Fanigan

QOʻLLASH BOʻYICHA YOʻRIQNOMA

FANIGAN®

Preparatning savdo nomi: Fanigan®

Taʼsir etuvchi modda (XPN): Paratsetamol, diklofenak natriy

Dori shakli: tabletkalar

Tarkibi:

Har bir tabletka quyidagilarni saqlaydi:

Faol modda: Paratsetamol 500 mg,

Diklofenak natriy 50 mg.

Yordamchi moddalar: makkajoʻxori kraxmali, povidon K-30(PVPK-30), natriy kroskarmelloza, mikrokristallik sellyuloza, magniy stearati, sariq shafaq boʻyovchisi FCF (E110), tozalangan suv.

Taʼrifi: toʻq-sariq rangli, kiritmali, kapsulasimon shaklli tabletkalar.

Farmakoterapevtik guruhi: boshqa analgetiklar va antipiretiklar, Anilidlar, Paratsetamol boshqa preparatlar (psixoleptiklardan tashqari) bilan majmuasi.

ATX kodi: N02BE51

Farmakologik xususiyatlari

Fanigan® tabletkalari – yaqqol yalligʻlanishga qarshi, ogʻriqni qoldiruvchi va isitmani tushiruvchi taʼsirga majmuaviy preparatdir. Bu preparatning farmakologik faolligi Fanigan® tabletkalari tarkibiga kiruvchi paratsetamol va diklofenak natriyning xususiyatlariga bogʻliq.

Taʼsir mexanizmi:

Paratsetamol: Qon tomirlarni kengaytirib va qon oqimini, ter ajralishini va teri orqali issiqlikni yoʻqotilishini kuchaytirib, gipotalamusdagi issiqlikni hosil boʻlish markaziga isitmani tushiruvchi taʼsirga ega deb hisoblanadi. Uning asosiy taʼsiri gipotalamusda prostaglandinlar sintezini susaytirish deb hisoblanadi.

Diklofenak: Diklofenak natriy yaqqol ogʻriqni qoldiruvchi va yalligʻlanishga qarshi samaraga ega nosteroid vosita hisoblanadi. U prostaglandinlar (siklooksigenazalar) sintezining ingibitori sifatida taʼsir qiladi. Diklofenak natriy in vitro sharoitda odamda erishiladigan konsentratsiyalarga ekvivalent konsentratsiyalarda togʻay toʻqimasining proteoglikanlari biosintezini susaytirmaydi.

Farmakokinetikasi:

Soʻrilishi:

Paratsetamol meʼda-ichak yoʻllaridan toʻliq soʻriladi va uning plazmadagi maksimal konsentratsiyasiga qoʻllanilgandan 30 minutdan 2 soatgacha boʻlgan vaqtdan keyin erishiladi. U jigarda metabolizmga uchraydi va asosan glyukuronid va sulfat konʼyugatlari koʻrinishida siydik bilan chiqariladi. 5% dan kamrogʻi oʻzgarmagan paratsetamol koʻrinishida chiqariladi. Yarim chiqarilish davri 1 dan 4 soatgachani tashkil etadi. Terapevtik konsentratsiyalarda plazma oqsillari bilan bogʻlanishi ahamiyatsiz, lekin konsentratsiyasi oshgan sari oshadi.

Diklofenak natriy meʼdaga tushganidan keyin toʻliq soʻrilib, meʼdadan oʻtish vaqtida sekinlashishi mumkin. Bu ovqatni meʼdani boʻshashish jarayoniga taʼsiri natijasida yuzaga kelishi mumkin. Diklofenakning plazmadagi asosiy choʻqqi konsentratsiyasiga taxminan 2 soatdan keyin erishiladi (50 mg doza 1,48±0,65 mkg/ml beradi (1,5 mkg/ml=5 mkg/ml)).

Taqsimlanishi:

Paratsetamol 99,7% oqsillar, asosan albumin (99,4%) bilan bogʻlanadi.

Diklofenak natriy sinovial suyuqlikka kiradi, u yerda uning maksimal konsentratsiyasiga qon plazmadagidan 2-4 soat kechroq erishadi. Sinovial suyuqlikdan yarim chiqarilish davri 3-6 soatni tashkil qiladi. Plazmada choʻqqiga erishilgandan 2 soatdan keyin faol moddaning konsentratsiyasi plazmadagiga nisbatan sinovial suyuqlikda yuqori boʻladi va shunday 12 soat davomida qoladi.

Metabolizmi:

Paratsetamol jigarda metabolizmga uchraydi va asosan glyukuronid va sulfat konʼyugatlari koʻrinishida siydik bilan chiqariladi.

Diklofenak natriyning biotransformatsiyasi intakt molekulaning glyukuronizatsiyasi yoʻli bilan qisman, lekin asosan bir marta va koʻp marta gidroksillanish va metoksillanish yoʻli bilan amalga oshadi, bu bir nechta fenol metabolitlarini hosil boʻlishiga olib keladi, ularning koʻpchiligi glyukuronid konʼyugatiga aylanadi. Bu fenol metabolitlarining ikkitasi biologik faol, lekin ularning taʼsiri diklofenak natriyga nisbatan sezilarli darajada past.

Chiqarilishi:

Paratsetamolning 5% dan kamrogʻi oʻzgarmagan koʻrinishda chiqariladi. Yarim chiqarilish davri 1 dan 4 soatgachani tashkil qiladi. Terapevtik konsentratsiyalarda plazma oqsillari bilan bogʻlanishi ahamiyatsiz, lekin konsentratsiyasi oshgan sari oshadi.

Diklofenakning umumiy plazmadagi klirensi minutiga 263±56 ml (oʻrtacha koʻrsatkich±standart ogʻish) ni tashkil qiladi. Oxirgi yarim chiqarilish davri 1-2 soatga teng. 4 faol metabolitlarining, shu jumladan 2 ta faol metabolitlarining yarim chiqarilish davri qisqa hisoblanadi va 1-3 soatni tashkil etadi.

Qoʻllanilishi:

Yalligʻlanish kasalliklari va degenerativ revmatizmdagi (revmatoid artrit, ankilozlovchi spondilit, osteoartrit, spondiloartrit) ogʻriq sindromi;
Umurtqa pogʻonasi kasalliklarida ogʻriq sindromi;
Podagraning oʻtkir xuruji;
Yalligʻlanish va shish bilan kechuvchi jarohatdan keyingi va operatsiyadan keyin ogʻriq sindromi;
Migrenning oʻtkir xuruji;
Buyrak va oʻt qopi sanchigʻi;
Ogʻriq sindromi va yalligʻlanish bilan kechuvchi ginekologik kasalliklar (birlamchi algodismenoreya, adneksit va boshqalar);
Ogʻriq bilan kechuvchi quloq, tomoq, burunni oʻtkir yalligʻlanishli kasalliklari (faringit, tonzillit, otit va boshqalar);
Tish ogʻrigʻida qoʻllanadi.

Qoʻllash usuli va dozalari

Doza patsiyentning yoshi, kasallikning xarakteri, dori vositasini oʻzlashtiraolinishi va uning samaradorligiga qarab har bir patsiyent uchun shaxsiy ravishda belgilanadi.

Davolashni boshida kattalar va tana vazni 60 kg dan yuqori boʻlgan oʻsmirlar uchun kuniga Fanigan®ni 2-3 tabletkadan buyurish tavsiya etiladi. Kasallikning simptomlari oʻrtacha yaqqollikda boʻlganida, shuningdek uzoq muddat davolaganda, odatda preparatni sutkada 2 marta – ertalab va kechqurun bittadan qabul qilish yetarli boʻladi. Bunday holatlarda Fanigan®ning maksimal sutkalik dozasi uchta tabletkadan oshmasligi kerak. birlamchi algodismenoreyada preparatning boshlangʻich dozasi – 1 tadan 3 tabletkagachani tashkil qiladi, lekin zarurati boʻlganida bir sutka davomida dozani sutkada 4 tabletkagacha oshirish mumkin. Preparatni qoʻllash muddati 5-7 kunni tashkil qiladi va simptomlarning dinamikasiga bogʻliq. Fanigan®ning maksimal dozasi kuniga 3 tabletkani tashkil qiladi. 6 yoshdan 12 yoshgacha boʻlgan bolalar uchun Fanigan®ning sutkalik dozasi tana vazniga 0,5-2 mg/kg dan oshmasligi kerak, u 2-3 qabulga boʻlinadi.

Yuvenil revmatoid artritni davolaganda diklofenakning dozasi 3 mg/kg gacha oshirilishi mumkin, bu bolalar uchun maksimal sutkalik doza hisoblanadi. 6 yoshdan oshgan bolalarni davolaganda paratsetamolning sutkalik dozasi 2 g dan oshmasligi kerak.

Nojoʻya taʼsirlari: umuman olganda preparat yaxshi oʻzlashtiriladi. Diklofenak va paratsetamolga yuqori sezuvchanlikda ayrim patsiyentlarda quyidagi simptomlar paydo boʻlishi mumkin:

Meʼda-ichak yoʻllari: baʼzida – koʻngil aynishi, qusish, diareya; ayrim hollarda – qabziyatlar, gemorragik kolit, nospetsifik yarali kolitni zoʻrayishi.

Markaziy nerv tizimi: baʼzida – bosh ogʻrigʻi, bosh aylanishi; kam xollarda – uyquchanlik; ayrim xollarda – sezuvchanlikni buzilishi, uyqusizlik, taʼsirchanlik.

Sezgi aʼzolari: ayrim hollarda – koʻrishni va taʼm bilishni noaniqligi.

Dermatologik reaksiyalar: baʼzida – teri toshmasi; kam hollarda – eshakemi.

Jigar: plazmada aminotransferazalar darajasini oshishi.

Oʻta yuqori sezuvchanlik reaksiyalari: kam hollarda – bronxospazm, tizimli anafilaktik reaksiyalar, shu jumladan gipotenziya.

Yurak-qon tomir tizimi: ayrim hollarda – taxikardiya, koʻkrakda ogʻriq, arterial gipertenziya, dimlangan yurak yetishmovchiligi.

Qoʻllash mumkin boʻlmagan holatlar: Faniganni quyidagi holatlarda qoʻllash mumkin emas:

Diklofenakka, paratsetamolga yoki preparatning yordamchi moddalaridan birontasiga allergiyada;

Avval aspirin yoki boshqa NYAQP larni qabul qilganda astma, eshakemi yoki allergiyaning boshqa simptomlari paydo boʻlgan patsiyentlarga diklofenakni buyurish mumkin emas. Bunday patsiyentlarda kam hollarda oʻlim bilan yakunlanuvchi diklofenakka ogʻir anafilaktik reaksiyalar holatlari maʼlum.

Faniganni qoʻllash mumkin emas:

Zoʻrayish bosqichidagi meʼda yoki oʻn ikki barmoq ichak yara kasalligi boʻlgan patsiyentlarda yoki meʼda-ichakdan oʻtkir qon ketishlari yoki serebro-vaskulyar kabi boshqa qon ketishlari boʻlgan patsiyentlarda.
Homiladorlikning oxirgi uch oyligi
Diklofenakka, aspiringa, boshqa NYAQP larga, mizoprostol va boshqa prostaglandinlarga yoki preparatning boshqa yordamchi moddalariga oʻta yuqori sezuvchanligi maʼlum patsiyentlarda
Aspirin yoki boshqa nosteroid yalligʻlanishga qarshi preparatlar qoʻzgʻatgan astma xurujlari, eshakemi yoki oʻtkir riniti boʻlgan patsiyentlarda.
Ogʻir yurak yetishmovchiligi boʻlgan patsiyentlarda qoʻllash mumkin emas.

Dorilarning oʻzaro taʼsiri:

Xolestiramin: Paratsetamolning soʻrilish tezligi xolestiramin tomonidan sekinlashtiriladi. Shuning uchun maksimal ogʻriqni qoldirish zarur boʻlgan vaqtda xolestiraminni bir soat davomida qabul qilish mumkin emas.

Metoklopramid va domperidon: Metoklopramid va domperidon paratsetamolning soʻrilish tezligini oshiradi. Ammo ularni bir vaqtda qoʻllashdan saqlanish zarurati yoʻq.

Varfarin: Paratsetamolni uzoq vaqt muntazam qabul qilish qon ketishi xavfini oshirib, varfarin va boshqa kumarinlarning antikoagulyant samarasini oshiradi; baʼzida ahamiyatli samaraga ega emas.

Xloramfenikol: Xloramfenikolning plazmadagi konsentratsiyasi oshadi.

Diklofenak natriy:

Litiy va digoksin: Fanigan litiy va digoksinning qon plazmasidagi konsentratsiyasini oshirishi mumkin.

Antikoagulyantlar: Garchi klinik tadqiqotlar diklofenak natriyni antikoagulyantlarning samarasiga taʼsir qilishini koʻrsatmasada, diklofenak va antikoagulyantlarni bir vaqtda qabul qilgan patsiyentlarda qon ketishi xavfini oshirishi haqida alohida xabarlar mavjud. Antikoagulyantlarning dozasini oʻzgartirish zaruratiga ishonch hosil qilish uchun bunday patsiyentlar kuzatiladi. Boshqa nosteroid yalligʻlanishga qarshi preparatlar bilan boʻlgandagi kabi diklofenak yuqori dozalarda trombotsitlar agregatsiyasini qaytuvchan tarzda tormozlashi mumkin.

Diabetga qarshi vositalar: Klinik tadqiqotlar diklofenak natriyni diabetga qarshi vositalar bilan ularning klinik taʼsirini oʻzgartirmasdan birga qoʻllash mumkinligini koʻrsatdi. Ammo gipoglikemiya va giperglikemiyaning alohida holatlari maʼlum, bu gipoglikemik vositalarning dozasiga tuzatish kiritishni talab etadi.

Metotreksat: Metotreksat diklofenak saqlovchi NYAQV lar bilan 24 soatdan kamroq vaqt orasida qabul qilinganda kuchli toksik taʼsiri holatlari maʼlum. Bunday holatlarda NYAQV lar mavjudligida buyrak ekskretsiyasini kamayishi oqibatida metotreksatning konsentratsiyasi oshishi mumkin.

Xinolon guruhiga mansub antimikrob preparatlar: Xinolon va NYAQV larning oʻzaro taʼsirini natijasida tirishishlar boʻlishi mumkin. Tirishishlar anamnezida tirishishlar va tutqanoq xurujlari boʻlgan patsiyentlarda paydo boʻlishi mumkin. Shuning uchun NYAQV larni qabul qilayotgan patsiyentlarga xinolonlarni buyurishda ehtiyotkorlikka rioya qilish lozim.

Boshqa NYAQV lar, shu jumladan SOG-2 selektiv ingibitorlari va kortikosteroidlar:

Diklofenak natriyni aspirin yoki kortikosteroidlar bilan bir vaqtda qoʻllash meʼda-ichak yoʻllaridan qon ketishi yoki yara paydo boʻlishi xavfini oshiradi. 2 va undan koʻp NYAQV larni parallel qoʻllashdan saqlanish kerak. Antiagregant preparatlar va serotoninni qayta qamrab olinishining selektiv ingibitorlari (SQQOSI): tizimli NYAQV larni, shu jumladan diklofenakni birga buyurish meʼda-ichak yoʻllaridan qon ketishi xavfini oshirishi mumkin.

Diuretik vositalar: Boshqa NYAQV lar kabi diklofenak diuretiklarning faolligini kamaytirishi mumkin. Kaliy tejovchi diuretiklarni bir vaqtda qoʻllash qonda kaliy darajasini oshishiga olib kelishi mumkin, buni doimo kuztish kerak.

Yurak glikozidlari: Yurak glikozidlarini NYAQV lar bilan bir vaqtda qoʻllash yurak yetishmovchiligini zoʻrayishiga, kalavachalar filtratsiyasi tezligini pasayishiga va qon plazmasida yurak glikozidlarining konsentratsiyasiga olib kelishi mumkin.

Mifepriston: Mifepristonni buyurilgandan keyin 8-12 kun davomida NYAQV larni qoʻllash mumkin emas, chunki NYAQV lar mifepristonning samaradorligini kamayishiga olib kelishi mumkin.

Gipertoniyaga qarshi vositalar: NYAQV larni gipertoniyaga qarshi vositalar (beta-blokatorlar, angiotenzinga aylantiruvchi ferment (AAF) ingibitorlari, diuretiklar) bilan bir vaqtda buyurish qon tomirlarni kengaytiruvchi prostaglandinlarning sintezini ingibitsiya qilish hisobiga gipertoniyaga qarshi samarani kamaytirishi mumkin.

Siklosporin va takrolimus: Siklosporinni diklofenak natriy saqlovchi NYAQV lar bilan bir vaqtda qabul qilayotgan patsiyentlarda nefrotoksiklik haqida xabarlar mavjud. Takrolimusni NYAQV lar bilan buyurilganda nefrotoksiklik xavfi oshishi mumkin. Bu NYAQV larning buyrak antiprostaglandin samaralari va kalsionevrin ingibitori bilan tushuntiriladi.

Maxsus koʻrsatmalar:

Faniganni qabul qilgan vaqtda meʼda-ichak yoʻllari kasalliklariga shikoyat bildiradigan yoki meʼda yoki ichakni yarali shikastlanishiga anamnestik maʼlumotlari boʻlgan bemorlarni; yoki yarali koliti, Kron kasalligi yoki jigar faoliyatini buzilishi boʻlgan bemorlarni sinchkovlik bilan tibbiy kuzatuv zarur. Buyrak va jigar yetishmovchiligi boʻlgan patsiyentlarga paratsetamolni ehtiyotkorlik bilan qabul qilish tavsiya etiladi. Jigarning sirroz boʻlmagan alkogolli kasalliklari boʻlgan patsiyentlarda dozani oshirib yuborilishi xavfi yuqori.

Buyurilgan doza oshirilmasin.
Paratsetamol saqlovchi boshqa preparatlar bilan birga qabul qilinmasin.
Agar simptomlar 3 kundan ortiq kuzatilsa yoki ogʻirlashsa, davolovchi shifokor bilan maslahatlashish lozim.
Dozani oshirib yuborilgan hollarda, hatto oʻzini yaxshi his qilganda ham darhol shifokorga murojaat etish lozim.

Preparatni simptomlarni kamaytirish uchun zarur minimal samarali dozada eng qisqa vaqt davrida buyurib, noxush samaralarni minimumga yetkazish mumkin.

Diklofenak natriyni NYAQP, shu jumladan SOG-2 ning selektiv ingibitorlarini bir vaqtda qoʻllashdan saqlanish lozim.

Homiladorlik

Homilador ayollar orasida oʻtkazilgan epidemiologik tadqiqotlar tavsiya etilgan dozalar chegaralarida qabul qilingan paratsetamolning nojoʻya taʼsirlarini aniqlamadi, lekin patsiyentlar uni qoʻllash boʻyicha shifokorning koʻrsatmalariga rioya qilishlari lozim.

Paratsetamol koʻkrak suti bilan ajraladi, lekin klinik ahamiyatsiz miqdorda. Chop etilgan maʼlumotlar preparatni emizish davrida qoʻllashga qarshi koʻrsatmalarni saqlamaydi.

NYAQV larning maʼlum samaralari, shu jumladan diklofenakni homilaning yurak-qon tomir tizimiga samarasi (masalan, arterial yoʻlni muddatidan oldin berkilishi) va bachadan qisqarishini sustligini eʼtiborga olib, homiladorlikning oxirgi uch oyligida preparatni qoʻllash mumkin emas. Tugʻruq vaqti kechiktirilishi, davomiyligi esa onada ham, bolada ham qon ketishi paydo boʻlishi ehtimoli bilan uzayishi mumkin. NYAQV larni homiladorlikning birinchi ikkita uch oyligida va tugʻruq vaqtida qabul qilish mumkin emas, agar faqat davolashdan samara homila uchun potensial xavfdan ustun boʻlsa. Bunda eng past dozani qoʻllash kerak va qabul qilish davomiyligi iloji boricha qisqa boʻlishi kerak.

Laktatsiya

Diklofenak boshqa NYAQV lar kabi kam miqdorda koʻkrak sutiga kiradi. Shuning uchun emizish davrida NYAQV larni qoʻllashdan saqlanish lozim.

Oʻramida koʻrsatilgan yaroqlilik muddati oʻtgach ishlatilmasin.

Dozani oshirib yuborilishi:

10 va undan ortiq paratsetamolni qabul qilish kattalarda jigarni ogʻir shikastlanishiga olib kelishi mumkin. Agar patsiyent xavf guruhida boʻlsa, 5 g va undan ortiq paratsetamolni qabul qilish quyidagilarga olib kelishi mumkin:

Agar patsiyent:

A) patsiyent karbamazepin, fenobarbital, fenitoin, primidon, rifampitsin, dalachoy yoki jigar fermentlarini hosil boʻlishini kuchaytiruvchi boshqa preparatlarni qoʻshimcha qabul qilayotgan boʻlsa.

B) tavsiya etilgan miqdordan ortiq etil spirtini muntazam qabul qilayotgan boʻlsa.

V) glutation tanqisligi ehtimoli boʻlsa, masalan ovqatlanishni buzilishi, mukovissedoz, OITV-infeksiyasi, och qolish, kaxeksiya.

Diklofenak natriy

Simptomlari bosh ogʻrigʻi, koʻngil aynishi, epigastral sohada ogʻriq, meʼda-ichakdan qon ketishi, kam hollarda diareya, dezoriyentatsiya, qoʻzgʻalish, koma, uyquchanlik, quloqda shangʻillash, vaqti-vaqti bilan hushdan ketish va tirishishlarni oʻz ichiga oladi. Kam hollarda zaharlanganda oʻtkir buyrak yetishmovchiligi va jigar shikastlanishi mumkin.

Chiqarilish shakli:

10 tabletkadan PVD/PVDX blisterda, 10 blisterdan qoʻllash boʻyicha yoʻriqnomasi bilan karton qutida.

Saqlash sharoiti:

25oS yuqori boʻlmagan haroratda, yorugʻlikdan himoyalangan va bolalar olaolmaydigan joyda saqlansin.

Yaroqlilik muddati:

3 yil

Berish tartibi:

Retsept boʻyicha.