-10 ml 0,9% li natriy xloridi eritmasida (erituvchining ampulasi) eritish, soʻngra esa sekin (kamida 2 minut davomida) yuborish kerak. Preparatni infuziyasida 15-30 minut davomida yuborish kerak.
Eritmalarni bevosita yuborishdan oldin tayyorlash kerak. Faqat tiniq rangsiz eritmalarni ishlatish mumkin.
Buyrak yetishmovchiligida:
Famotidinni asosan buyraklar orqali chiqarilishi tufayli, uni ogʻir buyrak yetishmovchiligi boʻlgan patsiyentlarda ehtiyotkorlik bilan qoʻllash kerak. Agar kreatinin klirensi minutiga 30 ml dan kam boʻlsa, zardobdagi kreatinin konsentratsiyasi esa 3 mg 100 ml dan koʻp boʻlsa, sutkalik doza 20 mg gacha pasaytirilishi yoki yuborishlar orasidagi interval 36-48 soatgacha oshirilishi kerak.
Bolalarda qoʻllanishi:
Bolalarda preparatning xavfsizligi va samaradorligi aniqlanmagan.
Keksa patsiyentlarda qoʻllanishi:
Yoshga qarab dozaga tuzatish kiritish talab qilinmaydi.
Nojoʻya taʼsirlari
Quyidagi keltirilgan noxush holatlar juda kam hollarda yoki kam hollarda kuzatilgan. Biroq koʻp holatlar famotidin bilan davolash bogʻliqligi aniqlanmagan.
Aʼzo va tizim | Kam hollarda (≥1/10000 – <1/1000) | Juda kam hollarda (<1/10000) | Nomaʼlum (mavjud maʼlumotlar asosi-da aniqlashning imkoniyati yoʻq) |
Gematologik buzilishlar | AgranulotsitozLeykopeniya
Pansitopeniya Trombotsitopeniya |
||
Immun buzilishlar | Anafilaksiya | ||
Modda almashinuvi va oziqlanish tomonidan buzilishlari | Anoreksiya | ||
Ruhiy buzilishlar | DepressiyaGallyutsinatsiyalar
Qoʻzgʻalish Xavotirlik Ongni chalkashishi |
||
Nevrologik buzilishlar | Bosh ogʻrigʻiBosh aylanishi | ||
Eshitish aʼzosi va muvozanat tomonidan buzilishlar | Quloqlarda shangʻillash | ||
Kardiologik buzilishlar | AritmiyaAtrioventrikulyar blokada | ||
Respirator buzilishlar, koʻkrak qafasi va koʻks oraligʻi kasalliklari | Bronxospazm | ||
Ovqat hazm qilish tizimi tomonidan buzilishlari | DiareyaQabziyat | Qorinda diskomfort hissi Koʻngil aynishi
Qusish Ogʻizni qurishi |
|
Gepatobiliar buzilishlar | Xolestatik sariqlik | ||
Teri va teri osti kletchatkasining kasalliklari | Xusnbuzar toshmalarAlopetsiya
Angionevrotik shish Terini qurishi Toksik epidermal nekroliz Eshakemi Qichishish |
||
Suyak-mushak tizimi va biriktiruvchi toʻqima tomonidan buzilishlar | ArtralgiyaMushak spazmlari | ||
Reproduktiv buzilishlar sut bezlari kasalliklari | Ginekomastiya* | ||
Tizimli buzilishlar va yuborish joyidagi asoratlar | Yuqori toliqishIsitma | ||
Laborator tekshirishlarida aniqlangan normadan ogʻishlar | “Jigar” fermentlari faolligini ogʻishlari |
* Ginekomastiya juda kam hollarda uchraydi va preparat bekor qilinganida qaytuvchan xarakterga ega.
Qoʻllash mumkin boʻlmagan holatlar
Taʼsir etuvchi moddaga yoki har qanday yordamchi moddalarga oʻta yuqori sezuvchanlik, homiladorlik va laktatsiya davrida, bolalarda qoʻllash mumkin emas.
Dori vositalarning oʻzaro taʼsiri
0,18% li va 0,9% li natriy xloridi eritmasi, 4 li va 5% li dekstroza eritmasi, 4,2% li natriy gidrokarbonati eritmasi bilan mutanosib.
Amoksitsillin va klavulanat kislotasini soʻrilishini oshiradi
Antatsidlar va sukralfat famotidinni soʻrilishini sekinlashtiradi.
Itrakonazol va ketokonazol soʻrilishini kamaytiradi.
Suyak koʻmigi faoliyatini susaytiruvchi dori vositalar neytropeniyani rivojlanish xavfini oshiradi.
Maxsus koʻrsatmalar
Famotidin bilan davolashni boshlashdan oldin, yoki bunday imkoniyat boʻlmasa, peroral davolashga oʻtishdan oldin meʼdada xavfli oʻsma borligini istisno qilish kerak.
Jigar yetishmovchiligida famotidinni ehtiyotkorlik bilan, past dozalarda ishlatish kerak.
N2-retseptorlarining antagonistlari qoʻllanilganida kesishgan reaktivlik taʼriflangani tufayli, anamnezida N2-retseptorlarining boshqa antagonistlariga oʻta yuqori sezuvchanligi boʻlgan bemorlarda preparatni qoʻllash, ehtiyotkorlikni talab qiladi.
Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.
Dozani oshirib yuborilishi
Simptomlari: qusish, harakat qoʻzgʻalishi, tremor, AB pasayishi, taxikardiya, kollaps.
Davolash: simptomatik va tutib turuvchi davolash; gemodializ.
Chiqarilish shakli
20 mg dan preparat 5 ml sigʻim rezina tiqin bilan germetik yopilgan, alyumin majmuaviy qalpoqcha qisilgan (Flipp/off) rangsiz shisha flakonlarda.
Preparat saqlovchi 5 flakon erituvchi (inyeksiya uchun 0,9% li natriy xloridi eritmasi 5 ml dan) saqlovchi 5 ampula bilan majmuada kontur uyali plastik qutiga joylanadi.
Bir kontur uyali oʻram qoʻllash boʻyicha yoʻriqnomasi bilan karton panelga joylanadi.
Saqlash sharoiti
Quruq, yorugʻlikdan himoyalangan joyda, 25oS dan yuqori boʻlmagan haroratda saqlansin.
Yaroqlilik muddati
2 yil.
Dorixonalardan berish tartibi
Retsept boʻyicha.
Mavzuga aloqador
Alkalin ( Алкалин ) – atsidozni zamonaviy davosi ; infuziya uchun eritma
Maaloks
OMEGAST